“Rəvan”ın ədavəti YAZI
Əslində bu yazını yazmaq fikrim yox idi, amma səbəb özü məni tapdı, məcburən. Bir neçə gün əvvəl saytlardan biri müsahibə üçün bəndənizə müraciət etdi. Heç bir etiraz etmədən razılaşdım. Amma müsahibə həmin saytda (onlardan fərqli olaraq, hörmətsizlik olmasın deyə adlarını açıqlamıram) yer alanda, təəccübləndim. Çünki müxbirin verdiyi bir neçə sual və onun cavabı müsahibədən çıxarılmış, bəzi fikrlərimə də müdaxilə edilmişdi. Səbəbi barədə heç nə yazmayacam, yəqin ki, düzgünlükdən dəm vuranlar özlərində cürət tapmayıblar, ya da ki, bunun başqa adı var: ASLILIQ. Bu aslılıq var a, çox pis şeydi...
Sözüm onda yox,
müsahibəni bəndənizdən alan müxbir bildirdi ki,
bəs “Rəvan” klubu haqda söylədiklərim onların xoşuna gəlməyib.
Hətta klubun mətbuat xidmətinin rəhbəri olan hansısa gəda həmin müxbirə bildirib ki, guya mənim onlarla ədavətim var, bunun üçün də “Rəvan” haqda onlara xoş olmayan sözlər işlətmişəm. Bax bu səbəbdən də yazını yazmağı zəruri bildim.
Əvvəla həmin yoldaşa (mətbuat xidmətinin rəhbəri) sual edirəm: Sən Allahın, bircə dəfə də olsun, üz-üzə gəlmişik? Yoldaş, sizi heç tanımıram, ədavət haradan yarandı? Sizin klubda yalnız vitse-prezident Bəhruz Şirəliyevi tanıyıram ki, onunla da normal münasibətimiz olub, amma bir halda ki, demisiz aramızda ədavət var, çox nahaq yerə. İnanın ki, həyatda heç kimlə ədavətim yoxdur, heç olmayıb, inanmıram ki, bundan sonra da ola.
Məhz o yoldaşın xətrinə, müsahibədən çıxarılan fikirlərimi, bir qədər də genişləndirərək bu yazını “Rəvan”a həsr edəcəm. Başladıq...
Daha əvvəl qeyd etmişdim və bir daha təkrarlayıram: “Rəvan” haqda çox danışmaq, artıq boşboğazlıq deyil. Çünki yazıb onlardan soruşmaq lazımdır ki, komandanın istəyi, məramı nədir, hansı məqsədə, məzhəbə qulluq edirlər?
“Rəvan” klubu hələ də adını tapa bilməyib. Siz də bilirsiz ki, bu komanda daha əvvəl Salyanı təmsil edirdi və adı “Muğan” idi. Sonra klub sahibi bu qərarından
vaz geçərək kluba öz oğlunun adını (hər halda belə nəql edilir) qoydu. Yaşadığımız ölkədə övlad adlarını daha çox şadlıq evlərinə qoyulmasına
adət etdiyimizdən bu, bir qədər gözlənilməz addım hesab oluna bilər. Hətta bir neçə ay əvvəl AFFA-da baş tutan toplantıda assosiasiya prezidenti
Rövnəq Abdullayev də buna deyinərək, kluba “Rəvan” adını qoyulmasının heç bir mənasının olmamasını əsas gətirib və adın “Bayıl”la əvəzlənməsini istəmişdi. Elə o gündən bəri klubda bir həngamə var ki, axı necə edək Abdullayevi bu fikrindən daşındıraq”. Çünki Rövnəq müəllim klubun adının dəyişdirilməsini və daha sonra Bayıl qəsəbəsinə köçərək oradakı stadionda məskunlaşmasını istəmişdi. Klub ora köç etdi, amma adın dəyişmədi. Belə çıxır ki, bunlar Rövnəq Abdullayevi
hesaba almırlar. Bərəkallah
ustadınıza...
“Rəvan” klubu həm də məşqçi dəyişiklikləri ilə gündəmdə olur. Bu komanda bəlkə də utanmasa, hər məğlub olduqları oyundan sonra məşqçi dəyişər. Amma klubun dəyişməz, toxunulmaz
məşqçisi də var: Bəhmən Həsənov. Bu adam istədiyi məşqçinin torbasını anında tikə, yerinə otura bilir. Həlal olsun, Həsənova! ƏHSƏN! Məhz bu amil klubun necə peşəkar olmasından, bu klubu necə yüksək səviyyəli peşəkarların idarə etməsindən
xəbər verir.
Futbolçu transferi də komandada problemli mövzulardan
biridir. Hətta bəzi xəbərlərə inansaq, klubda transferlərə böyük pullar xərclənməsə də, komandaya gətirilən futbolçulardan yaxşı pullar “tutulur”. Kluba müjdə də verə bilərəm ki, bu haqda keçmiş futbolçularından birinin müsahibəsini ən yaxın zamanda oxuculara təqdim edəcəm.
“Rəvan” niyə yaranıb? Bu sualı klubun sahibi olan Nuru Əliyevə versək daha yaxşı olardı, amma alınmır. Azərbaycanda
olan iş adamlarının
heç biri futbola öz xoşuyla gəlməyib. Yəqin ki, Nuru bəy də istisna deyil. Xala-xətrin qalmasın prinsipi ilə klub saxlayan Əliyevin istəyinin arxasında başqa məqam dayanır. Nuru kişi klubdan imtina etsə, heç şübhəsiz ki, onun Azərbaycanda qol-budaq salan maşın bazarının da başı üstünü qara buludlar alar. Məhz bu qara bulud təhlükəsidir ki, Nuru Əliyev məcburiyyətdən
“Rəvan” klubunu boşaya bilmir.
Bunlar gözdən pərdə asmaq üçün hər mövsümün əvvəlində Avrokuboklara düşmək üçün oynayacaqlarını deyir. Bəylər, halva-halva deməklə ağız şirin olmur, bunu ki, çoxdan bilməlisiz. Nə də bu millət savadsız deyil ki, neyləmək istədiyinizi başa düşməsin. Ya adam kimi klub saxlayın, ya da boşayın getsin!
Vüsal Gözəlov
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |