Rəsul Çunayev finalda məğlub oldu
Rusiyanın Kaspiysk şəhərində güləş üzrə böyüklər arasında Avropa çempionatı davam edir. Stadium.Az xəbər verir ki, üçüncü yarış günündə 50, 55, 59, 68 və 76 kq çəki dərəcələrində qadın güləşçilər mübarizəyə qoşulub.
Avropa çempionatı
Qadınlar
50 kq
Yığmamızın lideri Mariya Stadnik yarışa 1/8 finaldan başlayıb. O, ilk cəhdində Jaklin Şellinlə (Almaniya) güləşib və 10:0 hesabı ilə qələbə qazanıb. 6 dəfə qitə çempionu olan idmançımız növbəti qarşılaşmasında da çətinliklə üzləşməyib. Stadnik bu dəfə rusiyalı Milana Dadaşevanı 10:0 hesabı ilə məğlub edib. Stadnik yarımfinalda Kseniya Stankeviçlə (Belarus) yarışıb. O, bu dəfə də asan qələbə qazanıb - 10:0.
Mariya sabah baş tutacaq finalda Emilya Vukla (Rumıniya) qüvvəsini sınayacaq.
55 kq
Solmaz Həşimzadənin Kaspiyskdə debütü 1/4 finala təsadüf edib. Bediha Günlə (Türkiyə) üz-üzə gələn güləşçi 0:4 hesabı ilə uduzub.
59 kq
Tatyana Omelçenko da Avropa çempionatına 1/4 finaldan qoşulub. Mimi Hristova (Bolqarıstan) ilə qarşılaşan təmsilçimiz 3:8 hesabı ilə məğlub olub. Amma rəqibinin finala qədər irəliləməsi səbəbindən təmsilçimiz sabah "bürünc" uğrunda təsəlliverici görüşə çıxacaq. Döyüş sabah baş tutacaq.
68 kq
İrina Netreba 1/4 final üçün türkiyəli Buse Tosunu sınağa çəkib. Lakin o, mərhələ adlaya bilməyib - 5:8.
76 kq
Səbirə Əliyeva 1/4 final mərhələsi çərçivəsində Zjanet Nemetlə (Macarıstan) münasibətinə aydınlıq gətirib. İdmançımız 9:6 hesabı ilə qalib gəlib. O, yarımfinalda Yekaterina Bukina ilə qüvvəsini sınayıb. Təmsilçimiz 0:10 hesabı ilə uduzub.
Əliyeva çıxışını bürünc medal uğrunda davam etdirəcək. Döyüş sabah olacaq.
***
Bu gün, həmçinin 60, 67, 72, 82 və 97 kq çəki dərəcəsində yunan-Roma güləşçiləri mükafatçıları müəyyənləşdiriblər. “Klassiklər”in son yarış günündə təmsilçilərimizdən ikisi final, digər üçü bürünc medal üçün xalçaya çıxıb. Murad Məmmədov və Rəsul Çunayev finalda uduzaraq gümüş medal qazanıblar. Elman Muxtarov və Orxan Nuriyev təsəlliverici görüşdə uduzduğu halda, Rafiq Hüseynov "bürünc"ə sahib çıxıb.
60 kq
Murad Məmmədov titul döyüşünə çıxıb. O, çempionluq üçün rusiyalı Sergey Yemelinlə üz-üz gəlib. Görüşün gedişində 5:0 hesabı ilə önə keçən Məmmədov üstünlüyünü qoruya bilməyib və 5:6 hesabı ilə uduzaraq gümüş medalla kifayətlənib.
67 kq
Elman Muxtarov bürünc medal şansını da itirib. Təmsilçimiz 3-cü yer uğrunda qarşılaşma üçün təsəlliverici görüşdə ermənistanlı Karen Aslanyanla mübarizə aparıb və 3:5 hesabı ilə uduzub.
72 kq
Yığmamızın liderlərindən olan Rəsul Çunayev ilk Avropa çempionluğunu rəsmiləşdirə bilməyib. 4 il öncə Vantaada analoji yarışın finalında uduzan həmyerlimiz bu dəfə də eyni aqibətlə barışıb. O, həlledici qarşılaşmada Adam Kuraka (Rusiya) uduzub.
82 kq
Yarımfinalda belaruslu Viktor Sasunovskiyə uduzan Rafiq Hüseynov bürünc medal üçün xalçaya çıxıb. Onun rəqibi Rolan Şvarts (Almaniya) olub. Əzmkar qələbə qazanan Hüseynov Avropa çempionatını üçüncü pillədə başa vurub.
97 kq
Orxan Nuriyevin də bürünc medal uğrunda yarışıb. O, ilk təsəlliverici qarşılaşmasında Nikolay Bayryakovla (Bolqarıstan) güləşib və 3:1 hesabı ilə qalib gəlib. Orxan növbəti görüşündə macarıstanlı Balaş Kisslə (Macarıstan) qüvvəsini sınayıb. Rəqib 3:1 hesabı ilə qələbə qazandığından həmyerlimiz çempionatla vidalaşıb.
Yunan-Roma güləşi üzrə yığmamızın aktivində bu günədək 1 qızıl və 1 bürünc medal var idi. Eldəniz Əzizli (55 kq) Avropa çempionu olduğu halda, Elvin Mürsəliyev (77 kq) 3-cü yeri tutub.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |