"Qarabağ" - "Neftçi": "Tarixdə 59-cu, çempionatlarda isə 47-ci duel"
Aprelin 1-də Azərbaycan derbisi baş tutacaq. Stadium.az xəbər verir ki, Premyer Liqanın final mərhələsinin 4-cü turunda “Qarabağ” “Neftçi”ni qəbul edəcək. Görüş eyni zamanda ilk 2 pillədə qərarlaşanların dueli kimi də yadda qalacaq. Bütün çempionatların iştirakçısı olan tərəflər tarixlərində 59-cu, çempionatlarda isə 47-ci dəfə qarşılaşacaqlar.
“Neftçi” – “Qarabağ” duelləri ilə bağlı faktlar
* İndiyə kimi tərəflər arasında 58 oyun keçirilib
* 58 oyunun 46-sı çempionatda, 12-si isə kubokda baş tutub
* Hər 2 klub bütün çempionatların iştirakçısı olsa da, 1993-cü ildə baş tutan 2-ci çempionatda tərəflər reqlamentlə əlaqədar üz-üzə gəlməyiblər
* Tərəflər arasında ilk görüş 1992-ci ilin sentyabrın 26-da baş tutub. Mərkəzi arenada keçirilən görüşdə “Qarabağ”dan Zaur Qarayev derbidə ilk qolun müəllifi kimi düşsə də, Rüstəm Rəhimovun idarə etdiyi matç Ərani Beydiyevin cavab qolu ilə matç 1:1 başa çatıb.
* Oktyabrın 20-sində isə “İmarət” stadionunda ilk görüş baş tutub. Bu dəfə də Beydiyev bakılıların heyətində fərqlənsə də, Elşad Əhmədov və Mahir Əliyevin qolları ilk Ağdam təmsilçisinin reallaşdırıb.
* Bu tərəflərin çempionatda “İmarət” stadionunda baş tutduğu yeganə oyun olub (hələlik)
* “Qarabağ” “İmarət”də baş tutan 2-ci və sonuncu oyunda da “ağ-qara”lara qalib gəlib. 1993-cü il mövsümünün kubokunun 1/4 finalında komanda yenə 2:1 hesabı ilə qələbə qazanıb. 28 apreldə baş tutan oyun Ağdamda sonuncu olub. (“Qarabağ” cavab oyununda qolsuz bərabərliklə mərhələ adlayıb və sonda “qızıl dubl” reallaşdırıb)
* Ümumiyyətlə, “Neftçi” müstəqilliyimizin ilk illərində “Qarabağ”ı yenməkdə çətinlik çəkib. İlk 7 derbidə “Qarabağ” “Neftçi”yə qələbə sevinci yaşamağa imkan verməyib.
* “Neftçi” ilk dəfə 1994/1995 mövsümündə evdə 3:2 hesablı qələbəyə sevinib.
* Çempionatda “Neftçi” 14, “Qarabağ” 12 qələbə qazanıb. 2000-2001 mövsümündə “Neftçi”yə 3:0 hesablı texniki qələbə verilib
* “Qarabağ” kubokda 5 dəfə qələbə qazansa da, rəqib 3 dəfə qələbəyə sevinib.
* 58 oyunda “Neftçi” 55, “Qarabağ” 45 qol vurub
* “Qarabağ” səfərdə “ağ-qaralar”a 2006-cı ilin fevralın 16-da məğlub olduqdan sonra 2010-cu il noyabrın 28-ə kimi 1873 gün - 11 oyunda uduzmamaqla ən uğurlu seriyanı əldə edib.
* “Qarabağ” – “Neftçi” duellərində ən çox qol vuran futbolçu Müşfiq Hüseynovdur (8).
* “Neftçi”nin heyətində “Qarabağ”a ən çox qol vuran Qurban Qurbanovdur (5)
* “Qarabağ” baş məşqçisi Qurban Qurbanov, köməkçisi Müşfiq Hüseynovdur
* Nazim Əliyev, Georgi Adamiya, Tərlan Əhmədov, Vidadi Rzayev hər 2 komandanın heyətində fərqlənən futbolçulardır
* Səttar Əliyev “Neftçi”yə qol vurmaqla yanaşı, bir oyunda avtoqola da imza atıb.
* Duellər tarixində digər avtoqollara isə Elxan Müslümov və Admir Teli imza atıb (hər ikisi “Qarabağ”)
* Duellər ərzində tərəflər hərəyə 2 dəfə (“Qarabağ”dan Mehman Alışanov, Emin Salmanov, “Neftçi”dən Qurban Qurbanov, Yunis Hüseynov) penaltidən qola sevinsələr də, mayın 13-də Adamiya fərqlənməklə “Qarabağ”ı bir addım önə çıxarıb.
* Adamiya eyni zamanda duellər tarixində het-trik edən yeganə futbolçudur. 30 yaşlı forvard sabiq komandasına 3 qol vurmaqla “Qarabağ”ın “Neftçi” üzərində yeganə böyükhesablı qələbəsini qazandırıb.
* Elə “Neftçi” də cəmi bir dəfə bunu bacarıb. 2000-ci ilin noyabrın 4-də “ağ-qaralar”ın 4:0 hesablı qələbəsi qeydə alınıb.
* Elə həmin çempionatda “Qarabağ”ın heyətində lisenziyası olmayan futbolçular meydana çıxdığına görə “Neftçi”yə texniki qələbə verilib.
* “Neftçi”yə ötən mövsümkü məğlubiyyətə qədər “ağ-qaralar” “Qarabağ”ı yendiyi zaman (27 aprel 2007, 0:2) baş məşqçisi Qurban Qurbanov olub. Qollardan birinə isə hazırda “Qarabağ”ın şərəfini qoruyan Adamiya imza atıb.
* Tərəflər arasında mücadilə ən çox 2003-04 mövsümündə azarkeş toplayıb (15500)
* “Qarabağ” – “Neftçi” arasında sadəcə 1 oyunda vərəqə göstərilməyib. Həmin oyundan 11 il keçir
* İndiyə kimi derbidə 9 qırmızı vərəqə göstərilib
* Aslan Kərimov 2 dəfə meydanı vaxtından əvvəl tərk etməklə liderdir
* Qırmızı vərəqə alanlardan Arif Əsədov “Neftçi”nin baş məşqçisi olub, Elçin Rəhmanov isə hazırda “Qarabağ”ın məşqçisidir
* Hazırda 8 futbolçu hər 2 komandanın heyətində top qovub
* Tərəflər ən çox Respublika stadionunda qarşılaşıblar - 27 dəfə
* İndiyə kimi tərəflər 5 şəhər, 4 qəsəbə, 11 stadionda üz-üzə gəliblər.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |