"Xəzər Lənkəran"ın veteran futbolçusu yubileyini qeyd edir

24.12.2011 | 5233 dəfə oxunub

Bu gün “Xəzər Lənkəran”ın veteranlarından olan Namiq Qarayevin yubileyidi. Stadium.az xəbər verir ki, hazırda bu klubun U-16 komandasının məşqçisi olan Namiq Qarayevin 60 yaşı tamam olur.
 
Namiq Qarayev futbolçu karyerasına 1968-ci ildə başlamışdır. Həmin dövrdə o, Lənkəranın “Məhsul” komandasında çıxış edirdi. 1970-ci ildə “Məhsul” komandasının adı dəyişdirilərək “Xəzər” qoyuldu, Qarayev də karyerasını burada davam etdirdi. 1970-72-ci illərdə hərbi xidmətdə olan Namiq Qarayev qayıdandan sonra da “Xəzər”də çıxışlarınnı bərpa etdi. Ardından bədən tərbiyəsi və idman institutuna daxil olan futbolçu təhsil aldığı illərdə də Lənkəran komandasının şərəfini qorumuşdu. 1977-ci ildə Namiq Qarayev “Xəzər”lə birlikdə SSRİ çempionatının 2-ci divizionunun 9-cu zonasında çıxış etmək imkanı qazandı. 1978-ci ildən etibarən komandaya ayrı şəhərlərdən və ittifaqın digər dövlətlərindən futbolçular gəlməyə başladı. “Xəzər”in heyətində yalnız üç yerli futbolçu heyətdə qaldı ki, onlardan biri də Namiq Qarayev idi.
 
1979-cu ildən etibarən Namiq Qarayevin məşqçilik karyerası başlayır. Moskvada 2 aylıq kursu uğurla bitirəndən sonra o, “Xəzər”də Kazbek Tuayevin köməkçisi kimi çalışmağa başladı. Sonrakı illərdə Namiq müəllim Rəşid Özbəyov və Sergey Kramarenkonun köməkçisi qismində də fəaliyyət göstərib. 1985-ci ildə SSRİ Spartakiadasına qatılan futbol komandasının məşqçisi olan Namiq Qarayev həmin yarışın qalibi olub. 1987-ci ildə veteran futbolçunun baş məşqçiliyi altında “Xəzər” Azərbaycan kubokunu başı üzərinə qaldırıb.
 
1990-cı illərdə Lənkəran futbolunda bir qədər durğunluq olsa da, Namiq Qarayev həmin dövrdə də futbol fəaliyyətini davam etdirərək rayon daxilində müxtəlif yarışların təşkili ilə məşğul olub. 2001-ci ildə isə Namiq Qarayev Lənkəranda qızlardan ibarət futbol komandasının yaradılmasının təşəbbüskarı olub. Nəhayət, 2004-cü ildən, “Xəzər Lənkəran” Futbol Klubunun təməli qoyulduqdan etibarən, veteran futbolçu klubun aşağı yaş qruplarında məşqçilik fəaliyyətinin davam etdirir.
 
“Xəzər Lənkəran” Futbol Klubu Namiq Qarayevi 60 illik yubiley münasibətilə ürəkdən təbrik edib, ona Lənkəran futbolu üçün uzun illər gördüyü işlərə görə təşəkkür edib.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail