Xan olar, Elxansız futbolumuz!

28.08.2015 | 11187 dəfə oxunub

AFFA-nın eks mərhum prezidenti Ramiz Mirzəyev çox yaxşı adam olub. Rəhmətliklə şəxsi münasibətim olmasa da, zamanında ona sual verməkliyim olmuşdu. Cavabındakı səmimiyyətdən başa düşülürdü ki, yalansız-falansız insandı. Hələ onun barəsində pis danışan bir adam da rastıma çıxmayıb. Yaşadığı zaman yaxşı olub ki, öləndən sonra arxasınca danışan yoxdu. Axi bu bizimkilər sevir ölənin dalına vedrə bağlamağı!..

Əl qərəz... Mərhum prezident yaxşı insan olsa da, ölkə futbolunu bir paza keçirdib dünyasını dəyişdi. Futbolumuz isə hələ də o pazdan xilas ola bilmir ki, bilmir. Bu pazdan danışmayacam. Pazdan danışmaq yaxşı iş deyil. Birdə gördün, gedib ilişmisən o paza. Azərbaycan boydana ölkənin futbolu bu pazdan xilas ola bilmir, bə sora mən neynərəm?!

Sözüm onda yox. Mövzum AFFA-nın baş katibi Elxan Məmmədovdandır. Gözü 5 mərtəbə bina və milli komandalarla doymayan Məmmədov, soxulcansız zadsız klubların ağızını tilovuna keçirməyə başlayıb.

Mədain xarabalığına çevrilən “Neftçi”ni Avropa Liqasının qrup mərhələsinə kimi yüksəldən Sadıq Sadıqovdan qopardan Elxan Məmmədov, xalqın komandasını yenidən bayquşxanaya çevirir. “Neftçi” yenidən xarabalığa çevrilir. Elxan Məmmədovun sayəsində.

Bu baş katib özü azmış kimi, “Sumqayıt”ı da urcah edib futbolun boynuna. Zinadan əmələ gələn bicbala kimi “Sumqayıt”ın da məqsədinin məramının nə olduğu bilinmir. Ancaq Məmmədovun cibinə xidmət edir.

“Simurq”un dağılmasından sonra “İnter”i də ələ keçirən Məmmədov, “bankirlər”lə yanaşı, Gəncənin “Kəpəz” klubunu da kurasiyasına keçirib. Oranı isə mikasına tapşırıb. Ala mika hara, futbol idaretməsi hara!..

Elxan Məmmədov çerez Tuyqun Nadirov “Xəzər Lənkəran”a da nüfuz etməyə qadirdir. “Rəvan”la AZAL isə onun əlində heç nədir. “Zirə” təzə yaranıb, hələ yollar axtarılır. Amma çətin barmağı girə ora!

Elxan Məmmədovun girə bilmədiyi cəmi iki klub qaldı - “Qarabağ” və “Qəbələ”. Hazırda ölkədə ən böyük uğur sahibi hansı komandalardır? Məhz bu iki klub. Niyə? Çünki Avropa Liqasının qrup mərhələsinə vəsiqə qazanan bu iki komandaya Elxan Məmmədov barmaq edə bilmir. Kəmaləddin Heydərovla Abdulbari Gözəl olan yerdə Elxan Məmmədov kimdir ki?!

Bu yazını heç də uzuna uzatmaq lazım deyil. Bu Elxan Məmmədovsuz Azərbaycan futbolu çiçəklənər. Amma vaxtsız gəlib çiçəklərin şirəsini sovuraraq onları qurudan arıya bənzəyən Məmmədov bir bəla olub, keçib futbolumuzun başına. Bircə onu bilirəm ki, bu Elxan olmasa, futbolumuz xan kimi yaşayar.

P.S. Elxan Məmmədov bəlasının  Azərbaycan futbolundan əl çəkməsi üçün salavat zikr edin!

P.S.S. Elxan Məmmədov “barmağının” Azərbaycan futbolunun üstündən götürülməsinin məhvinin nabud olması üçün salavat zikr edin.

Vüsal HACI



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

07.04.2020

06.04.2020

05.04.2020

04.04.2020

03.04.2020

02.04.2020

01.04.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ