O, Məqsəd İsayevin cərimə meycançasının xətti üzərində əllə oynamasını penalti kimi qiymətləndirib. Bu zaman isə "atlılar"ın yeni transferi Ağabala Ramazanov Ramil Diniyevin boynuna sarılıb. Futbolçu açıqlamasında bildirib ki, guya Diniyev ondan penaltinin olub-olmadığını soruşub.
Ramil Diniyev "futbol11"ə açıqlamasında həmin epizodu belə xatırladığını deyib: "Qərarlar barədə danışmağa ixtiyarım yoxdur. Ağabalanın məni qucaqlamasını inanın ki, evə gələndə şəkillərə baxdıqdan sonra görmüşəm. Oyun içində belə emosial anlar olur. Bu hərəkətinə görə Ramazanovu meydadan qovmağım da düz deyil. O ki, qaldı futbolçunun açıqlamasına, Ağabaladır da, danışır özü üçün. Ağabalanın sözü ilə penalti təyin edəcəm? Həmin epizodda köməkçimdən penaltinin olub-olmadığını soruşmuşam. Görünür, Ağabala Ramazanov da səhv başa düşüb. Çünki yan xətt hakimi epizodu daha yaxşı görürdü".
Qarşılaşma 1:1 hesabı ilə başa çatıb.