MƏN DƏ SƏNİN KİMİ EDƏRDİM, BANYA

24.02.2016 | 6434 dəfə oxunub

Son bir neçə ildə Qurban Qurbanov`un "Qarabağ"ının həm ölkədə, həm də avropadakı uğurlu çıxışından sonra Azərbaycan "azarkeşlər"i arasında baş verənlərdən belə görünür ki, bir müddət sonra "Qarabağ" klubunu da "Real" və ya "Barsa"ya çevirəcəklər. Azərbaycanın "Real"ı və ya "Barsa"sı, amma yaxşı mənada yox.

Çünki, son 3-4 ildə bəzən 16-17 yaşında uşaqlar "Real"dan elə bəhs edirlər, sanki, Di Stefanonun ötürmələrini, Puşkaşın qollarını, Xentonun cinah keçidlərini, Kamaçonun kapitanlığını və ya Santyaqo Bernabeunun prezidentliyini görüblər.

Onların "Barsa"lı həmyaşıdları isə Kroyfla Neeskensi birlikdə zolaqlı forma ilə meydanda görmüş kimi, "General" Rinus Mihelsin "Ayaks"dan "Barsa"ya transfer olduğu yayı yaxşı xatırlayırmış kimi, kapitan Migelinin son matçı zamanı necə üzüldüyünün şahidi olubmuş kimi davranırlar. Halbuki bir kütlə stajlı və ya sadiq azarkeşləri çıxmaq şərtilə əksəriyyət El Klasikodan-El Klasikoya futbola baxan, Messimi? Ronaldomu? adlı saqqızı çeynəyib bitirə bilməyən, ucuz dövrün ucuz azarkeşləridirlər.

Yəni, sözüm ondadır ki, bu günlərdə, bir il öncə "Qarabağ" adlı klubun varlığından xəbərsiz olanlardan, "Mən beşikdən Qarabağ azakeşiyəm" cümləsini eşidirəm. Deməli, onlara bu cür azarkeşlik etmək nuş olur. Amma əslində azarkeşliyin ruhu tam başqa şeyləri diqtə edir. Dəblə yox, ürəklə hərəkət etməkdir azarkeşlik. Bir neçə ilə Azerbaycanda "Qarabağ"a azarkeşlik etmək də "Real"a "Barsa"ya azarkeşlik etmək kimi dəb halını alacaq. Buna görə yalnız əsl "Qarabağ" azarkeşlərinə yazığım gəlir.

Avrokuboklarda oynayarkən bütün klublarımız bizimdir. Sevincləri sevincimiz, kədərləri kədərimizdir. Buna söz yox. Amma nə qədər ki, ölkənin yarısı "Qarabağ" "azakeşi" olub, mən "futbol" sözünü deməyi öyrəndiyimdən bəri "Neftçi"yə azarkeşlik etdiyimi və bunun, qəliz adım kimi heç vaxt dəyişməyəcəyini qeyd edim ki, bilinsin.

P.S. Şəkildə gördüyünüz əbədiyaşar, həmişəcavan oğlanı isə 60-cı illərdə nəinki Sovet İttifaqının, həm də bütün avropanın böyük klubları istəyirdi, və sıralarına dəvət edirdi. Amma o həmişə deyərdi : "Mən Bakılıyam. Bakıya və "Neftçi"yə aidəm".

Elzamin Hacıyev

Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

15.12.2017

14.12.2017

18:21  "Neftçi" - "Zirə" - HEYƏTLƏR

12:37  "Kəpəz" - "Keşlə": - HEYƏTLƏR

12:10  Günün oyunlarına necə baxaq? - TV AFİŞA

02:35  "Strasburq" - PSJ 2:4 VİDEO

02:02  "Milan" - "Verona" 3:0 VİDEO

01:52  "Bavariya" - "Köln" 1:0 VİDEO

13.12.2017

12:35  "Çelsi"nin qələbəsi VİDEO

12.12.2017

11.12.2017

18:17  "Qarabağ" - "Sumqayıt" - HEYƏTLƏR

   
  O Q H M T-f X
1. Qarabağ 14 12 1 1 25:6 37  
2. Qəbələ 14 10 1 3 28:14 31  
3. Zirə 14 9 3 2 23-11 24  
4. Sumqayıt 14 6 2 6 17:17 20  
5. Neftçi 14 5 1 8 17-16 16  
6. Səbail 14 4 1 9 9-21 13  
7. Keşlə 14 2 2 10 9:24 8  
8. Kəpəz 14 2 1 11 10-29 7  
26.11Zirə 2-3Qarabağ
26.11Sumqayıt 0-0Səbail
25.11Kəpəz 1-6Qəbələ
25.11Neftçi 3-1Keşlə
20.10Səbail -Keşlə
21.10Sumqayıt -Zirə
21.10Kəpəz -Neftçi
22.10Qəbələ -Qarabağ