"Ən düzgününü etməyə çalışacağıq" - Qurban Qurbanov

09.10.2018 | 4366 dəfə oxunub

"Hazırlıq üçün çox vaxtımız olmadı. Bəzi oyunçular bizə gec qoşuldu. Riçard Almeyda dünən gəlib və bir məşq edib. Hamının oyuna qədər hazır olacağını və özünü yaxşı tərəfdən göstərəcəyini düşünürəm”.

Stadium.Az xəbər verir ki, bunu futbol üzrə Azərbaycan millisinin baş məşqçisi Qurban Qurbanov Millətlər Liqasının III turundan Farer adaları ilə oyun üçün səfər ərəfəsində təşkil etdiyi brifinqdə deyib. 46 yaşlı mütəxəssis Heydər Əliyev Beynəlxaq Hava Limanından jurnalistlərlə suallarını da cavablandırıb.

- Qələbənin qrupdan çıxmaq baxımından vacib olmasını təzyiq, yoxsa motivasiya sayaq?

- Əlbəttə, təzyiq var. Görünən odur ki, hamı qələbədən başqa bir nəticə gözləmir. Bu da futbolçularda təzyiq yaradır. Bunu hər zaman normal qarşılamışam. Belə olduğu halda bizim, eləcə də futboçuların məsuliyyəti daha da artır. Futbolun silinməyən qanunlarından biridir. Belə tələblər çox olur. Bunu təzyiq yox, motivasiya kimi qəbul edərik ki, oyunumuza təsir etməsin.

- Rüfət Dadaşovun uzun aradan sonra yığmaya çağırılması barədə nə deyə bilərsiniz?

- Hamı özünü yaxşı tərəfdən göstərir. Problemimiz vaxtımızın çox az olmasıdır. Rüfət də komandaya gec qoşulanlardandır. Almeydadan bir məşq artıq edib. Onların gücünü tam bilmək üçün istədiyimiz məşqləri edə bilməmişik. Dadaşov yığmaya qayıtmasına şaddır. Şans verəcəyimiz təqdirdə özünü yaxşı tərəfdən göstərməyə çalışacaq.

- Cavid Hüseynova niyə dəvət göndərməmisiniz?

- Bu, normaldır. Dəfələrlə demişəm ki, hər toplanışda yeni futbolçular olacaq, kimsə kənarda qalacaq. Bütün futbolçuları izləyirik və dəyişikliklər həmişə mümkündür.

- Yolun uzunluğu və oktyabrın 11-də Farer adaları ilə səfər matçından 3 gün sonra evdə Malta ilə oynamaq nə dərəcə təhlükə yarada bilər?

- Təhlükə deməzdin, böyük problem olacaq. Bu gün 12 - 14 saat yolda olacağıq. Bu, az vaxt deyil. Ən pisi odur ki, təyyarə dəyişəcəyik. Bu da futbolçularda yorğunçuluq yaradacaq. Həm də uyğunlaşma problemi ola bilər. Getmək üçün yox, qayıtmaqdan narahatam. Çünki futbolçular güclərini meydanda qoyacaqlar. Geri dönən zaman yorğunçuluq amili olacaq. Amma başqa çıxış yolumuz yoxdur. Hər bir halda ən düzgününü etməyə çalışacağıq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail