Klublar təmirə dayandı

05.06.2015 | 5229 dəfə oxunub

Bu da bizim türklər demiş, sezon finalı. Daha bir futbol mövsümü bitdi. Çempionat bu dəfə canımızı ala-ala, özü can verə-verə finişə çata bildi. Mövsümün əvvəlində işlər yağ kimi gedirdi. Adam yatsa heç yuxusuna da girməzdi ki...

Təsadüfə bax ki, ölkədə əksər binaların üzlüklərinin dəyişdirilməsi sezon finalı ilə eyni vaxta düşdü. Son illər təkcə Bakıda deyil, digər şəhərlərimizdə binaların fasadları penoplast üzlüklərlə bəzədilirdi. İnsafən, kənardan baxanda pis görünmürdü. Lakin paytaxtın Binəqədi rayonunda baş verən faciəli yanğından sonra məlum oldu ki, penoplastın yalnız üstü bəzək imiş, içi isə...

İndi həmin bəzəkli binaların üzləri əlimyandıda penoplastdan təmizlənir. Hər gün bu mənzərəni görəndə milli Premyer Liqamız gözümün qabağına gəlir. Belə görünür ki, futbol çempionatımız da, klublarımız da üstdən penoplastla bəzənibmiş. “İnter"in yalnız adı, “Neftçi"nin ancaq yaşı varmış. “Bakı" elə Yaşar Seyidovdan ibarət imiş. “Simurq"un isə ümumiyyətlə, heç nəyi özünün deyilmiş. “Xəzər Lənkəran"ın da bircə azarkeşləri varmış...

Penoplastı sökülən klublarımız təmirə dayanıb. Amma hələ heç kim dəqiq bilmir ki, bu çətin xeyli pul tələb edən işi kim öz boynuna götürəcək. Kimdi ilin-günün bu vaxtındaİnter"in, “Simurq"un üzünü ağardan. “Neftçi" sökülüb təzədən yığılmalıdı, yəni təkcə təmirlə bitmir. Klubda gərək əməlli-başlı təmir-bərpa işləri aparıla.

Xəzər Lənkəran"ın taleyi həmişəki kimi fələkdən asılıdı. bahalı legionerlər, hapa-gopa basan yerlilər klubun dərdinə dərman oldu. Lənkəranın öz yetirmələrinin isəSimurq"dakı həmyaşıdlarına belə qalib gəlməyə gücləri çatmadı. Hələ mən başqa şeyləri çatmadı yaza da bilərdim...

Eşitdiyimə görə, “Xəzər Lənkəran"da təmir işləri bir az daha tez başlayacaq. Birinci elə baş məşqçini dəyişəcəklər. Klub rəhbərliyinin bu məsələdə fikri qətidən qətidir. “-yaşıl"ların bahalı rahat avtobusunda Elbrus Məmmədovun yerində oturacaq təzə adamın adı da artıq bəllidir. Yeni baş məşqçinin adını bu anda hələ dəqiqləşdirə bilməsəm sonuncu yerinin harda olduğunu öyrənmişəm. O, buna qədərSum-17" həvəskarlardan ibarət komandada top qovan futbolçuların maykalarına nömrə yazıb. Özü deyirlər ki, zalım oğlu bunu əla bacarır.

Klubda başlanacaq bu təmir işindən cənublu fanatlar yəqin ki, ilk günlər narazılıq edəcəklər. Yenə səs-küy, şüar-filan aləmi başına götürəcək. Rəhbərliyin isə öz arqumenti var, azarkeşlər narazılıq edən kimi deyəcəklər ki, sizin üçün fərqi var, elə böyük dəyişiklik olmayıb axı, Elbrus Məmmədov gedib, yerinə futbolkalara nömrə yazan gəlib ...

Şəxsən mənin üçün o qədər böyük fərqi yoxdu, bizim Məşədi İbad demişkən, o olmasın, bu olsun. Amma başqa məsələ yaman narahatlıq yaradır. ƏgərXəzər Lənkəran"da təmir işləri belə aparılacaqsa, görün digər klublarımız gündə olacaq. İşlər belə getsə, deyəsən üstü bəzəkli Premyer Liqamıza, penoplastlı klublarımıza hələ çox həsəd aparacağıq...


Etibar Cəbrayıloğlu,  Het-trik news” qəzeti

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

25.09.2017

24.09.2017

17:23  "Qəbələ" - "Neftçi" - HEYƏTLƏR

23.09.2017

19:16  "Zirə" - "İnter" - HEYƏTLƏR

17:45  "Səbail" - "Kəpəz" - HEYƏTLƏR

11:18  "Lill" - "Monako" 0:4 VİDEO

22.09.2017

18:12  "Qarabağ" - "Sumqayıt" - HEYƏTLƏR

21.09.2017

   
  O Q H M T-f X
1. Qarabağ 5 5 0 0 12:3 15  
2. Zirə 6 4 2 0 12-5 14  
3. Qəbələ 5 3 1 1 8:5 10  
4. İnter 6 2 2 2 7:7 8  
5. Sumqayıt 6 2 1 3 6:10 7  
6. Səbail 5 2 0 3 4-6 6  
7. Kəpəz 6 0 1 5 3-11 1  
8. Neftçi 5 0 1 4 2-6 1  
24.10Qəbələ ---Neftçi
23.10Zirə 1-1İnter
23.10Səbail 1-0Kəpəz
22.10Qarabağ 4-1Sumqayıt
08.08Səbail -Qarabağ
09.08Kəpəz -İnter
09.08Qəbələ -Zirə
10.08Sumqayıt -Neftçi