"Azərbaycan millisinə çağırsalar, bu təklifi sevinclə qəbul edərəm”. - "Qarabağ"ın əcnəbisi

02.01.2019 | 1600 dəfə oxunub

"Çempionlar Liqasında və Avropa Liqasında kifayət qədər oyunlar keçirdik. Bir neçə cəbhədə mübarizə apardığımız üçün baş məşqçimiz heyətdə tez-tez rotasiyalar edirdik. Hələ çempionatın ilk hissəsi arxada qalıb. Ümid edirəm ki, sonda titula sahib olacağıq. Çempionatın lideri olan "Neftçi"dən 3 xal geridəyik".

Stadium.az xəbər verir ki, bu sözləri "Qarabağ"ın futbolçusu Filip Ozobiç ölkəsinin mətbuatına açıqlamasında deyib. Xorvatiyalı yarımmüdafiəçi "Qəbələ"dən ayrıldığı üçün keçmiş klubundan üzrxahlıq istəyib: "Onları qoyub getdiyim üçün üzr istəyirəm. Amma bu, futboldur. Ayrılıq qərarı bir qədər üzücü oldu. "Qəbələ" rəsmiləri zarafatca məndən soruşurdular ki, nəyin çatmırdı?. Amma indi "Qarabağ"ın futbolçusuyam".


Futbolçu Azərbaycan yığması barədə fikirlərini bildirib: “Hazırda millinin işləri yaxşı getmir. Komandanın Millətlər Liqasının D liqasında qalması məyusluq yaradıb. Robert Prosineçkinin millinin baş məşqçisi olduğu vaxt yığma yaxşı nəticələr göstərirdi. İndi isə Kosovoya 0:4 hesabı ilə uduzdular. Azərbaycan millisinin potensialı var. Lakin Kosovoya bu məğlubiyyət onları üzdü”.

Ozobiç "Qarabağ"ın baş məşqçisi Qurban Qurbanovun Azərbaycan millisindən gedişinin səbəbini bilmədiyini söyləyib: "Nəyin baş verdiyini bilmirəm. Qurban Qurbanovun "Qarabağ"dakı uğurları göz önündədir. Öz komandasını sevən, topla oyunu və matça nəzarət etməyi xoşlayan çalışdırıcıdır". 

27 yaşlı futbolçu Azərbaycan millisində oynamaq perspektivinə də toxunub: “Qarabağ”la müqaviləm 2+1 il müddətinədir. Əgər məni Azərbaycan millisinə çağırsalar, bu təklifi sevinclə qəbul edərəm”. 

Ozobiç Xorvatiya millisinin heyətində rəsmi oyun keçirməyib.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

06.06.2020

13:03  Günün oyunlarına necə baxaq? - TV AFİŞA

05.06.2020

18:39  Günün oyunlarına necə baxaq? - TV AFİŞA

03.06.2020

02.06.2020

01.06.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ