BB - Burası Brazilyamı?

01.07.2014 | 6995 dəfə oxunub

Nələr baş verdiyini hamı görür. Bu boyda dünya da bu dəfəki mundialda çbaş verənlərə tamaşa edir. Lap özlərini ələ salıblar, biri ora qaçır, biri bura, yıxılan, duran kim. Biri sevincindən tullanıb-düşür, biri əsəbindən saçlarını yolur. Bir başqası da sir-sifətini rəngləyir ki, var- var guya bu da fanatdı.

Futbolçular da elə bilirlər ki, camaat onlara görə özlərini öldürür. Gecə restoranda bolluca qəlyan çəkəndən, şıllaq atıb rəqs edəndən sonra səhərisi saçlarına sığal çəkib stadiona çıxırlar başlayırlar özlərini camaata göstərməyə. Bu azmış kimi ayaqları da elə başları kimi işləyən bu ulduzlar aradabir azarkeşlərə barmaqlarını da göstərməyə cəsarət edirlər. Bir-ikisi hətta tribunada oturub tumla əlbəyaxa olan fanatı yağlı söyüşə qonaq etməkdən çəkinmir.

İndi kimsə soruşa bilər ki, bu lap oldu, belə şeylər ola bilməz, bəs polislər hara baxır? Guya onlardakı polislərin hara baxdıqlarını bilmirsiniz? Bəs mobil telefonlardakı gic-gic süjetlərə kim tamaşa edir, hərdən bir azarkeşlərin üstünə kim qışqırır? “A bala, səs-küy salamayın başımız ağradıdeyə, azarkeşə əsəbiləşən polisi televizordan heç görmədinizmi? Belə mənzərə stadionlarda adidən adi hala çevrilib. Stadionlar da stadion, bilmirsən təbii otdu, yoxsa süni, hər ay təmir edirlər, yenə pis günə düşür. Arada da filan qədər pul belə batır. Puldan danışmasaq lap yaxşıdı, onsuz da gedir bağdan gedir, bağbanın vecinə... Pulun xərclənməsinə nəzarət edənlərin işləri başdan aşır. Üstəlik, hakimlərə tapşırıqları-filanları var, hansısa komandanı yuxarı qaldırmaq, digərinin ayağından dartmaq lazımdı ya yox? Bunu hakimlərdən başqa kim yaxşı bacarar ki...

Hakimlər bəzi oyunlarda elə penalti təyin edirlər, adam bilmir ağlasın, yoxsa gülsün. Hər halda gülsə yaxşıdı, güləndə adam bir az stress ata bilir.

Ona görə gülə-gülə stress atır fikirləşirəm ki, görəsən burası Brazilyamı? Nədənsə mənə başqa, tanış bir ölkəni xatırladır...

Etibar Cəbrayıloğlu

“Het-trik news”



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

25.02.2018

14:18  "Keşlə" - "Sumqayıt" - HEYƏTLƏR

24.02.2018

17:18  "Neftçi" - "Zirə" - HEYƏTLƏR

15:37  "Səbail" - "Qəbələ" - HEYƏTLƏR

12:41  "Qarabağ Vyana"nın yeni stadionu - TV AFİŞA

01:24  MOİK – “Ağsu” 2:0 VİDEO

23.02.2018

22.02.2018

21.02.2018

   
  O Q H M T-f X
1. Qarabağ 16 13 2 1 26:6 41  
2. Qəbələ 17 11 2 4 31:17 35  
3. Zirə 17 9 5 3 26-15 26  
4. Sumqayıt 16 7 3 6 20:18 24  
5. Neftçi 17 6 2 9 19-19 20  
6. Səbail 17 5 2 10 12-24 17  
7. Keşlə 16 3 3 10 11:25 12  
8. Kəpəz 16 2 1 13 10-31 7  
25.02Keşlə ---Sumqayıt
25.02Qarabağ ---Kəpəz
24.02Neftçi 1-1Zirə
24.02Səbail 2-1Qəbələ
24.02Neftçi -Zirə
24.02Səbail -Qəbələ
25.02Keşlə -Sumqayıt
25.02Qarabağ -Kəpəz