"Xəzər Lənkəran" AFFA-nın gülünc mövqeyinə rəsmən cavab verdi

lankaranfc.com

26.04.2012 | 6326 dəfə oxunub

“Xəzər Lənkəran”ın 6 xalının qaytarılmağının rəsmiləşməsi ilə bağlı AFFA-nın İntizam Komitəsinin (İK) çıxardığı qərara rəsmi münasibət bildirib. Apasport.az saytının məlumatına görə, İK qərarında göstərilir ki, 18 aprel 2012-ci il tarixindən etibarən AFFA ilə FİFA arasında aparılmış yazışmaya uyğun olaraq FİFA məsələyə yenidən baxıb və “Xəzər Lənkəran”ın hesabından silinmiş xalların geri qaytarılması ilə bağlı qərar qəbul edib.

Ancaq bunu düzgün saymayan cənub təmsilçisi silinmiş xalların təfərrüatlarına rəsmi sənədlərlə toxunub: “Artıq xəbər verdiyimiz kimi, FİFA İntizam Komitəsi Azərbaycan Futbol Federasiyaları Assosiasiyası və “Xəzər Lənkəran” Futbol Klubuna ünvanladığı məktubda bir müddət öncə klubumuzun hesabından altı xalın silinməsi barədə qurumun çıxardığı qərarın yanlış olduğunu bildirmiş və ölkə futbol federasiyasından silinmiş altı xalı bərpa etməyi tələb edib.

Qeyd edək ki, FİFA tərəfindən bu məsələyə yenidən baxılması “Xəzər Lənkəran” FK-nun Beynəlxalq İdman Arbitraj Məhkəməsinə (CAS) verdiyi apelyasiya şikayətinin nəticəsi olaraq baş tutdu. Belə ki, klub tərəfindən 13 və 19 aprel tarixlərində CAS-a göndərilən məktublarda borcun qalıq hissəsinin müəyyən olunmuş vaxt limiti çərçivəsində ödənildiyi göstərilmişdi. Bu barədə təfərrüatı ilə rəsmi saytımız vasitəsilə də məlumat vermişdik.

24 aprel 2012-ci il tarixdə İdman Arbitraj Məhkəməsindən “Xəzər Lənkəran”a gələn məktubda klubun apelyasiya şikayətinin faktlar və qoşma sənədlərlə birlikdə FİFA-ya göndərildiyi də bildirilmişdi.

Təəssüf ki, yayılan bəzi məlumatlarda FİFA-nın məsələyə yenidən baxması AFFA tərəfindən onlara müraciətin edilməsinin nəticəsi kimi qələmə verilir. Lakin bu məktubun mətnindən də görünür ki, 18 aprel 2012-ci il tarixdə AFFA FİFA-ya yalnız xalların çıxılmasının icra edilməsi ilə bağlı məlumat göndərib. FİFA isə məktubda buna cavab olaraq yeni faktların aşkar olunduğunu bildirir.

Bir daha qeyd edirik ki, “Xəzər Lənkəran”ın silinmiş xallarının bərpası məhz klubun başda klub prezidenti olmaqla əməkdaşlarının səyləri sayəsində bu istiqamətdə aparılan tədbirlərinin nəticəsi olaraq mümkün oldu. Aidiyyatı qurumlar isə bu məsələnin müsbət həlli baxımından hər hansı bir uğurlu addım atmağa nail olmamışdılar”.

Sizə FİFA tərəfindən göndərilən son məktubun orijinalını və onun Azərbaycan dilinə tərcüməsini təqdim edirik:

Tərcümə:

Azərbaycan Futbol Federasiyaları Assosiasiyasının
Baş Katibi
Elxan Məmmədova

Sürih, 25 aprel, 2012.

Ref.no. 110546 jra (xahiş edirik bütün yazışmalarda qeyd edin)

Oyunçu Romulo Silvano Silva / Klub “Xəzər Lənkəran” FK, Azərbaycan

Hörmətli cənab,

Biz mövcüd olan məsələ ilə və “Xəzər Lənkəran” FK-dan xalların silinməsinin icrası barədə məlumat aldığımız sizin 18 aprel 2012-ci il tarixli məktubunuzla bağlı sizə müraciət edirik.

Diqqətinizə çatdırırıq ki, bizə məlum olduğuna görə “Xəzər Lənkəran” FK tərəfindən oyunçu Romulo Silvano Silvaya ödənilməli olan qalıq məbləğ klub tərəfindən 30 mart 2012-ci il tarixdə ödənilib ki, bu da ödənişin kreditor tərəfindən 13 mart 2012-ci il tarixli məktubda qoyulmuş tarix çərçivəsində həyata keçirildiyi deməkdir. Orada tərəfimizdən məktubun qəbul edilməsindən 3 həftə sonra klubdan xalların çıxılması tələb edilmişdir. Bununla da, xalların silinməsi barədə etdiyimiz sorğunun səhvən və kreditor tərəfindən qoyulmuş müddətdən əvvəl edildiyini bildiririk.

Yuxarıda qeyd edilənləri nəzərə alaraq Azərbaycan Futbol Federasiyaları Assosiasiyasından xalların silinməsi barədə etdiyimiz sorğunun icrasının ləğv edilməsini və “Xəzər Lənkəran” FK-nun silinmiş altı xalını dərhal bərpa etməsini tələb edirik.

Bundan əlavə qeyd edirik ki, bu məktubun surəti İdman Arbitraj Məhkəməsinə CAS/2012/A/2774 saylı işlə əlaqədar göndəriləcək.

Sonda bütün məbləğin kreditorun təyin etdiyi müddət çərçivəsində sonuncuya ödənilməsini nəzərə alaraq, sizə məlumat veririk ki, bu məsələ üzrə iş tərəfimizdən yekunlaşdırılır. Üzv klubunuz olan “Xəzər Lənkəran” FK-nu məlumatlandırdığınıza və göstərdiyiniz əməkdaşlığa görə sizə təşəkkür edirik.

Diqqətinizə görə təşəkkür edirik və yaradılan hər hansı bir narahatçılığa görə təəssüf etdiyimizi bildiririk.

Hörmətlə,
FİFA

Xose Rodriqez
İntizam Komitəsinin Katib Müavinin

Nüsxəsi: “Xəzər Lənkəran” FK-na

Həmçinin bu məktubdan öncə İdman Arbitraj Məhkəməsi tərəfindən nüsxəsi "Xəzər Lənkəran" FK-na göndərilən məktubu da diqqətinizə çatdırırıq. Bu məktubda "Xəzər Lənkəran" FK-nun apellyasiya şikayətinin FİFA-ya göndərilməsi qeyd edilib.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

"Xəzər Lənkəran" AFFA-nın gülünc mövqeyinə rəsmən cavab verdi

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023