"Xəzər Lənkəran" - "Neftçi" görüşləri üçün darıxmışam" - Rəşad Abdullayev

25.04.2020 | 529 dəfə oxunub

Stadium.az Millimizin keçmiş yarımmüdafiəçisi, hazırda "Neftçi-2"nin məşqçisi olan Rəşad Abdullayevin müsahibəsini təqdim edir.

- Karantin dövrü necə keçir?

- Ancaq evdə oluruq. Qaydalaraq əməl etməyə çalışırıq.

- Futbol adamları daha çox keçmiş oyunlara baxaraq vaxtını keçirir. Bəs sən necə?

- Sizin sayt vasitəsi ilə mən də köhnə oyunlara baxıram. Adamda nostalji hislər yaradır. Evdə olduğumuz bu dönəmlər belə oyunlar yerinə düşdü.

- Daha çox hansı rəqiblə görüşlər üçün darıxmısan?

- "Xəzər Lənkəran" - "Neftçi" görüşləri üçün çox darıxmışam. Gənc vaxtlarımda "Xəzər Lənkəran"da, daha sonra isə "Neftçi"də çıxış etmişəm. Ən yaxşı vaxtlarım da elə bu iki klubda olub.

- "Xəzər Lənkəran"da çıxış etmək daha çətin idi, yoxsa onlara qarşı oynamaq?

- "Xəzər Lənkəran"a qarşı oynamaq mənə çox çətin idi. O dövrdə bu klubların bir-birinə qarşı necə mübarizə apardığını hər kəs bilir. Hər iki klubda oynamaq asan deyildi. Həm məsuliyyət çox idi, həm də daim rəqabət olurdu.

- "Xəzər Lənkəran"dan ayrılmağına nə vaxtsa peşman olmusan?

- Peşman olmuşam deməzdim. Çünki "Neftçi" kimi böyük kluba keçmişdim. Uşaq futbolun da bu klubda oynamışam. Amma "Xəzər Lənkəran"dan ayrılmaq çox çətin idi. Ən yaxşı vaxtlarımı orda keçirmişdim. Məncə, o zaman artıq ayrılmaq vaxtı çatmışdı. Düşünürəm, düzgün seçim etmişəm.

- Rəşad, əksəriyyət düşünür ki, indi o dövrdəki rəqabət yoxdur. Səncə, bu nədən irəli gəlir?

- Məncə də elədir. O vaxtlar həm klublar çox idi, həm də 6-7 klub çempionluq üçün oynayırdı. Bakıda oynamaq rahatdı. Amma regionlarda oynayanda təzyiq olurdu. Belə vəziyyətdə oyunçular da inkişaf edirdi. İndi güclü oyunçular azdı. Bölgələrdə klublarımız çox olsa yaxşı olar.

- "Qarabağ" ardıcılı 7-ci çempionluğa doğru gedir. Səncə, "Qarabağ" çox güclüdür, yoxsa digər rəqiblər zəifləyib?

- "Qarabağ" neçə illərdi heyətini stabil qoruyub saxlayır. Komandanın gücü göz qabağındadır. Amma digər klublarda stabillik çatmır. Tez-tez məşqçi dəyişikliyi, oyunçu dəyişikliyi olur. Eyni oyunçu və eyni baş məşqçi klubda nə qədər çox olsa, stabillik olar, yaxşı nəticələr də tez gələr.

- Getdikcə yaxşı yerli oyunçuların sayı azalır. İndi sizin vaxtınızda olan Mahmud Qurbanov, Zaur Tağızadı, Vidadi Rzayev kimi futbolçularımız yoxdur. Səncə, bununun səbəbi nədədir?

- Adı çəkilən futbolçular ölkə futbolu üçün çox iş görüblər. Düzdü, elə yerli oyunçulardan əziyyət çəkirik, amma istedadlı oyunçularımız da az deyil. Sadəcə daha çox məsuliyyətli olub, üzərlərində çox işləməlidilər. Arxayınlaşmaq olmaz. Bir də oyunçuların inkişafı üçün güclü rəqabət olmalıdır.

- Rəşad, karyeranı bitirəndən sonra sanki bir qədər kənara çəkildin. Özün belə istədin, yoxsa belə alındı?

- Karyeramı bitirəndən sonra özüm bir müddət ara verdim və sonra məşqçilik karyerasına başladım. Hazırda "Neftçi-2"də Mahmud Qurbanovun köməkçisi kimi çalışıram. Artıq 3 ildi "Neftçi"də işləyirəm və çalışıram futbolumuza fayda verəm.

- "Neftçi" uzun müddətdir qızıl medallara həsrətdi. Keçmiş klubunda çempionluq üçün nə çatmır?

- Hər zaman istəmişəm "Neftçi"ni çempion görüm. Buna layiqdilər. Artıq komandada irəlləyiş var. Çempionluq uğrunda mübarizədə inamlı görünürlər. Belə davam etsələr, tezliklə arzuladığımız çempionluq olacaq. (Sportinfo.az)




Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

30.05.2020

21:35  Depay sağalıb

29.05.2020

28.05.2020

27.05.2020

26.05.2020

24.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ