Rusiya klubunun rəsmi internet saytı “Neftçi”dən yazdı
Bu gün yoxlama oyununda “Neftçi” ilə qarşılaşacaq Rusiyanın “Kuban” klubunun rəsmi internet saytı flaqman haqda yazı hazırlayıb. Stadium.az “75 yaşlı yubilyar” adlı yazını bəzi ixtisarlarla təqdim edir:
“Almaniyadakı təlim-məşq toplanışı çərçivəsində
komandamızın ilk rəqibi Azərbaycanın “Neftçi” klubudur. 7 qat ölkə çempionu,
avrokubokların daim iştirakçısı olan “Neftçi” ölkənin ən populyar klublarından
biridir. Komanda hazırda Avstriyada təlim-məşq toplanışındadır. Bakılılar Çempionlar
Liqasının ikinci təsnifat mərhələsində qarşılaşacaqları Gürcüstan çempionu “Zestafoni”
ilə oyunlara hazırlaşırlar. Hazırda Böyükağa Hacıyevin yetirmələrinin bütün
diqqəti məhz iyulun 17-i və 24-də keçiriləcək bu oyunlara yönəlib. “Neftçi” son
iki ildə ölkə çempionu olub.
Bu il komanda 75 illiyini qeyd edir. Ölkə
çempionatında uğurlu çıxış edən “Neftçi” 7 dəfə qızıl, 3 dəfə gümüş və 5 dəfə də
bürünc medal qazanıb. Qeyd edək ki, Azərbaycan Premyer Liqasında 12 klub
iştirak edir. Əgər sovetlər dönəmində “Neftçi” paytaxtın yeganə və əvəzolumaz
komandası idisə, hazırda Bakını 4 klub təmsil edir. (Rusiyalı həmkarlarımız
burada səhvə yol veriblər. Çünki paytaxtı ölkə çempionatında 4 deyil, 5 komanda
- “Neftçi”, “Bakı”, “İnter”, “Rəvan” və AZAL təmsil edir - red.)
“Neftçi”nin tarixində uzaq 1966-cı ildə SSRİ çempionatında
qazanılan bürünc medal da var. Həmin il bakılılar Ukrayna və Rusiya klubları ilə
gərgin mübarizənin yekununda üçüncü pilləni tutublar. Həmin illəri yada salarkən
qeyd etmək lazımdır ki, bakılılar keçmiş SSRİ-yə Anatoli Banişevski, Eduard
Markarov, Kazbek Tuayev kimi istedadları bəxş ediblər. 1960-cı illərdə “Kuban”ın
heyətində Bakı futbolunun yetirməsi olan, komandanın kapitanı Yuri Qorin parlayırdı.
Ayrı zaman, ayrı məqsədlər və ayrı çıxışlar. İndi “Neftçi”
ölkəsini beynəlxalq arenada təmsil edir. Lakin hələlik klub rəhbərliyinin
qarşıya qoyduğu yüksək məqsədlərə baxmayaraq, komanda “köhnə qitə”də ciddi uğur
qazana bilmir. Maraqlıdır ki, son ölkə çempionatının ən yaxşı 3 bombardirindən
ikisi məhz “Neftçi”də çıxış edir. Söhbət “Rubin”dən bu komandaya keçən Bahadir
Nəsimov və əvvəllər “Qremio”da oynayan braziliyalı Flavinyodan gedir”.
|
||||||
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |