Rəşad Sadıqov: "6:0 və ya 1:0, bizim üçün fərqi yoxdur" - MÜSAHİBƏ
"Qarabağ"ın kapitanı Rəşad Sadıqov Azərbaycan Premyer Liqasının 22-ci turunda səfərdə "Sumqayıt"a 6:0 hesabı ilə qalib gəldikləri oyundan sonra jurnalistlərin suallarını cavablandırıb:
- 6:0-lıq qələbə sizin üçün də gözlənilməz olmadı?
- Əlbəttə, gözlənilməz oldu. Biz oyundan öncə 1:0 hesabına da razı idik. Əsas buradan 3 xalla ayrılmaq idi. Oyunumuz uğurlu alındı və böyük hesabla qalib gəldik.
- Demək olarmı ki, bu qalibiyyət çempionluğu nə qədər çox istədiyinizi bir daha göstərdi?
- Açığı, bu cür qələbənin nəyin göstəricisi olduğunu deyə bilmərəm. "Sumqayıt"ı çox ciddiyə alırdıq. Birinci hissədə hesab 3:0 olmasına baxmayaraq, oyun çətin keçdi. Rəqibin də qol epizodları var idi. Çox pressinq edir, hücuma çıxmağa imkan vermirdilər. İkinci yarıya isə daha rahat çıxdıq. Ardıcılqollardan sonra isə "Sumqayıt" ruhdan düşdü və nəticə istədiyimiz kimi alındı.
- Sona 6 tur qalıb. Yəqin ki, bu qələbə komandaya daha böyük motivasiya verəcək...
- 6:0 və ya 1:0, bizim üçün fərqi yoxdur. Gələn tur "Qəbələ" ilə oyunumuz var. Bugünkü nəticə həmin matçda bizə heç bir üstünlük vermir. Hər şey yenə sıfırdan başlayacaq. Önəmli olan 3 xal qazanmaqdır.
- Abdulla Zubirin vurduğu baxımlı qol barədə nə deyə bilərsən?
- Əsas odur, qol olsun. Necə vurulmasının fərqi yoxdur.
- "Neftçi" ilə xallar yenə bərabərləşdi...
- Şansları eyni görürəm. "Neftçi"nin üstünlüyü odur ki, son oyunu bizimlə evdə keçirəcək.
- İki cəbhədə - həm çempionat, həm də kubokda mübarizə aparmaq nə dərəcədə çətindir?
- Aprelin sonlarında kubokda yarımfinal matçları olacaq. 3-4 gündən bir oyun keçirəcəyik. Bu da "Neftçi" üçün üstünlükdür. Onlar bütün fikirlərini yalnız çempionata veriblər.
- Beyninizdə kuboku ikinci plana atmaq fikri var?
- Belə bir söhbət yoxdur. Hər ikisi bizim üçün vacibdir. Təbii ki, hamı hər iki yarışda qalib olmaq istəyər.
- Bu gün meydana 2016-cı ilin aprel döyüşləri zamanı şəhid olanların övladları ilə çıxdınız. Hansı hissləri keçirdiniz?
- Onlarla meydana çıxmaq çox təsirli məqam idi. Şəhidlərimizə Allahdan rəhmət diləyir, ailələrinə başsağlığı verirəm. Analarının əllərindən öpürəm ki, belə övladlar yetişdiriblər. Nə desək də, onların etdiklərini sözlə ifadə edə bilmərik.
- Növbəti turda "Qəbələ" ilə çətin oyun var. Həmin qarşılaşma barədə nə düşünürsən?
- "Qəbələ" ilə oyunlar hər zaman ağır keçib. Onlar həmişə bizə qarşı xüsusi motivasiya ilə oynayırlar. Gərgin və maraqlı görüş olacaq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |