Uniston Parks: “Üç ay məşq etməyəndə, kökələrəm də”
"BİZİ DƏ YANDIRAN ODUR Kİ, KLUB RƏHBƏRLİYİNİ SEVİNDİRƏ BİLMƏDİK"
“Bakı”nın hücumçusu Uinston Parksın müsahibəsi
-
"Mura" “sədd”ini keçməyə nə mane oldu?
- (fikirləşir, sonra köks ötürür) Hələ də özümə gələ
bilməmişəm. Ən azı bu mərhələni keçməliydik. Mərhələ adlaya bilməmişiksə,
günahkar özümüzük. Öz səhvlərimiz üzündən uduzduq. Bunda yalnız səhvlərin
deyil, bəxt amilinin də böyük rolu var. Hər iki oyunda nə qədər çalışdıq ki,
qol vuraq, alınmadı.
- Məgər rəqib belə güclü komandaydı ki, məğlub
olduz?
- Nə güclü idi, nə də zəif. “Mura” orta səviyyəli
bir komandadı. Sadəcə, onlar bizim oyunumuzu yaxşı təhlil etmişdilər. Rəqib
müdafiə olunmaqla, oyunu əks-hücumlarda qurdu. “Mura” dayanan toplarda daha
yaxşı təhlükəli olurdu. Elə hər iki topu da qapımıza standart vəziyyətdən
vurdular.
- Cütün taleyini evdə həll etməliydiz.
- Əslində, “Mura”nı Bakıda udmağa borclu idik. Qalib gəlib,
Sloveniyaya rahat gedə bilərdik. Bakıda oyunumuz istənilən kimi alınmadı. Ona
görə də ümid qaldı səfərə. Sloveniyada isə bəxtmiz gətirmədi.
- Özün də deyirsən ki, qol vura bilmədik.
Deməli, hücumçu kimi üzərinə düşən vəzifənin öhdəsindən gələ bilmədin. Ümumiyyətlə,
əvvəlki Parksdan əsər-əlamət yoxdu, artıq çəkin var. Bu oyuna qədər niyə, onu
aşağı salmadın?
- (əsəbləşir.) Üç aydı nə əziyyət çəkdiyimi birmirsiz. Üç dəfə eyni
yerdən zədə aldım. Zədədən sonra isə formanı yığmaq çətin olur. Mən də insanam,
üç ay məşq etməyəndə, kökələrəm də. Onun üçün artıq çəkim var. Ardıcıl zədələnməyim
oynamağıma imkan vermədi. “Neftçi”yə qarşı kubokun finalında belə, meydana zədəli
halda çıxmışdım. Ağrılar olsa da, oynamaq və “Bakı”ya kömək etmək həvəsindəydim.
Hamı kənardan baxıb, deyə bilər ki, Parks niyə belə oynayır? Ancaq içimdə nələr
baş verdiyini hələ bilmirlər.
- Çox
köksən. Meydanda həmişəki kimi hərəktli deyilsən, qaçmırsan. Çəkini nə vaxt
aşağı salacaqsan?
- Məşqdə çox işləyirəm. Çempionat başlayana qədər
formaya düşəcəm. Artıq köhnə zədəmdəki ağrıları hiss etmirəm. Lazımi qaydada çəkimi
aşağı salıram. Bir müddət keçəndən sonra hansı formada olacağımı görəcəksiz.
Əsas zədəmi sağaltmağım lazım idi. İndi-indi qaydasına düşür, şükür! Hər iki
matçda qol vurmaq imkanlarım oldu. Rəqib ilk oyunda olduğu kimi, yenə daha çox
müdafiəsi barədə düşünürdü. Onlar öz dəqiqələrini gözlədilər. Bütün komanda ilə
müdafiə olunan rəqibə qol vurmaq çox çətindi.
- Rəhbərlik
mərhələ keçməyiniz üçün sizə hər cür şərait yaratmışdı. Ancaq bunun qarşılığını
verə bilmədiz. Heç olmasa, bunu dərk edirsiz?
- Bizi də yandıran odu ki, klub rəhbərliyini
sevindirə bilmədik. Hafiz Məmmədov həm gözəl klub prezidentidi, həm də gözəl
insandı. O, futbolçulara hədsiz dərəcəyə diqqət və qayğı göstərir. Onun hörmətinin
qarşılığını hansı şəkildə ödəyəcəyimizi bilmirik. Bizi də təəssüfləndirən əsas
məqam budu. Klub rəhbərliyi komandanın uğur qazanmasını istəyir. Bunun qarşılığı
olmayanda, onlar pis olurlar. Biz də çox üzgünük. Buna necə cavab verəcəyimə
söz tapa bilmirəm. Yeganə çıxış yolu qarşıdakı çempionatda uğurlu çıxış edib
ancaq çempion olmaqdı. Bəlkə bu yolla günahımızı yuya bildik. Əlimizdən gələni əsirgəməyəcəyik
ki, növbəti çempionatda layiqli çıxış edib, çempionluğu klub prezidentinə bəxş
eləyək. Ancaq biz hələ də "Mura" məğlubiyyətinin şokundan
ayılmamışıq. Həqiqətən də avrokuboklardakı məğlubiyyət hamımıza pis təsir göstərib.
İndi psixoloji gərginlikdən çıxmağa çalışmaq lazımdı.
-
Əminsən ki, avrokuboklardakı uğursuzuluğu yeni mövsümdə çempionluqla unutdura
biləcəksiz?
- Avrokubokların yerini heç nə verə bilməz. Lakin
bu uğursuzluğun acısını çempionatda uğurlu nəticələrlə unuturmaq olar. Əsas hədəfimiz
çempion olmaqdı. Bunu etsək, üzərimizə düşən vəzifənin minimum öhdəsindən gəlmiş
olarıq. Niyə minimum deyirəm, çünki “Bakı”nın məqsədi avrokuboklarda uğurlu nəticə
qazanmaqdı. Bunun öhdəsindən biz cari mövsümdə gələ bilmədik. Artıq keçmiş
arxada qaldı, indi gələcəyə baxmaq lazımdı.
-
Sloveniyadakı məğlubiyyətdən sonra rəhbərlik sizlərə nə dedi, cəza vermədi?
- Hələ klub rəhbərliyi ilə görüşməmişik. Heç kim də
bizə söz deməyib. Hələ ki, vəziyyət yaxşı olmadığı üçün görüş keçirilməyib.
Çünki hamı hirslidi, ani hərəkət komandanın çempionat oyununa da təsir göstərə
bilər. Bir də ki, insan əsəbləşəndə bilmir nə deyir. Məncə, rəhbərlik sakit
dayanıb, lazımı anda addım atacaq. “Mura”ya uduzmağımız gözlənilməz oldu. Bu
yenilginin təsiri böyükdu.
- Pul
cəzası verilsə, buna münasibətiniz necə olacaq?
- Nə qərar versələr, haqları çatır. İstər pul, istərsə
də başqa metodlar üzrə cəza. Çünki biz üzərimmizə düşən vəzifənin öhdəsindən gəlməmişik.
Onlar nə desələr, razılaşmalıyıq. Başqa əlacımız da yoxdu. Belə oyundan sonra
danışmaq çətindi. Biz buna görə məsuliyyət daşıyıq. Nəticəyə görə hesabat verməliyik.
Fikrimcə, biz bu oyunda məğlubiyyətə layiq deyildik. Çünki məğlub olacaq qədər
pis təsir bağışlamırdıq. Mən bunu şişirtmirəm. Necə oynadığımızı hamı gördü.
Lakin yekun nəticə xeyrimizə olmayandan sonra komandanın necə oynamasının önəmi
yoxdu. Əlbəttə, tarixdə ancaq nəticə qalır, oyun yox.
- Çempionatın açılış turunda
"Neftçi" ilə üz-üzə gələcəksiz. Rəqib haqqında nə deyə bilərsən?
- “Zestafoni” ilə oyunlarına baxdım. “Neftçi” qalib gəlsə də, “Bakı”
onlardan daha güclü komandadı. “Neftçi”yə qalib gəlməklə, çempionata uğurlu
yaxşı başlamaq istəyirik. Onadək komanda həm özünə gələr, həm də psixoloji gərginliyi
üzərimizdən atmış olarıq. Ümid edirəm ki, onda bu məğlubiyyətə görə bizi
bağışlayarlar.
“Sport Favorit”
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |