Məleykə Əsədovadan Elnur Abdullayevə qədər

18.05.2015 | 6651 dəfə oxunub

Azərbaycan futbolu aktrisa, rəsmi titullardan mükafatlardan bol olan Məleykə Əsədovanın oxuduğu mahnılara oxşayır. Bağışlayın ki, bundan başqa bənzətmə tapa bilmədim. Çempionatımızın misqalla ölçülən dadı-duzu da qaçıb. Premyer Liqa adı verib təriflədiyimiz yarış Məleykə Əsədovanın ifası kimi bu gün heç kimə lazım olmayan bir əşyaya çevrilib.

Əvvəllər yalandan da olsa rəqabətdən-zaddan vardı. İndi klubların yarıdan çoxu can üstədi. Naxçıvandakı qardaşlarımız həmişəki kimi bu dəfə durumu doğru-düzgün qiymətləndirib bir addım qabağa düşdülər. “Araz-Naxçıvan"ı aradan çıxardılar. Digər sponsorlar gec qaldıqlarından aradan da çıxa bilmirlər.

İnternetdəki idman saytlarına göz atmağa adamın ürəyi gəlmir, bəd xəbərlər dolub-daşır. “Filan klub dağılır", “Bəhmən klubun futbolçuları sonuncu dəfə pulu kinoda görüblər", “Rauf ƏliyevNeftçi" kabab iyinə getmişdi, gördü...", “Əfranın ayağıİnter"ə düşmədi" s. Hamısını yazıb sizləri bir az da qorxutmaq istəmirəm.

Vaxt vardıNeftçi"nin, “İnter"in, “Bakı"nın futbolçuları maşını metroya tələsənlərin üstünə sürürdülər, indi özləri metroya minə bilmirlər. Əl-üzlərini dollarla silirdilər, amma salfetkanın da qəhətə çıxdığı günə gəldilər. Əvvəllər futbolçularqa" deyəndə maaş, “qu" deyəndə mükafat alırdılar. Artıq neçə aydır ki, qa" demələrinə fikir verən var, qu".

başınızı ağrıdım, o günBakı"nın Biləcəridəki bazasına getmişdim, qədim dostum Yaşar Seyidov telefon açmışdı ki, bəs, qardaş, gəl çayımızı təzələyək. Getdim dostumun çayından içdim, söhbət elədik. Amma heç ürəyim açılmadı. ƏvvəlkiBakı" yadınızdadır da, klubun bazasında ayaq basmağa yer yox idi, indi isə... Futbolumuzun inkişafı üçün xeyli əmək sərf edən Yaşar bəyin son vaxtlarda nələr çəkdiyini bir özü bilir, bir Allahı...

Yaxın zamanlara kimi vəziyyət tamam başqa cür idi, futbolçular meydanda gəzişib pul qazanırdılar, lakin indi maaşlarını ala bilmədiklərinə görə meydanda otururlar. “Simurq"un aksiyası yadınızdan çıxmayıb? “İnter" oyun başlayan kimiSimurq"un futbolçuları qaçmaq əvəzinə yerə oturub etirazlarını bildirdilər. Hətta deyilənə görə, Zaqatalada baş verən bu olay erməni mətbuatının da diqqətini çəkib. Ermənilər murdar ağızlarına gələni yazıblar. Deyiblər ki, deyirdiniz Azərbaycanda hamı yağ-bal içində yaşayır, bəs oldu?

Zaqataladakı etiraz aksiyası futbolumuza başı ilə cavabdeh olanlara əməllicə başağrı yaradıb. Bu olaydan sonraXəzər Lənkəran" fanatlarının isə ürək ağrıları başlayıb, özü qəribə bir səbəbdən. Kimdən soruşuram deyir ki, Elnur Abdullayev gərək yerdə oturmayaydı, “Xəzər Lənkəran"a qol vuranda etdiyi hərəkətləri təkrarlayaydı. Mən bizimkilərə deyirəm ki, qardaşlar, insan Lənkəranı Zaqatalaya dəyişən gündən pul üzünə həsrətdir, necə sevinsin?

Dünən səhər sübh tezdən Lənkərandan telefon açdılar. Qardaşlar dedi ki, Elnur Abdullayevə görə ürəyimiz ağrımaqda davam edir. Ona görə Böyük Bazarda gözə görünən bir yerdə qutu qoymuşuq. İanə toplayıb Elnur AbdullayevinSimurq" rəsmilərindən ala bilmədiyi maaşı futbolçuya vermək istəyirik.

Xəzər Lənkəran" azarkeşləri lap canımı boğazıma yığıblar, bu yazını bitirəndə yenə zəng elədilər. Dedilər ki, qardaş, keçmiş futbolçumuz üçün maaş əvəzi 17 manat 35 qəpik yığmışıq. Bir nəfər qutuya 5 tümən, yəni İran pulu, bir nəfər isə iki saqqız atıb. Cənublu futbol həvəskarları qəribə insanlardı... Qardaşlar, tutaq ki, Elnur Abdullayevə ürəyiniz yanır, kömək edirsiz. Bəs başqaları? Premyer Liqada pulsuz top qovanlara pul çatdıra bilərsiz? Ürəyinizi ağrıtmaqla, pul toplamaqla bu alınana oxşamır. Tək sizin ürəyinizin ağrıması ilə, qutuya atılan pulla bizim çempionat maraqlı olan deyil. Nəsə başqa işlər görmək lazımdı. Yoxsa, yenə çempionatımız Məleykə Əsədovanın oxuduğu mahnılar kimi maraqsız olacaq...

Etibar CƏBRAYILOĞLU, “Het-trik news” qəzeti

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

19.11.2017

18:53  "Qəbələ" "Neftçi"yə qalib gəldi - YENİLƏNİB

16:23  "Neftçi" - "Qəbələ" - HEYƏTLƏR

14:22  Günün oyunlarına necə baxaq? - TV AFİŞA

01:05  "Neftçi" - "Qəbələ": 41-ci duel - STATİSTİKA

18.11.2017

22:19  PSJ - "Nant" - 4:1 VİDEO

14:42  "Kəpəz" - "Səbail" - HEYƏTLƏR

13:02  Günün oyunlarına necə baxaq? - TV AFİŞA

12:56  "Keşlə" - "Zirə" - HEYƏTLƏR

17.11.2017

17:42  "Qarabağ" - “Sumqayıt” - HEYƏTLƏR

16.11.2017

15.11.2017

11:35  Azərbaycan - Kosova 0:0 VİDEO

14.11.2017

   
  O Q H M T-f X
1. Qarabağ 10 8 1 1 17:4 25  
2. Zirə 11 7 3 1 19-8 24  
3. Qəbələ 11 7 1 3 16:11 22  
4. Sumqayıt 11 5 1 5 14:15 16  
5. Neftçi 11 4 1 6 12-11 13  
6. Səbail 10 3 0 7 6-16 9  
7. İnter 11 2 2 7 8:17 8  
8. Kəpəz 11 2 1 8 7-17 7  
15.10Səbail ---Neftçi
14.10Sumqayıt 0-1Qəbələ
14.10Zirə 3-0Kəpəz
13.10İnter 0-2Qarabağ
20.10Səbail -İnter
21.10Sumqayıt -Zirə
21.10Kəpəz -Neftçi
22.10Qəbələ -Qarabağ