"Pirojki" dövrünün futbolçuları

29.04.2015 | 5667 dəfə oxunub

Turan"da oynadığım vaxtlar klubun 2 “İkarus"u var idi. HəmTuran", həm Turan-2" səfər oyunlarına, məşqlərə bu avtobuslarla gedib-gəlirdi. “İkarus"lardan biri təzə idi. Salonda futbolçuların yolçuluq etmələri üçün hər bir şərait, komfort var idi. Bu avtobus əsas komandaya xidmət göstərirdi. O biriİkarus" da pis deyildi. Əsas komandadan qalmışdı. Vidadi Əhmədov təzəsini alanda köhnəni 2-ci komandaya vermişdi. Düzdür, bir qədər şəraitsiz idi. Amma LAZ-a, PAZ-a baxanda şükürlüydü. Bir dəfə Naftalana oyuna gedirdik. YerliNaftalan"la görüşəcəkdik. “Köhnə"miz xarab olmuşdu. Məcburiyyətdən Naftalanatəzə" ilə gedəsi olduq. Özümüzü əsl futbolçu kimi hiss edirdik...

...

Vidadi RzayevTuran"ın çempionluq ilində komandanın əsas oyunçularından biri idi. “Turan" deyəndə, ümumiyyətlə, Azərbaycanda ən güclülərdən biri hesab olunurdu. Hesab olunurdu deyəndə, doğrudan da ən güclülərdən biri idi. Özünə təzə buts almışdı. Köhnəni bizə vermişdi. Könhə deyəndə, o vaxta kimi komandada elə buts geyən futbolçu rastıma çıxmamıdı. Gördüyümüz Kiyev istehsalı olanStadion"lar idi. Bizə deyəndə, əvvəl mən geyindim. Ayağımı bir qədər sıxdı. “Fiti" qismət oldu. “Fiti" deyəndə, komanda sinif yoldaşım Vüqar Fərhadovu nəzərdə tuturam. Həmin günFiti" dünyanın ən xoşbəxt adamı idi. Bəs necə, Vidadi Rzayevin butsu ilə oynayacaqdı... Özünü əsl futbolçu kimi hiss edirdi...

...

1994- ilin əvvəlləri idi. Əsas komandaya təzə forma almışdılar. Köhnə formanı isə bizə vermişdilər - “Turan-2"ə. İndi o cür formalardanvosmoy"un bazarında 10-15 manata almaq mümkündü. Amma o vaxt... Elə formanı geyinmək bir yana, əldə tutmaq hər adama qismət olmurdu. Futbolkaların üzərində bəzəklər var idi. Əntiqə idi. Özümüzü əsl futbolçu kimi hiss edirdik...

...

BayaqNaftalan"ın adını çəkdim. Naftalan stadionu bizimlə oyunaxüsusi" hazırlaşmışdı. Torpaq stadionu buldozerlə düzləmişdilər. Meydandakı xətlər ilə əhəng topalarından idi. Son vaxtlar elə stadionda oyun keçirildiyinin şahidi olmamışam. Amma olsun. Tribunasız stadionda meydanın kənarında yüzlərlə azarkeş var idi. Yan xəttin bir addımlığında basabas salıb oyuna baxırdılar. Hərdənarxadan itələnmə" nəticəsində meydana daxil olanlar da tapılırdı. Oyundan sonra üz-gözümüz tərlə-tozun qarışığından əmələ gəlmiş adını bilmədiyim maddə ilə örtülmüşdü. Yuyunmağa soyuq su belə yox idi. Tovuza qayıdanda yol qırağındakı arxın suyu ilə özümüzü abıra saldıq. Meydan bərbad idi, su yox idi, şəraitdən söhbət gedə bilməzdi. Amma həvəs, maraq, ən əsası da azarkeş var idi. İngiltərədə olduğu kimi azarkeşlərlə futbolçuları bir addım ayırırdı. Qısası, özümüzü əsl futbolçu kimi hiss edirdik...

...

Düz 20 il əvvəl 1-ci dəstədəNaxçıvan"ın heyətində səfər oyununa yollanmışdıq. Xatırlamıram hansı rayona gedirdik. Tək yadımda qalan yolun uzaq olması idi. Baş məşqçimiz, rəhmətlik Hüseyn İsmayılov xeyir-şərdə istifadə olunan böyük bir qazan götürmüşdü. Artıq xərc çıxmasın deyə, evdə yemək hazırlatmışdı. Təamın adı bilirsiniz idi? “Pirojki"! Düz, bir qazanpirojki". Kim qədər istəsə.. yeyə bilməzdi. Sayla idi. Elə oldu ki, oyundan qayıdandapirojki" qurtardı... Rəhmətlikraşot"u düzgün götürməmişdi. Bir dəfə Qazaxdan geri dönəndə acından az qala birtəhər olacaqdıq. Rəhmətlik Yadigar Süleymanovun aldığıbakuş"larla mədəmizi aldada bildik. Yaxşı yadımdadı, Qazaxdıkı oyuna azarkeşlər bilet alaraq gəlmişdilər. Aclığa, çətinliyə rəğmən azarkeş önündə oynadıqlarına görə uşaqlar özlərini əsl futbolçu kimi hiss edirdilər...

...

Yüksək dəstədə oynamaq qismətim olmayıb. Səbəb zədə. Buna baxmayaraq, oynadığım 2-3 ildə özümü əsl futbolçu kimi hiss etmişəm. Çünki heç vaxt boş tribunalar önündə meydana çıxmamışam. Heç olmasa, tribunaların yarısı azarkeşlərlə dolurdu. Özü 1-ci dəstə oyunlarında. Həmin illərlə bağlı xatirələr çoxdur. Bir neçəsini yada saldım. Bilirsiniz niyə xatırladım? O vaxtlar Azərbaycan futbolununpirojki" dövrü idi. Amma futbola maraq var idi. Əksər komandalar şəraitsizlikdən əziyyət çəkirdilər. Amma futbola maraq var idi. Respublikada siyasi vəziyyət gərgin idi. Amma futbola maraq var idi. Müharibə şəraitində yaşayırdıq. Amma futbola maraq var idi. Futbolçular geyinməyə forma tapa bilmirdilər. Amma futbola maraq var idi. Pul yox idi. Amma futbola maraq var idi. Qısası, heç yox idi. Amma futbola maraq var idi. Bu marağın sayəsində özümüzü futbolçu kimi hiss edirdik...

Bu gün heç bir klub deməsin ki, maddi vəziyyəti çətindi. Onların indi sıradan bir futbolçuya ildə ödədikləri pulla 20 il əvvəl komanda saxlayırdılar. Bu gün futbolçular 5-10 manatlıqvosmoy malı" geyinmirlər, buldozerlə düzənlənmiş, əhəng topaları ilə xətlənmiş meydanlarda oynamırlar, arx suyunda yuyunmurlar, “pirojki", “bakuş"la oyuna çıxmırlar... Bu gün futbol adına hər şey var. Pul da var. Sadəcə, əksər klublarımız onu düzgün xərcləyə bilmirlər, düzgün futbol siyasəti yoxdur. Futbolumuzunpirojki" dövründə azarkeşlər önündə özümüzü futbolçu kimi hiss edirdik. Görəsən, bu gün boş tribunalar qarşısında oynayanlar necə, özlərini əsl futbolçu hesab edirlər?

 

İlqar TAĞIYEV

Het-trik news" qəzeti

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

27.03.2017

26.03.2017

19:29  Azərbaycan - Almaniya - HEYƏTLƏR

00:27  "Liverpul" - "Real" 4:3 VİDEO

25.03.2017

23:48  İsveç – Belarus - 4:0 VİDEO

01:51  Xorvatiya - Ukrayna - 1:0 VİDEO

01:50  İtaliya - Albaniya - 2:0 VİDEO

01:44  İspaniya - İsrail - 4:1 VİDEO

24.03.2017

11:11  Venesuela - Peru 2:2 VİDEO

10:48  Uruqvay - Braziliya - 1:4 VİDEO

10:40  Argentina - Çili - 1:0 VİDEO

   
  O Q H M T-f X
1. Qarabağ 22 15 3 4 37:11 48  
2. Qəbələ 23 13 8 2 42:13 47  
3. İnter 23 10 9 4 33:23 39  
4. Zirə 22 8 5 9 20-23 29  
5. Neftçi 23 8 2 13 19-36 26  
6. Sumqayıt 23 6 7 10 20:30 25  
7. Kəpəz 23 5 9 9 16-24 24  
8. AZAL 23 1 7 15 10-37 10  
14.03Qarabağ 1-0AZAL
14.03Neftçi 1-0Qəbələ
13.03Kəpəz 1-0Zirə
13.03İnter 1-0Sumqayıt
01.01 -
01.01 -
29.10AZAL -Qarabağ
29.10Qəbələ -Neftçi