Tale Heydərov: “Məqsədimiz Qəbələdə "Barselona" kimi klub yaratmaqdır”
XXX
London Yay Olimpiya Oyunlarını izləyənlər arasında "Qəbələ" futbol
klubunun prezidenti, Avropa Azərbaycan Cəmiyyətinin təsisçisi və sədri Tale
Heydərov da var. Avropada yaşayan azərbaycanlıların
təşkilatmasında kifayət qədər fəal rol oynayan Heydərov həm də idmanı çox
sevir. Təsadüfi deyil ki, o, London Olimpiadasında idmançılarımızın çıxışını
ailəsi ilə birgə izləyir, təmsilçilərimizə sonadək dəstək göstərir. Olimpiya.az
saytının Londona ezam olunmuş xüsusi müxbiri Tale Heydərovla elə yarış zalında
görüşmək imkanı qazanıb. Heydərov müsahibəsində "Qəbələ" klubu ilə
bağlı planlarından, eləcə də London Yay Olimpiya Oyunlarından danışıb.
- Bir neçə gündən sonra futbol
üzrə növbəti Azərbaycan çempionatı start götürəcək. 2012/13 mövsümündə "Qəbələ"dən
hansı nəticəni gözləyirsiniz?
- Bu
mövsüm hədəfimiz çempion olmaqdır. Bununla bağlı xüsusi tapşırıq vermişəm.
"Qəbələ" qarşıdakı çempionatda ən azı Avropa miqyaslı yarışlara vəsiqə
qazanmalıdır. Bilirik ki, bizim üçün çempionat çətin keçəcək. Çünki "Xəzər
Lənkəran", "İnter", "Qarabağ", "Neftçi" də
medallar, avrokuboklara vəsiqə uğrunda mübarizə aparacaqlar. Ancaq bu il biz də
iddialıyıq. Artıq Avropaya vəsiqə qazanmağın vaxtı çatıb.
- "Qəbələ"
infrastruktura da böyük yer ayırıb. Stadionda yenidənqurma işləri aparılır,
akademiya fəaliyyət göstərir. Başqa hansı planlar nəzərdə tutulub?
- Həqiqətən
də biz bu işlərə böyük önəm veririk. "Qəbələ" klubu üçün xüsusilə
uşaq, yeniyetmə futbolunun inkişafı prioritet təşkil edir. Təsadüfi deyil ki,
bu yaxınlarda “Barselona”nın futbol məktəbinin texniki direktoru Luis Araqonla əməkdaşlığa
başlamışıq. Bundan başqa, Qəbələdə 15 yaşlılardan ibarət komandalar arasında
yüksək səviyyəli beynəlxalq turnir təşkil edilib. Hazırda əsas stadionuda yenidənqurma
işləri gedir. Orada ot örtüyü ideal vəziyyətdədir. Ona görə ki, bu məsələdə mütəxəssislərə
müraciət etmişik və onlar ciddi işləyiblər. Ümumiyyətlə, biz planlı şəkildə
çalışırıq. "Qəbələ"də plansız heç nə yoxdur. Əsas stadion hazır
olanda, orada tam fərqli aura görəcəksiniz.
- Ötən mövsümün ortalarında
komandanın baş məşqçisi, məşhur Toni Adamsı yola saldınız. İngilis çalışdırıcı
ilə yolları ayırmağınızın əsl səbəbi nə idi?
- Toni
Adamsı "Qələbə"yə gətirmək mənim təşəbbüsüm olub. Hələ onu baş məşqçi
postuna dəvət etməmişdən öncə bilirdim ki, məşqçi kimi onun nailiyyətləri
yoxdur. Doğrudur, futbolçu kimi, Adams dahi olub. Əlbəttə, "Qəbələ"
adınn, markasının tanınmasında Toni Adams böyük rol oynadı. O da istəyirdu ki,
komanda uğurlu çıxış etsin. Ancaq bizdə tez bir zamanda nəyisə qazanıb, sonra
özümüzü yandırmaq fikri yoxdur. Fikrimiz mərhələli şəkildə uğur qazanmaqdır.
Toni Adamsla normal şəkildə, anlayışla ayrıldıq. Hesab edirəm ki, Azərbaycanda
hər hansısa klubu Avropa səviyyəsinə çatdırmaq üçün güclü xarici məşqçi
lazımdır.
- İş
qrafikinizin sıx olduğunu bilirik. Təbii ki, "Qəbələ" ilə bağlı işlərinizdə
rəhbərliyində yer alanlar yaxından kömək olmalıdırlar. Yeri gəlmişkən, bu günlərdə
kluba yeni idman direktoru təyin edildi. Ümumiyyətlə, "Qəbələ"nin
funksionerlərindən razısınızımı?
- Mən klubu idarə edənlərdən razıyam. Onlar öz işlərinin
öhdəsindən gəlirlər. Mən mütəmadi olaraq, onlara tapşırıqlarımı, tövsiyələrimi
verirəm. Çox yaxşı anlayıram ki, klub idarəçiliyində "qara işlər"ə
yol vermək olmaz. "Qəbələ"də "qara işlər" olarsa, həmin şəxslər
mütləq cəzalandırılacaq.
- Azərbaycan
futbolunun bugünkü durumu sizi qane edirmi?
- Biz çalışmalıyıq ki, daxili çempionatımıza marağı
gücləndirək. Elə etməliyik ki, azarkeşlər stadiona gəlsinlər. Bu gün
regionlarda stadiona təşrif buyuran futbol həvəskarlarının sayı qənaətbəşxdir.
Amma paytaxtda hətta mərkəzi görüşdə belə tribunalarda 200-300-dən çox azarkeş
olmur. Əlbəttə, bu məsələdə azarkeşlərdən çox, klublar iş görməlidirlər.
Strategiya elə qurulmalıdır ki, fanatları stadionlara cəlb etmək mümkün olsun.
Bu gün İngiltərənin aşağı - 3-4-cü divizionlarının oyunlarında da stadionlar
ağzına qədər dolu olur. Azarkeşlərin stadionlara cəlb edilməsi yönündə "Qəbələ"
klubu tərəfindən də işlər aparılır. Əsas stadionumuz hazır olduqdan sonra
komandamızın ev oyunlarında daha çox azarkeş görəcəksiniz.
- "Qəbələ"nin
gələcəyini necə görürsünüz?
- Biz bu işə başlayanda da məqsəd o idi ki, bir neçə
il sonranın komandasını yaradaq. Mənim istəyim, arzum odur ki, "Qəbələ"
5-10 ildən sonra "Barselona" kimi oynasın. Nailiyyət əldə etmək üçün
uşaq, yeniyetmə futboluna diqqət artırmaq lazımdır. Niyə azərbaycanlı uşaqlar
ingilislər, ispanlar kimi oynamasınlar? Onlar da bizim kimi insandır. Praktiki
cəhətdən onlar kimi oynamaq mümkündür. Sadəcə, işləri düzgün istiqamətdə
aparmaq vacibdir. Klub funksionerləri qarşıya qoyulan məqsədə çatmaq üçün
var-qüvvələrini səfərbər etməlidirlər. Bizdə tez-tez belə hal olur: klubun
prezidenti istəyir ki, komandası tez bir zamanda çempion olsun, Avropada 1-2 mərhələ
oynasın. Amma iş bununla bitmir. Xatırlayırsınzsa, Azərbaycan futbolunda
"Şəmkir", "Kəpəz" neçə dəfə çempion oldular, Avropada da
çıxış etdilər. İndi onların taleyi necədir? Hər bir klub bu günün yox, bir neçə
il sonranın planına uyğun işləməlidir. Ona görə deyirəm ki, məqsədimiz Qəbələdə
"Barselona" kimi klub yaratmaqdır və bunun üçün də çalışırıq.
- London
Yay Olimpiya Oyunlarının gedişini maraqla izləyirsiniz. Ümumiyyətlə, futboldan
başqa hansı idman növünün azarkeşisiniz?
- Güləş və ağırlıqqaldırma növlərinin azarkeşiyəm.
Sizinlə birlikdə ağır atletika üzrə 56 kq çəki dərəcəsində yarışları izlədik və
idmançımız Valentin Xristovun uğurunu izlədik. Şübhəsiz ki, hamımız bu medalın
davamının gələcəyinə inanırıq.
- Atanız
Kəmaləddin Heydərov Taekvondo və Boks Federasiyalarının prezidentidir. Bəs bu
idman növlərinə azarkeşlik etmirsiniz?
- Bu növləri də izləmək xoşuma gəlir. Xüsusilə boks
yarışlarını. Əlbəttə, London Olimpiadasında bu idman növlərindən də medallar
gözləyirik. Hələ bir neçə gün Londonda olacağam. Yəqin ki, sizinlə birlikdə
yarışların gedişini izləyəcək, uğurlarımıza birgə sevinəcəyik.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |