"İli uğurlu nəticələrlə başa vurmaq istəyirik" Müsahibə

15.12.2012 | 3832 dəfə oxunub

Topaz Premyer Liqasının 17-ci turu çərçivəsində səfərdə “Rəvan”la qarşılaşacaq “Sumqayıt” Futbol Klubu məşqlərini Bayıl Arena-da davam etdirir. Stadium.az xəbər verir ki, klubun hücumçusu Pərdis Fərcad-Azad hazırlıq mərhələsi və qarşıdakı oyunlarla bağlı klubun rəsmi saytına müsahibə verib. 

- Komandanın hazırlıq mərhələsi barəsində nə deyə bilərsən?
- Hər gün Bayıl Arena-da hazırlığımızı davam etdiririk. Ən böyük çətinliyimiz heyətlə bağlıdır. İlk "onbirlik"lə meydana çıxa bilmirik. Lakin son görüşlərlə müqayisədə əsas heyət üzvlərindən bəziləri sıraya qayıdıb. Kollektivdə əhval-ruhiyyə olduqca yüksəkdir. Hamılıqla növbəti iki oyunumuz “Rəvan” və “Kəpəz”lə qarşılaşmaları düşünürük.

- “Sumqayıt” FK “Rəvan”la qarşılaşmadan hansı nəticə ilə ayrılacaq?
- İli uğurlu nəticələrlə başa vurmaq istəyirik. Bunun üçün qarşıdakı “Rəvan” və “Kəpəz”lə oyunu fikirləşirik. Əvvəlcə həftəsonu “Rəvan”la üz-üzə gələcəyik. Bu qarşılaşmada məğlub olmaq istəmirik. Əsas hədəfimiz isə iki oyundan maksimum nəticə qazanmaqdır. İki matçdan 4 xal qazansaq da, bunu pis nəticə saymaq olmaz.

- Oyun zamanı meydanda ən çox kiminlə yaxşı anlaşırsan?
- Ümumilikdə götürsək, klubda yer alan hər kəslə xoş münasibətim var. Uşaqları biri-birindən fərqləndirmək istəmirəm. Həqiqətən hamının öz yeri var. Qaldı ki, meydanda çıxışıma daha çox Uğur Pamuk, Ruslan Qurbanov və Orxan Əliyevin adını çəkə bilərəm.

- Bir müddət əvvəl Azərbaycan yığmasının heyətində təlim-məşq toplanışında iştirak etdin. Millidə olmaq səndə hansı təəssüratları yaratdı?
- Dəfələrlə demişəm ki, mən azərbaycanlıyam. Bu ölkənin millisində olmağa haqqım çatır. Ən böyük arzularımdan biri çin oldu desəm yalan olmaz. Seleksiya xarakterli təlim-məşq toplanışı zamanı özümü yaxşı tərəfdən göstərdiyimə inanıram. Oradakı əhval-ruhiyyə məni razı saldı. Məşqlərdən sonra A millimizin baş məşqçisi Berti Foqts mənə bəzi tapşırıqlar verirdi. Məşqçilərdən öyrənəcəyim çox şeylər var. İnşallah millinin növbəti toplanışlarına da dəvət alaram.

- Premyer Liqada 16 tur arxada qalıb. Bütün klublara qarşı da çıxış etmisən. Səncə “Sumqayıt” FK mövsümü hansı pillədə tamamlayacaq?
- Əvvəldə də qeyd etdim ki, tam heyətlə hazırlaşa bilmirik. Əgər 2012-ci ildə baş tutacaq iki oyundan 6 xal qazansaq ilk altılıq uğrunda mübarizə apara bilərik. Lakin bu olduqca çətin olacaq. Bunu bacarmasaq, mövsümün sonunda turnir cədvəlini 8-ci pillədə başa vura bilərik.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

10.12.2019

15:39  "Traktor"da növbəti istefa - "Önümüzü kəsirlər"

12:41  "Qarabağ" - "Düdelanj görüşü - mətbuat konfranslarının vaxtları açıqlandı

09.12.2019

11:32  Günün oyunlarına necə baxaq? - TV AFİŞA

08.12.2019

16:28  "Sabah" - "Neftçi" - HEYƏTLƏR

14:31  "Sumqayıt" - "Qəbələ" - HEYƏTLƏR

14:30  "Zirə" - "Səbail" - HEYƏTLƏR

13:12  Günün oyunlarına necə baxaq? - TV AFİŞA

11:59  Beqoviçlə bağlı yeni iddia - digər Premyer Liqa klubuna keçir?

07.12.2019

23:14  "Montpelie" - PSJ - 1:3 VİDEO

19:15  "Real" - "Espanyol" - 2:0 VİDEO

12:31  Günün oyunlarına necə baxaq? - TV AFİŞA

08:13  "Qarabağ" - "Keşlə" - FOTOLENT

06.12.2019

20:54  "Qarabağ" yenə xal itirdi - YENİLƏNİB

18:46  "Qarabağ" - "Keşlə" -HEYƏTLƏR

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə