İbrahimovoçin bədənindəki döymələrin sirri: "Aclığın nə olduğunu yaxşı bilirəm"

Fransa çempionatının son turunun "Kann"la oyununda fərqlənən və qoldan sonra formasını çıxaran PSJ-nin hücumçusu Zlatan İbrahimoviç bədənindəki döymələrin sirrini açıqlayıb. Stadium.Az xəbər verir ki, fransız forvard bu haqda Birləşmiş Millətlər Dünya Qida Proqramı ilə birlikdə həyata keçirdikləri "805 milyon ad" adlı aclığa qarşı layihə ilə bağlı Parisdə keçirilən mətbuat konfransında danışıb:

"Aclığın nə olduğunu gözəl bilirəm. Mənim üçün ən böyük fəlakətlərdən biri aclıqdı. Uşaq vaxtı soyuducunun qapısını açarkən heç nə tapmadığım günlər olub. Kaş ki, bədənimə 805 milyonun hamısının adlarını yaza biləydim. Amma o qədər nəhəng deyiləm".

İbrahimoviç layihə çərçivəsində yardım östərilən 805 milyon adamdan 50-sinin adını döymə ilə bədəninə keçici olaraq həkk eləyib. Ulduz futbolçu "İnstagram" hesabında onların arasında Abdulla adının onun üçün xüsusi önəm daşıdığını yazıb. İsveç mətbuatı isə onun bu ada önəm verməsini Zlatanın müsəlman olan ulu babası ilə əlaqələndirib.