Tərlan Əhmədov: "Qələbə çox vacib idi"

11.11.2018 | 3385 dəfə oxunub

“Keşlə”nin baş məşqçisi Tərlan Əhmədov Premyer Liqanın XI turunda səfərdə “Sumqayıt”a 4:1 hesabı ilə qalib gəldikləri oyundan sonra mətbuat konfransında fikirlərini bölüşüb.

Stadium.Az xəbər verir ki, 46 yaşlı mütəxəssis komandasının oyunundan razı qaldığını bildirib:

- Qələbə bizim üçün çox vacib idi. Çünki son pillələrdə qərarlaşmışıq. Bu oyuna həddindən artıq çox yaxşı hazırlaşmışdıq. Müdafiədə az səhvlər etdik. Kompakt komanda yaratmaq istəyirəm. Amma hələ ki, tam alınmır. Qələbə qazandığımıza görə şadam. Millinin oyunlarına görə yaranan fasilədən maksimum yararlanmağa çalışacağıq.

- Vaqif Cavadovun olmamasına səbəb nə idi?

- Vaqif xəstədir, hərarəti var. Ona görə də, bu gün yox idi.

- Amil Yunanov nə yemişdi ki, belə yaxşı oynadı?

- Yerli futbolçuların olmasına çox sevinirəm. Amillə söhbətim olub, potensialına bələdəm. Başa saldım ki, istəkli olmalı və daha da inkişaf etməlisən. Mən istədiyimin 50-60 faizini etməyi bacardı.

- Ebrima Sohnanın qışda komandadan göndəriləcəyi söylənilir. Bu məsələ doğrudur?

- Heç bir siyahım yoxdur. Bu haqda rəhbərliklə söhbətim olmayıb. Qışa qədər bu heyətlə davam edəcəyik. Ondan sonra heyətlə bağlı qərar verəcəyik. Qış fasiləsinə bir tur qalmış rəhbərliklə söhbət edəcəyik, qərarımızı verəcəyik.

- Sizdən əvvəl iki futbolçu "Keşlə"ni tərk edib - Pərdis Fərcad-Azad və Adrian Skarlatake. Onların yeri görsənir?

- Yox, əvəzolunmaz insan yoxdur, təkrarolunmaz var. Bu komandada kim varsa, öna hörmət edirik. Bizim o mövqedə futbolçularımız var. Bu gün hücumda Amil Yunanov oynayır, buna sevinirəm. Demək olar ki, gedənlərin yeri görünmür. Hücum xəttinə daha gənc futbolçu cəlb etmək istəyirəm. 

- "Neftçi"də bir yerdə işlədiyiniz Bahodir Nasimovun durumu necədir?

- O, təcrübəli futbolçudur. Azərbaycanda da oynayıb. İndiyədək "Keşlə"də az oynayıb. 4 hücumçudan ən yaxşı kimdirsə, o da oynayacaq. Bu gün iki hücumçuyla oynadıq. Bahodirin durumu hələ ki özündən asılıdır. 
 
- "Sumqayıt"la ilk dövrədəki oyunun xüsusi analizi olmuşdu?

- Bütün oyunları, komandanın funksional hazırlığını təhlil etmişdim. Bu, təkcə "Sumqayıt"la matç deyildi. Beş müdafiəçi ilə oynamağı sevmirəm. Ancaq rəqibə görə belə taktiki sxemi seçmişdim. 

- Oyun gedə-gedə 4-cü hakimliklə dialoqunuz oldu. Əvvəldən tanışlığınız var?

- Bütün futbol ictimaiyyəti hamı bir-birinə tanışdır. "Sumqayıt"da qırmızı vərəqədən sonra qapıçı meydana girəndə, vaxt çox dayandı. Hər məşqçinin etirazı olur. Udanda da, uduzanda. Bu, təbiidir. 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

09.08.2020

08.08.2020

07.08.2020

12:51  Günün oyunlarına necə baxaq? - TV AFİŞA

01:32  "Sevilya" - "Roma" - 2:0 VİDEO

06.08.2020

13:21  Günün oyunlarına necə baxaq? - TV AFİŞA

01:29  "İnter" - "Xetafe" - 2:0 VİDEO

05.08.2020

04.08.2020

03.08.2020

02.08.2020

   
  O Q H M T-f X
1. Qarabağ 20 13 6 1 34-7 45  
2. Neftçi 20 10 7 3 34-14 37  
3. Keşlə 20 8 6 6 27-21 30  
4. Zirə 20 6 5 9 25-37 23  
5. Sumqayıt 20 6 5 9 24-31 23  
6. Sabah 20 5 6 9 19-27 21  
7. Səbail 20 5 5 10 16-30 20  
8. Qəbələ 20 5 4 11 15-35 19  
21.06Zirə ---Neftçi
21.06Sabah ---Keşlə
21.06Qarabağ ---Qəbələ
21.06Sumqayıt ---Səbail
21.06Qarabağ -Qəbələ
21.06Sumqayıt -Səbail
21.06Zirə -Neftçi
21.06Sabah -Keşlə