"Billiatın "Qarabağ"a transferi 50/50-yədir" - Qurban Qurbanov

09.02.2018 | 1410 dəfə oxunub

“Qarabağ”ın baş məşqçisi Qurban Qurbanovun müsahibəsi

- Antalyadakı təlim-məşq toplanışından sonra komandanızın durumu istənilən səviyyədədirmi?

- Qane edən futbolçuların istəkli olmasıdır. Çempionatın ikinci yarısına pis hazırlaşmadılar. Amma təlim-məşq toplanışında hər şey istədiyimiz kimi olmur. Çatışmazlıqlar olur və bu normal haldır. Proqramımız üzrə çalışdıq və düşündüklərimizin hamısını olmasa da, müəyyən qədərini etdik.

- Təlim-məşq toplanışından sonra adətən klublar öz oyununu tam göstərə bilmir. Çempionatın ikinci yarısında açılış matçında da birinciliyi iki iddialı komanda “Qarabağ” və “Qəbələ” üz-üzə gələcək. Fasilədən sonra ilk matç olduğunu nəzərə alsaq, komandaların ifasında nə qədər maraqlı oyun görə bilərik?

- Düz qeyd etdiniz ki, toplanışdan sonra adətən komandalar tam öz oyunundan uzaq olur. Hardasa 3-4 turdan sonra komanda oyununu tapır. Həqiqətən iki lider komanda üz-üzə gələcək. Bizim aramızda həmişə maraqlı, gərgin oyun keçib və bu dəfə də eynisinin olacağına ümid edirəm.

- Bu matçı mövsümün oyunu adlandırmaq olar? Çünki aradakı xal fərqi bir az da çoxalsa, böyük ölçüdə çempionluğun taleyinə aydınlıq gələcək...

- Ümumiyyətlə, “Qarabağ” və “Qəbələ” arasında hər zaman maraqlı oyun olur. Bu bütün matçlar üçün keçərlidir. Yəni təkcə qarşıdan gələn oyuna aid deyil. Amma bu oyunla çempionluq bitir və ya yenidən başlayır kimi fikrim yoxdur. 3 xallıq sistemdə hər şey ola bilər. Hər bir məğlubiyyət digər rəqibə üstünlük verir. Biz həmişə çalışmışıq ki, komanda düzgün futbol oynasın. Məğlub da ola bilərik. Lakin öz futbolumuzu meydanda göstərməliyik. Nəticəyə gəlincə, qarşıda çox oyunlar var. “Qəbələ” ilə oyunda 3 xal çox vacibdir. Amma bu matça uduzsaq, belə olar, udsaq, başqa cür deyə yanaşmayacağıq. “Qəbələ” güclü və iddialı komandadır. Onlara hər zaman hörmət etmişik. Komandamı da həmişə onlara qarşı yaxşı kökləməyə çalışmışam.

- Fasilə zamanı komandadan Dino Ndlovu və Tarik Elyunussi kimi futbolçular getsə də, yerlərinə transfer olmadı. Siz isə həmişə deyirsiniz ki, əlimin altında nə qədər çox oyunçu olsa, o qədər yaxşıdır...

- Onların getməyinin də, yeni futbolçu götürməməyiniz də səbəbləri var. Əgər transfer etmədiksə, bu o demək deyil ki, axtarışda deyilik. Axtarırıq və çox futbolçu ilə maraqlanmışıq. Danışıqlar da aparmışıq. Lakin əldə edə bildiyimiz, razılaşdığımız oyunçular yoxdur. Bəzən klubla, bəzən futbolçunun özü ilə problemlər yaşanıb. Digər tərəfdən komandada oyunçuların sayı da az deyil. 20-yə yaxın futbolçumuz var. Həm də çempionatın ikinci yarısında cəmi 14 oyunumuz olacaq. Matçların sayı azdır. Bu səbəbdən də elə də narahatçılıq keçirmirəm. Təkcə narahat olduğum məsələ odur ki, zədəli oyunçularımız var və onlar ilk oyuna tam hazır olmayacaqlar.

- Nldovunun gedişindən sonra Mahir Mədətovla Ramil Şeydayev onu əvəz edə biləcək?

- Bu indi belə deyil. Ndlovu burda olarkən də Ramil, Mahir və ya digər oyunçular onun mövqeyində oynayıblar. Komandada istək, hər şey qarşılıqlı olsa, daha keyfiyyətli iş çıxır ortaya. Əlimizdə olan futbolçularla boşluğu doldurmağa çalışacağıq. İndiyə qədər futbolçularımız tələblərimizi yerinə yetirməyə çalışıblar.

- Zimbabveli hücumçu Xama Billiat haqqında danışsanız da, bu məsələ Cənubi Afrika Respublikasında hər günün müzakirə mövzusudur. Onunla hər hansı danışıq olubmu?

- Bu futbolçu gündəmimizdə olub. Dəfərlərlə qeyd eləmişəm ki, hər “transfer pəncərəsi” zamanı 10-15 futbolçu ilə maraqlanırıq. Bəzən danışıqlar aparırıq, bəzən klubu ilə məsələyə aydınlıq gətiririk.

- Klubu həqiqətən Billiat üçün 2,5 milyon avro istəyib?

- Məbləği şişirdiblər. Düzdür, onun klubu bizdən transfer pulu istəmişdi. Amma 2,5 milyon avro deyil. Hər bir halda danışıqlar oldu, maraqlandıq və məsələ açıq olaraq qalır.  Bu gün üçün tam gündəmdə deyil.

- Amma Billiatı “Qarabağ”da görə bilərik?

- 50/50-yədir. Olma ehtimalı da var idi, olmama ehtimalı da var.

- Riçard Almeydanın “Bursaspor”a transferi gündəmdə idi. Türkiyə klubu onu istədiyini, lakin “Qarabağ”ın buna icazə vermədiyini bildirmişdi...

- Kluba hər hansı rəsmi təklif gəlsəydi, mənim xəbərim olardı. Bu məsələdə elə də ciddi müzakirələr və ya danışıqlar olmadı. (Qafqazinfo.az)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
"Sportinq"ə keçidim yanlış idi" - "Qarabağ"ın futbolçusu
Futbolumuzda əcnəbi sədr - Xaqani Məmmədov göndərildi
"CBC Sport"dan örnək addım - Oyunlar həm də "İdman Tv"də yayımlanacaq
Son xəbərlər

20.09.2018

19.09.2018

23:00  "Son ana qədər döyüşəcəyik" - Filip Ozobiç

19:47  "Qarabağ"la bağlı çox şey araşdırmalıyıq" "Sportinq"in baş məşqçisi

10:44  "İnter"in qələbəsi VİDEO

18.09.2018

18:16  "Qarabağ" yola düşür - Foto

13:59  4-cü turun oyun cədvəli - Birinci Divizion

13:48  5-ci turun oyun saatları açıqlandı - Premyer Liqamız

12:00  "Zirə" - "Neftçi" - başlanma saatı məlum oldu

17.09.2018

16.09.2018

00:52  "İnter" - "Parma" 0:1 VİDEO

00:51  "Bavariya" - "Bayer" 3:1 VİDEO

00:39  "Nyukasl" - "Arsenal" 1:2 VİDEO

15.09.2018

20:23  "Çelsi" - "Kardif" 4:1 VİDEO

20:03  "Səbail" - "Zirə" -HEYƏTLƏR

18:51  PSJ - "Sent Entien" 4:0 VİDEO

00:29  "Zirə"də itki

14.09.2018

23:18  "Azərbaycanın ən böyük klubundayam" - Araz Abdullayev

22:30  "Komandadan razı qaldım" - Nazim Suleymanov

21:51  "Qarabağ" qələbə qazandı - YENİLƏNİB

19:28  "Qarabağ” - "Sumqayıt” - HEYƏTLƏR

19:14  3-cü tura yekun vuruldu - Birinci Divizion

18:31  "CBC Sport"dan örnək addım - Oyunlar həm də "İdman Tv"də yayımlanacaq

14:32  Futbolumuzda əcnəbi sədr - Xaqani Məmmədov göndərildi

   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə