"Penalti verilməsəydi oyun başqa cür nəticələnə bilərdi" - Ruslan Qurbanov

25.11.2018 | 1186 dəfə oxunub

"Neftçi"ni qələbə münasibəti ilə təbrik edirəm. Qələbə qazanıb, mövqelərini yaxşılaşdırdılar. Maraqlı oyun alındı. Düzdür, hakim bir az tempi aşağı salırdı. Amma bu, məğlub olmağımıza səbəb deyil"

Bu sözləri "Səbail"in futbolçusu Ruslan Qurbanov Premyer Liqanın XII turunda doğma meydanda "Neftçi"yə məğlub olduqları matçı dəyərləndirərkən deyib. 27 yaşlı hücumçu matçın 52-ci dəqiqəsində qapılarına təyin olunan penaltinin doğru olmadığını bildirib: "Həmin epizodda top komanda yoldaşımın əlinə yox, sinəsinə dəymişdi. Hamı hər şeyi görür. Hakim idarəçiliyi barədə danışmaq istəmirəm. "Neftçi"nin belə qələbələrə, penaltilərə ehtiyacı yoxdur. Bu komanda iki dövrə ərzində dominantlıq edir, liderdir. Layiqli yerdə birinci pillədə qərarlaşıblar. Ona görə də belə penaltilərə ehtiyacı yoxdur. Meydanda düzgün mübarizə aparmaq lazımdır. Həm epizodda penalti verilməsəydi, matç başqa cür nəticələnə bilərdi. Hesabda 2 cavabsız qolla geri düşdükdən sonra geridönüş etmək çətin olur. Amma bu da bəhanə ola bilməz, biz qol vura bilmədik".

Millimizin üzvü hakimlərlə penalti epizodu ilə bağlı müzakirə apardığını, lakin konkret cavab ala bilmədiyini sözlərinə əlavə edib: "Oyun zamanı baş hakimdən "penalti olduğunu kim sənə dedi" - soruşdum. O da yan xətt hakimini nişan verdi. Görüşdən sonra yan xətt hakiminə özüm yaxınlaşdım və "sən penalti olduğunu gördün" - xəbər aldım. O isə konkret cavab vermədi. Aldatmaq doğru deyil. Bu, düzgün deyil".

Ruslan Qurbanov millidəki komanda yoldaşı Kamran Ağayevin UEFA Millətlər Liqasında Kosovo ilə həlledici matçda bilərəkdən iştirak etmək istəməməsi yönündə iddiaya da münasibət bildirib: "Kamranın zədəsini bəhanə etməsi məsələsinə inanmıram. Uzun illərdir milli komandanın formasını geyinir. Yayılan xəbərlər doğru deyil. Kamran, bizim özümüzə də çətindir. Həlledici görüşdə məğlub olduq. Digər futbolçuların bilərəkdən zəif oynamalarına gəlincə, hər qarşılaşmada yaxşı çıxış etmək olmur. Hərdən kimdəsə alınır, kimdəsə yox. Uşaqlar əllərindən gələni etdilər. Kosovo ilə oyunu unutmalı, səhvlərdən nəticə çıxarmalı və yolumuza davam etməliyik".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.01.2020

19.01.2020

23:24  "Lecce" - "İnter" - 1:1 VİDEO

12:00  Günün oyunlarına necə baxaq? - TV AFİŞA

01:03  "Real" - "Seviliya" - 2:1 VİDEO

18.01.2020

11:24  Günün oyunlarına necə baxaq? - TV AFİŞA

17.01.2020

10:43  Günün oyunlarına necə baxaq? - TV AFİŞA

16.01.2020

03:18  "Monako" - PSJ - 1:4 VİDEO

02:07  "Milan" - "Spal" - 3:0 VİDEO

15.01.2020

14.01.2020

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə