“Zirə”nin Antalya toplanışı: 2 qələbə, 1 məğlubiyyət

22.01.2020 | 1117 dəfə oxunub

Mövsümün ikinci yarısına hazırlığı Türkiyədə gerçəkləşdirən “Zirə” Antalya toplanışını başa vurub. Stadium.Az xəbər verir ki, Zaur Həşimovun baş məşqçisi olduğu komanda qonşu ölkədə üç yoxlama oyununda qüvvəsini sınayıb.

Yanvarın 11-də Türkiyənin “Ümraniyespor” klubu ilə görüşən “qartallar” 0:3 hesabı ilə uduzub. Beş gün sonra Rumıniyanın “Sepsi”, ayın 21-də isə Serbiyanın “Napredak” komandaları ilə görüşən “Zirə” hər iki qarşılaşmada eyni hesabla qalib gəlib – 2:0. İlk oyunda hər iki qola Riçard Qadze imza atıb. Serbiya təmsilçisi ilə görüşdə də toplardan birini qanalı vurubsa, digər qol yeni transfer Davit Volkovun hesabındadı.

Ümumilikdə, 3 oyunda 2 qələbə qazanan “Zirə” 1 dəfə məğlub olub. Rəqib qapılarına 4 dəfə yol tapan qəsəbə təmsilçisi 3 qol buraxıb. Komandanın qollarına iki oyunçu imza atıb. Qış bombardiri Riçard Qadze 3, Davit Volkov isə 1 dəfə fərqlənib. Afrikalı bir toplanışda 3 qol vuran ilk futbolçu olub.

Tarixində 10-cu dəfə toplanış üçün Türkiyəyə yollanan “Zirə”nin keçirdiyi beynəlxalq yoxlama oyunlarının sayı 29-a çatıb. Bu matçlarda 13 dəfə qalib gələn “qartallar” 5 heç-heçə edib, 11 dəfə uduzub. 40 qol vuran “Zirə” 28 top buraxıb.

Beşinci dəfə qış fasiləsini qonşu ölkədə gerçəkləşdirən “Zirə” 14 dəfə xarici klublarla üz-üzə gəlib. Bu matçlarda heç-heçə qeydə alınmayıb. 8 qələbəsi olan komanda 6 dəfə uduzub. Qışda 15 qol vuran “Zirə” eyni sayda top buraxıb.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

05.04.2020

04.04.2020

03.04.2020

02.04.2020

01.04.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ