Dodo: “Klub rəhbərliyi arxamızdadır”
“Qəbələ” dedikdə ilk ağla gələn futbolçulardan biri də Dodo olur. Meydançada və meydançadan kənardakı hərəkətləri ilə bütün “Qəbələ”sevərlərin məhəbbətini qazanan braziliyalı Sloveniyada baş tutan təlim-məşq prosesi zamanı zədə ucbatından qısa müddətlik meydançadan kənar qalsa da, yenidən işinin başına qayıdıb. Hər zaman çılğın və simpatik hərəkətləri ilə komandaya müsbət enerji verən Dodo gabalafc.az-la söhbət zamanı da öz səmimiyyəti və rahatlığı ilə diqqət çəkdi.
- Bir neçə
gün zədəyə görə məşqlərdən kənar qaldın. İndi özünü necə hiss edirsən?
- Hər şey qaydasındadır. Özümü yaxşı hiss edirəm. Qısa
fasilədən sonra yenidən komandaya qayıtmaq, meydançaya çıxmaq sevindiricidir.
Buradakı atmosfer psixoloji cəhətdən də mənə müsbət təsir edir. Bir sözlə hər
şey əladır.
- Qısa
müddət də olsa meydançadan kənar qalmaq, komandanı kənardan izləmək sənə necə təsir
edirdi?
- Futbol mənim üçün sadəcə iş deyil, futbol həyat tərzimdir.
Ona görə futboldan az müddət də olsa kənar qalmaq mənə ağır gəlir. Məşq etməyi,
çalışmağı sevirəm. Komandadan kənar qalmaq çox çətin və sıxıcı idi. Yaxşı başa
düşürəm ki, məşqlərə ara vermək futbolçuya, nəticədə isə komandaya mənfi təsir
göstərir. Artıq məşqlərə başlamışam. Bu mənim üçün yenidən doğulmaq kimidir.
- Qarşıda
“Qəbələ”ni çətin marafon gözləyir. Özünü fiziki və psixoloji cəhətdən
çempionata hazır hesab edirsən?
- Çempionatın bitməsindən sonra məşqlərə bir aydan
artıq ara verməyimə baxmayaraq, fiziki baxımdan yaxşı durumdayam. Bütün fiziki
testlərdən də uğurla keçmişəm. O ki qaldı psixoloji duruma özümü çox rahat hiss
edirəm. Klub rəhbərliyi arxamızdadır, daim bizi diqqət mərkəzində saxlayırlar,
problemlərimizlə maraqlanırlar, bizi darıxmağa, sıxılmağa qoymurlar. Ailəmdə də
vəziyyət yaxşı olduğuna görə bütün diqqətimi futbola yönəltmişəm.
-
Hazırlıq prosesi necə gedir? Fikrincə komanda çempionatın startına kimi tam
hazır olacaq?
- Hazırlıq prosesi yüksək tempdə davam edir.
Kollektivdə yüksək əhval-ruhiyyə hökm sürür. Gündəlik məşqlərimizi izləyərək
bunun şahidi ola bilərsiniz. Hər gün biraz daha müsbətə doğru irəliləyiş olur.
Artıq Sloveniyada iki yoxlama oyununda gücümüzü sınamışıq. Düzdür, hər iki
oyunda məğlub olduq. Amma indiki vəziyyətdə belə nəticələri normal saymaq olar.
Komandada yeni futbolçular var və onların heyətə uyğunlaşması üçün müəyyən
zamanın keçməsi mütləqdir. Əminəm ki, çempionatın startına kimi istədiyimiz
hazırlıq səviyyəsini yaxalayacağıq.
- Arxada
qoyduğumuz mövsümdə komandanın liderlərindən idin. Səncə növbəti futbol ilində
də komandanı arxanca apara biləcəksənmi?
- Futbol komanda oyunudur. Əgər keçən il hər hansı
uğurum olubsa, bunu kollektivə görə qazanmışam. Oyunumun yaxşı alınmasında hər
bir futbolçunun, məşqçilər korpusunun əməyi var. İnanıram ki, növbəti mövsümdə
gücümüzü ortaya qoyub istədiyimiz nəticələri qazanacağıq. Mən bunun üçün əlimdən
gələnin 100 faizini ortaya qoyacam.
-
Komandaya bir neçə yeni futbolçu cəlb olundu. Fikrincə yeni transferlər
komandaya hədəflərinə çatmaqda yardımçı ola biləcəkmi?
- Buna şübhəm yoxdur. Yeni transferlər komandadakı boşluqları doldurdular. Xüsusən müdafiə xəttimiz çox gücləndi. Qalır bircə komplektləşmək. Hamılıqla çalışıb bu missiyanın da öhdəsindən layiqincə gələcəyik.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |