Ayxan Abbasov: "Futbolu istənilən hava şəraitində oynamaq olar""

06.05.2019 | 4053 dəfə oxunub

"Əlbəttə, vacib oyun idi. Rəqiblər xal itirmişdi. Çempionatda taleyimizi həll etməli idik. Futbolçular bu oyunun əhəmiyyətini anlayaraq, qələbəyə nail oldular".

Stadium.Az xəbər verir ki, bunu "Sumqayıt"ın baş məşqçisi Ayxan Abbasov Azərbaycan Premyer Liqasının 27-ci turunda "Sabah"a 1:0 hesabı ilə qalib gəldikləri matçdan sonra mətbuat konfransında deyib.

Gənc mütəxəssisin sözlərinə görə, son turlarda yaxşı nəticələr göstərmələri uyğunlaşma prosesinin tam həyata keçirilməsi ilə əlaqədardır: "Düzdür, nəticə baxımından indi vəziyyət yaxşıdır. Amma uduzduğumuz matçlarda da yaxşı oyun sərgiləyirdik. Sonradan futbolçularımız tədricən uyğunlaşdılar və bu da nəticələrdə özünü göstərməyə başladı".

Abbasov "Qəbələ" ilə Azərbaycan kubokunun finalında da görüşəcəklərini nəzərə alaraq, eyni rəqiblə son tur matçına ehtiyatlı yanaşacaqlarını diqqətə çatdırıb: "Hazırda Peyman Babayi və Vurğun Hüseynovun zədəsi var, Mehdi Cənnətov sarı vərəqə limitini doldurduğu üçün son turu buraxacaq. Çalışacağıq ki, kubokun finalına tam sağlam vəziyyətdə çıxaq".

"Sumqayıt" mayın 19-da Naxçıvanda keçirəcəyi final oyununa iki gün tez gedəcək. Oyun isə isti hava şəraitində gündüz vaxtı keçiriləcək. Abbasov bu amillərin komandasına hər hansı təsirini inkar edib: "Hava şəraiti hər iki komanda üçün eynidir. Bizim kimi "Qəbələ" də finaldan 2 gün əvvəl oyuna gedəcək. Yerli şəraitə uyğunlaşmaq üçün əslində minimum bir həftə lazımdır. Amma futbolu istənilən hava şəraitində oynamaq olar".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

09.08.2020

12:09  Günün oyunlarına necə baxaq? - TV AFİŞA

08.08.2020

07.08.2020

12:51  Günün oyunlarına necə baxaq? - TV AFİŞA

01:32  "Sevilya" - "Roma" - 2:0 VİDEO

06.08.2020

13:21  Günün oyunlarına necə baxaq? - TV AFİŞA

01:29  "İnter" - "Xetafe" - 2:0 VİDEO

05.08.2020

04.08.2020

03.08.2020

02.08.2020

   
  O Q H M T-f X
1. Qarabağ 20 13 6 1 34-7 45  
2. Neftçi 20 10 7 3 34-14 37  
3. Keşlə 20 8 6 6 27-21 30  
4. Zirə 20 6 5 9 25-37 23  
5. Sumqayıt 20 6 5 9 24-31 23  
6. Sabah 20 5 6 9 19-27 21  
7. Səbail 20 5 5 10 16-30 20  
8. Qəbələ 20 5 4 11 15-35 19  
21.06Zirə ---Neftçi
21.06Sabah ---Keşlə
21.06Qarabağ ---Qəbələ
21.06Sumqayıt ---Səbail
21.06Qarabağ -Qəbələ
21.06Sumqayıt -Səbail
21.06Zirə -Neftçi
21.06Sabah -Keşlə