Görəsən inqilab beləmi olur?

08.03.2016 | 9897 dəfə oxunub

İnqilaba az qalıb, lap az. Bir neçə gündən sonra elə bir həngamə qopacaq ki, bütün dünya Azərbaycandan danışacaq. Rayonları bilmirəm, amma Bakıda camaatın söz-söhbəti elə bu hadisə barədədi. Xanımların Novruz bayramı hazırlıqları, kişilərin Türkiyə-Rusiya münasibətlərinin təp-təzə durumu, nöyütün yeni qiyməti və dolların məzənnəsi ilə bağlı müzakirələri çoxdan arxa plana keçib. Avtobusda, tibb mərkəzlərindəki növbələrdə, xınayaxdıda, şalvarkəsdidə ancaq qarşıdakı inqilabi dəyişikliklərdən danışılır.

Bizim camaat belədi də, səhər-axşam, axşam-səhər elə futbolla nəfəs alır. Qazandığı uğurlarla “Neftçi”nin tarixinə düşən və bu klubun ən güclü tənqidçisi Böyükağa Hacıyev demişkən, futbolu yorğanın altında gizlətmək olmur. Ona görə də paytaxtın hər yerində söhbət  AFFA-nın gözlənilən növbəti Hesabat Seçki Konfransından gedir. Camaat elə şeylər danışır ki, qorxudan və təəccübdən adamın nəfəsi tıncıxır.  

Əgər həqiqətən də onlar deyən kimi olsa, inqilabdan qaçmaq mümkün olmayacaq. Camaat deyir ki, guya bu konfrans öz mühüm qərarları ilə təkcə AFFA-nın deyil, ADDF-nın, yəni Asfaltda Dağa Dırmanma Federasiyasının da tarixinə düşəcək. Özü də sözsüz ki, qızıl hərflərlə.

Ağızdan-ağıza eşitdiklərimdən belə başa düşürəm ki, konfransda bir-birindən maraqlı qərarlar qəbul olunacaq. Götürək elə evlilik məsələsini. Dərhal üstümə gəlməyin, evliliyin futbola birbaşa dəxli var. Daha doğrusu, inqilab qoxulu konfransdan sonra olacaq. Guya, qərarda son iki ildə Topaz Premyer Liqasının oyunlarını stadionlardan canlı izləməyən oğlan uşaqlarına qız vermək qadağan olunacaq. Qız evinin elçiliyə gələn oğlan tərəfindən bir ucu kəsilmiş futbol bileti tələb etmək səlahiyyəti olacaq.

Hələ bu harasıdı, qarşıdakı konfrans “Leyli və Məcnun” şadlıq sarayının filialı - Bakı Olimpiya Stadionu barədə də önəmli qərar qəbul edəcək. Stadionda toy eləmək istəyən cütlüklər müqavilə bağlamalı olacaqlar, müqavilə bağlayandan sonra öhdəlik götürəcəklər. Olimpiya Stadionundakı vur-çatlasından, çal-oynasından sonra doğulan uşaqlar 3 yaşından 13 yaşınadək AFFA-nın futbol seksiyalarına yazılmalıdırlar. Bu şərtlə razı olmayan cütlüklərə Olimpiya Stadionunda toy nədi, heç nişan mərasimi də keçirməyə icazə verilməyəcək. Bəs nə bilmişdin, toy edib 1500 adamı stadionda “Barı Naxçıvan”, “Bakılı balasıyam”, “Can Qarabağ”, “Lalədi, reyhandı, güldü Lənkəran” mahnılarının sədaları altında oynada bilirsən, uşağını isə futbol oynamağa qoymursan...

Konfransın hakimlərlə bağlı mühüm qərarı olacaq, vallah camaat belə deyir. Guya AFFA hakimlərlə bağlı gündən-günə artan, Zirədən tutmuş Tovuza qədər eşidilən narazılıqdan cana doyub. Deyilənə görə inqilabi konfransın qərarı ilə növbəti mövsümdən referiləri oyunlara Hakimlər Komitəsi deyil, ASAN Xİdmət təyin edəcək. Hələ bu da son olmayacaq, oyun  bitəndən sonra keçirilən mətbuat konfranslarında hakimdən narazılıq edən baş məşqçilərin qardaşlarına özəl banklardan kredit almaq yasaqlanacaq.

Bizim camaat da birinin üstünə beşini qoymağı qədimi dövrdən, lap PFL yaranan gündən çox xoşlayır. AFFA-nın növbəti Hesabat Seçki Konfransı barədə elə şeylər danışırlar ki... Sözün açığı, bəzilərinə heç inanmağım gəlmir. Amma elin sözü əvvəl-axır düz olsa, həqiqətən də bir neçə gündən sonra inqilab baş verəcək.

Cəmi bir neçə gündən sonra...  

Etibar Cəbrayıloğlu

“Het-trik news” qəzeti



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Futbolumuzda əcnəbi sədr - Xaqani Məmmədov göndərildi
"CBC Sport"dan örnək addım - Oyunlar həm də "İdman Tv"də yayımlanacaq
Son xəbərlər

21.09.2018

15:23  "Qarabağ"da xoşbəxtəm" - Slavçe

15:08  "Qarabağ" çox yaxşı oynadı - "Sportinq"in futbolçusu

09:56  "Qarabağ" Bakıda - Foto

09:52  "Əsas odur komandaya xeyir verəsən" - Rəşad Sadıqov

02:00  "Gerye yaxşı oyunçudu, amma Miçeli də unutmaq olmaz" - "Sportinq"in baş məşqçisi

00:53  "Qarabağ" uduzdu - Yenilənib

20.09.2018

10:37  "Real"ın rahat qələbəsi - VİDEO

19.09.2018

23:00  "Son ana qədər döyüşəcəyik" - Filip Ozobiç

19:47  "Qarabağ"la bağlı çox şey araşdırmalıyıq" "Sportinq"in baş məşqçisi

10:44  "İnter"in qələbəsi VİDEO

18.09.2018

18:16  "Qarabağ" yola düşür - Foto

13:59  4-cü turun oyun cədvəli - Birinci Divizion

13:48  5-ci turun oyun saatları açıqlandı - Premyer Liqamız

12:00  "Zirə" - "Neftçi" - başlanma saatı məlum oldu

17.09.2018

16.09.2018

00:52  "İnter" - "Parma" 0:1 VİDEO

00:51  "Bavariya" - "Bayer" 3:1 VİDEO

00:39  "Nyukasl" - "Arsenal" 1:2 VİDEO

15.09.2018

20:23  "Çelsi" - "Kardif" 4:1 VİDEO

20:03  "Səbail" - "Zirə" -HEYƏTLƏR

18:51  PSJ - "Sent Entien" 4:0 VİDEO
   
  O Q H M T-f X
1. Qarabağ 3 2 1 0 4-1 7  
2. Neftçi 3 2 1 0 5-2 7  
3. Sabah 3 2 0 1 4-4 6  
4. Qəbələ 3 1 1 1 5-3 4  
5. Sumqayıt 4 1 1 2 5-5 4  
6. Səbail 3 1 0 2 2-6 3  
7. Zirə 2 0 1 1 2-4 1  
8. Keşlə 3 0 1 2 3-5 1  
26.08Keşlə 1-2Səbail
26.08Qarabağ 1-1Neftçi
25.08Zirə 0-2Sabah
25.08Qəbələ 1-1Sumqayıt
15.08Səbail -Zirə
15.08Sumqayıt -Qarabağ
16.08Sabah -Qəbələ
16.08Neftçi -Keşlə