"Əslində, mümkün 5 rəqib arasında ciddi fərq yox idi"

25.06.2018 | 985 dəfə oxunub

“Hazırlıq prosesi yaxşı keçir. Qəbələdə baş tutan ilk mərhələdə fiziki hazırlıq üzərində çalışmışdıq. Sloveniyada isə daha çox toplu məşqləri gerçəkləşdiririk”.

Stadium.Az xəbər verir ki, bu sözləri Asif Məmmədov deyib. Yeni mövsümə hazırlıqları davam etdirən “Qəbələ” Sloveniyada toplanışdadır. Komandanın təcrübəli üzvü Asif Məmmədov təlim-məşq prosesinin gedişi haqqında klub saytına açıqlama verib. O, ilk yoxlama oyunu və ümumi hazırlıq barəsində danışıb:

“Vaxt azlığı və heyətdəki dəyişiklikləri nəzərə alsaq, üzərimizdə çox işləməliyik. İlk yoxlama oyununda “Kukesi” ilə qarşılaşdıq. Düzdü, hər şey tam istədiyimiz kimi alınmadı. Çünki biz daha yaxşı oynamalıyıq. Lakin Albaniya təmsilçisi ilə matç ilk görüşümüz olduğundan qarşılaşmanı müsbət dəyərləndirərdim”. Məmmədov komandadakı baş məşqçi dəyişikliyi barədə fikirlərini də açıqlayıb. O bildirib ki, uzun müddət komandada çalışan Sənan Qurbanovun baş məşqçi kimi uğurlar qazanmasında bütün komanda pay sahibi olacaq:

“Qurbanovla neçə müddətdir birlikdə çalışırıq. Necə mütəxəssis olduğuna bələdik. Daim öz üzərində işləyir. Gənc olmasına baxmayaraq təcrübəli mütəxəssislərlə çalışmaqla böyük təcrübə qazanıb. Bütün “Qəbələ” camiəsinin ona böyük ümidləri var. Biz futbolçular da uğur qazanmaqda ona yardım etməliyik. Nəticədə bu, komandanın uğuru olacaq”.

Yarımmüdafiəçi UEFA Avropa Liqasının püşkatmasını dəyərləndirib, “Qəbələ”nin I təsnifat mərhələsinin “Proqres”lə dueldəki şanslarından da danışıb:

“Əslində, mümkün 5 rəqib arasında ciddi fərq yox idi. Çünki UEFA Avropa Liqasında zəif rəqib olmur. Həm “Qəbələ”, həm də “Proqres” yay fasiləsindən sonra ilk rəsmi matçına çıxacaq. Buna görə də rəqiblərin ikisinə də çətin olacaq. Hazırda şanslar 50-nin 50-yədir. Lakin bizim Avropa təcrübəmiz daha çoxdur. Çalışacağıq ki, Lüksemburq təmsilçisini mübarizədən kənarlaşdıraq”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Fransa finalda - YENİLƏNİB
Son xəbərlər

15.07.2018

22:37  Ronaldo Turinə gəlib - FOTO

18:11  Fransa - Xorvatiya - HEYƏTLƏR

14.07.2018

17:19  Belçika - İngiltərə - HEYƏTLƏR

13.07.2018

12.07.2018

22:52  “Neftçi”dən inamlı qələbə - YENİLƏNİB

   
  O Q H M T-f X
1. Qarabağ 27 19 5 3 36:13 62  
2. Qəbələ 27 14 7 6 43:25 49  
3. Neftçi 27 13 4 10 37-27 43  
4. Zirə 27 11 8 8 34-29 41  
5. Sumqayıt 27 11 7 9 33:31 40  
6. Keşlə 27 7 7 13 28:39 28  
7. Səbail 27 6 5 16 19-38 23  
8. Kəpəz 27 3 5 19 17-45 14  
14.02Neftçi ---Qarabağ
14.02Zirə ---Səbail
14.02Sumqayıt ---Kəpəz
13.02Keşlə 1-1Qəbələ
01.04Kəpəz -Zirə
01.04Qarabağ -Keşlə
02.04Qəbələ -Sumqayıt
02.04Neftçi -Səbail