“Neftçi”də milyonlar qazanan ulduzların olmaması diqqətimi cəlb etdi" Müsahibə
Latviyanın “Yurmala” futbol klubunun baş məşqçisi Vladimir Paçko “Neftçi” PFK-nın qonağı olub. Pro kateqoriyası üzrə təhsil alan təcrübəli mütəxəssis təcrübə keçmək üçün bir həftə ərzində komandanın məşqlərini və oyunlarını izləyib. Məşqçi “Neftçi” haqqında təəsüratlarını klubun rəsmi saytına danışıb:
- Vladimir Nikolayeviç Bakıya səfəriniz necə keçdi? İlkin olaraq təəsüratlarınızı öyrənmək istərdik.
- Əvvəlcə onu deyim ki, Bakıya təcrübə keçmək üçün gəlmişdim. Pro kateqoriyası üzrə təhsil aldığım üçün Avropa Liqasında mübarizə aparan klublardan birinin düşərgəsinə yollanmaq lazım idi. Bu klubların oyunlarını diqqətlə izlədikdən sonra Azərbaycan tarixində ilk dəfə avrokubokların qrup mərhələsinə vəsiqə qazanmış “Neftçi”nin düşərgəsinə yollanmaq qərarına gəldim. “Neftçi” heyətində milyonlar qazanan ulduz futbolçuların olmaması və yerli gənclərə güvənməsi ilə diqqətimi cəlb etdi. “Neftçi”nin düşərgəsinə gəlməyim həm də klub prezidentimizin xahişi ilə oldu. Çünki “Yurmala” klubunda da üstünlük yerli gənclərə verilir və buna görə də “Neftçi”nin təcrübəsindən yararlanmaq istədik.
- “Neftçi”də gördüklərinizdən nə qənaətə gəldiniz?
- Mən futbolda qələbəni şərtləndirən əsas məqamları sadalamaq istərdim. Burada komanda kökündən düzgün qurulub. Aşağı yaş qruplarından tutmuş əsas komandaya qədər mütəşəkkil iş aparılır. Legioner futbolçularla yerli oyunçuların gözəl vəhdəti yaradılıb. Klub rəhbərliyi və baş məşqçi ilə görüşlərimdə bunun bir daha şahidi oldum. “Neftçi”nin “Partizan” və “Bakı” klubları ilə oyunlarını stadiondan izlədim. “Partizan”la görüşdə komandanız ərazi üstünlüyünü ələ almışdı və rəqib qapısı ağzında bir neçə qol vəziyyəti yaratmışdı. Amma bu futboldu qələbəyə layiq olsan belə bəxt amili öz sözünü deyir. “Bakı” ilə oyunda isə futbolçular yorğun olmaqlarına baxmayaraq sona kimi döyüşüb qələbə qazandılar. Bu isə futbolçularda qələbə ruhunun necə güclü olmasından xəbər verir.
- İzlədiyiniz qarşılaşmalarda konkret hansı futbolçuların oyununu bəyəndiniz?
- Komandanızda şıxış edən legioner futbolçular hamısı yaxşı təsir bağışladı. Amma mən əsasən “Neftçi”nin yetirməsi olan yerli futbolçuların çıxışını qeyd etmək istərdim. Müdafiə xəttində 4 və 32 nömrəli futbolçular (Tərlan Quliyev və Elvin Yunuszadə nəzərdə tutulur.) gələcək vəd edir. Yarımmüdafiə xəttində də bir neçə futbolçunun oyununu bəyəndim. İmamverdiyev, Abdullayev və Seyidov hücumların təşkilində fəal iştirak edirlər. Bu futbolçular gənc olmalarına baxmayaraq bütün oyunlarda meydana çıxır. Düşünürəm ki, “Neftçi” bu oyunçulara güvənməkdə haqlıdır. Çünki onlar Azərbaycan futbolunun gələcək simalarıdır.
- “Neftçi” növbəti mövsümdə də uğurun davamını gətirməyi hədəfləyir
- Məncə “Neftçi” bunu gerçəkləşdirəcək gücdədir. Komandada düzgün seleksiya işləri aparılır. Əgər futbolçu yetişdirmək siyasəti düzgün gedirsə gələcəyə ümidlə baxmaq lazımdı. Komandanız qrup mərhələsinə vəsiqə qazanmaqla ilk addımı atdı. Bundan sonra avrokubokların daimi iştirakçısı olmaq lazımdı. Bu həm futbolçuların təcrübə toplaması baxımından, həm də ölkənizin klub reytinqinin yüksəlməsi sarıdan vacibdir. İnanıram ki, “Neftçi” bu il də ölkə çempionu olsa avrokuboklardakı nəticələrini təkrarlaya yaxud yaxşılaşdıra bilər.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |