"A" seriyasında ilk dövrənin simvolik komandası
İtaliya "A" seriyasında komandalar fasiləyə yollandılar. Qısa müddətli istirahətdən sonra 19-cu turun oyunlarına çıxacaq İtaliya klublarının mübarizəsində hələlik son çempion "Yuventus" aşkar favoritdir. Turinlilər 44 xalla ən yaxın izləyiciləri olan "Napoli" və "Latsio"nu 9, "Fiorentina" və "İnter"i isə 10 xal qabaqlayır.
Bəs, görəsən, geridə qalan 18 tur ərzində hansı
futbolçular özlərini ən yaxşı tərəfdən göstərməyi bacarıb? Beləliklə, 18 turdan sonra "A" seriyasının simvolik komandasını
və onun alternativ variantının təqdim edirik.
QAPI
Federiko Marketti ("Latsio")
Marketti ilk dövrədəki ən yaxşı oyununu
Turində keçirdi. "Yuventus"a qarşı matçda Federiko praktiki olaraq,
xaruqələr yaradırdı. Təsadüfi deyil ki, həmin qarşılaşmadan sonra o "La Gazzetta dello Sport" tərəfindən
8 bala layiq görüldü ki, bu cür yüksək qiymət hər futbolçuya nəsib olmur.
Marketti həmin gün o qədər inamlı təsir bağışlamışdı ki, hətta rəqib həmkarı,
İtaliya futbolunun qeyri-şərtsiz "1 nömrə"si olan Canluici Buffon belə,
onun möhtəşəm çıxış etdiyini qeyd etdi. Maraqlıdır ki, Buffonla Markettini xoş
olmayan bir olay da bağlayır. Belə ki, Buffonun bacısı Veronikanın möcüzəvi şəkildə
sağ qaldığı avtomobil qəzasında "Latsio"nun qapıçısının uşaqlıq dostu
dünyasını dəyişdi.
Markettinin "Latsio" üçün
nə qədər önəmli oyunçu olduğunu bir fakt da sübut edir. O zədələndikdən sonra
"Latsio" 4 matçda cəmi 1 qələbə qazandı. 3 oyunda 3 xala həsrət qalan
Roma təmsilçisi eyni zamanda "Kataniya"ya da biabırçı hesabla uduzdu
- 0:4. Cari mövsüm qapısını 9 dəfə toxunulmaz saxlayan Marketti çempionluq
haqda belə deyir: "Skudetto? Məncə, indidən bu haqda danışmaq çox tezdir. Amma istənilən halda,
"Latsio" sona qədər çempionluq uğrunda mübarizə aparacaq. Biz istənilən
komanda ilə başa-baş mübarizə apara bilərik". Təcrübəli qolkiperin bu sözləri
12 ildir titul həsrəti ilə alışıb-yanan "Latsio"lu azarkeşlərin ürəyinə
yağ kimi yayılır.
Alternativi: Samir Handanoviç ("İnter")
MÜDAFİƏ
Andrea Ranokkiya ("İnter")
Bir vaxtlar, Andrea Ranokkiyanı ikinci Alessandro
Nesta adlandırırdılar. Lakin italiyalı müdafiəçilərin hazırkı nəsli
əvvəlkilərdən fərqli olaraq, erkən parlaya bilmirlər. Nesta 24 yaşında
"Latsio"nun kapitanı və "Skuadra Adzurra"nın liderlərindən
idi. Halbuki Ranokkiya bu yaşında yalnız indi İtaliya "nəhəng"inin
əsas heyət üzvünə çevrilir. Baş məşqçi Andrea Stramaççoni gənc müdafiəçiyə
inanır və hər oyunda ona şans verir. Cari mövsüm Ranokkiya yalnız 1 oyunda - o
da zədəli olduğu üçün heyətdən kənarda qalıb. Meydana çıxdğı oyunlarda özünü
yaxşı tərəfdən göstərən "İnter"in arxa xətt oyunçusu mətbuat
tərəfindən ən yüksək qiymət alan mərkəz müdafiəçilərdəndir. Məhz onun müdafiədəki
inamlı oyunu sayəsində bir ara yüksək sürət yığan "İnter" hətta
"Yuventus"a çatmağa yaxın idi. Qeyd etmək lazımdır ki, inamlı çıxış
etməsinə baxmayaraq, gənc müdafiəçi "ulduz xəstəliyi"nə tutulmayıb:
"Mən futboldan zövq almağa çalışıram. Axı ötən il mən nadir hallarda öz
oyunumdan razı qalırdım. Mən birdən-birə ulduza çevrilmək istəmirəm. Yaxşı
olardı ki, yavaş-yavaş irəliləyim. Hər oyundan-oyuna daha inamlı çıxış
edim".
Alternativi: Leonardo Bonuççi
("Yuventus")
Xavyer Zanetti ("İnter")
Azarkeşlər 39 yaşlı Zanettinin hər zaman cavan
qalmasına öyrəşsələr də, o hər mövsüm Tiffozini yeni nə iləsə təəccübləndirməyi
bacarır. Cari mövsümdə "Napoli"yə qarşı baş tutan oyunun 88-ci
dəqiqəsində Zanettinin etdiyi keçid hələ də yaddaşlardan silinməyib. Həmin
epizoda baxarkən, inanmaq olmur ki, avqustda argentinalı futbolçunun 40 yaşı
tamam olacaq. Zanetti həmçinin "İnter"də başqa bir missiyanı da
yerinə yetirir - o tez-tez qol da vurur. O həm də "Neradzurra"nın
paltardəyişmə otağının faktiki olaraq lideridir. Zanetti deyir: "Bizim
əsas məqsədimiz yenidən çempionatın ən yaxşı komandası olmaqdır. Biz inamla,
hər zaman öz məqsədimizə doğru irəliləyirik".
Alternativi: Duşan Basta ("Udineze")
Andrea Barzaqli ("Yuventus")
Ötən mövsümün əvvəlində
cəmi 300 min avroya transfer olunan Barzaqli təkcə "Yuventus"un əsas
heyət üzvünə çevrilmədi. O həm də indi İtaliya millisinin aparıcı üzvüdür.
Hazırkı "Skuadra Adzurra"nı onsuz təsəvvür etmək çox çətindir. Antonio
Konte və Çezerre Prandelli hansı müdafiəçini ehtiyatda saxlayaq, sualı üzərində
baş sındırarkən heç vaxt seçimi Barzaqlinin əleyhinə etmirlər. İnamlı, səliqəli
oyunu ilə tiffozinin rəğbətini qazanan "Yuve"nin futbolçusu öz oyunu
ilə Qaetano Şirea və Franko Barezini xatırladır.
Alternativi: Fakundo Ronkalya ("Fiorentina")
Manuel Paskuale ("Fiorentina")
"Fiorentina"nın kapitanı Vinçentso Montellanın ideyalarını
meydanda həyata keçirən əsas futbolçulardan biridir. Məhz Paskualenin komanda
yoldaşlarını ətrafında toplaması yayda demək olar kı, sıfırdan toplanan
kollektivin inamlı çıxışına səbəb oldu. Florensiyalı azarkeşlər isə yenidən
sevimlilərinə inanmağa başlayıblar. Paskuale baş məşqçisi haqda deyir:
"Montella "Fiorentina"ya sülh və sakitçilik gətirib. O bütün
oyunçuların - fərqi yoxdur, təcrübəli və ya gənc - hamının qarşısına yalnız 1
tapşırıq qoyub: meydanda var gücünlə vuruşmalısan".
Paskuale cari mövsümdə o qədər inamlı təsir bağışlayır ki, sol cinahda
mübarizə aparan heç bir futbolçu mətbuatdan aldığı qiymətlər baxımından onunla
rəqabət apara bilmir.
Alternativi: Corco Kyelini ("Yuventus"
YARIMMÜDAFİƏ
Borxa Valero ("Fiorentina")
Madrid
"Real"ının yetirməsi olan Valero cari mövsümdə sübuta yetirdi ki,
ispan futbolçular da İtaliyada parlaya bilər. Valero inamlı oyunu ilə
"Fiorentina"nın rəmzlərindən hesab olunan Cankarlo Antoninin də
diqqətini çəkdi: "O topu əla saxlayır. Bu cəhətinə görə Valero mənə
İnyesta və Xabi Alonsonu xatırladır"... 1982-ci ilin dünya çempionu olan
canlı əfsanin dilindən xoş söz eşitmək isə heç də hər futbolçuya nəsib olmur.
Özü də Cankarlonun sözlərini florensiyalı azarkeşlər qanun kimi qəbul
edirlər.
Alternativi:
Kristian Ledesma ("Latsio")
Marek Qamşik ("Napoli")
"A" seriyasının
ən güclü yarımmüdafiəçilərindən olan Qamşik cari mövsümdə də inamlı təsir
bağışlayır. Təsadüfi deyil ki, öz oyunu ilə o Avropa "nəhəng"lərinin
"Napoli"nin qapısını döyməsinə səbəb olur. Geridə qalan 18 tur
ərzində Qamşik 7 qol vurub və 8 məhsuldar ötürmə verib. Orta hesabla o hər
oyuna "La Gazzetta dello Sport" tərəfindən 6,5
bal alıb. İnamlı oyunu ilə Qamşik artıq indidən mövsümün sonunda ən yaxşı
oyunçuya təqdim olunacaq "Oscar del сalcio" mükafatına əsas
namizdələrdən biri hesab olunur. "Neapol da qalmaq cəsarət tələb
edir" - bu haqda məşhur "Le Strisce" qrupu oxuyur. Qamşikin
cəsarətinə isə söz ola bilməz. O nəinki gecələr bu şəhərin küçələrində yalnız
gəzir, hətta bir müddət əvvəl diskalifikasiya olunan komanda yoldaşları Paolo
Kannaravo və Canluku Qravunun müdafiəsinə də qalxıb. Məhz "Syena"
üzərindəki son qələbəni Qamşik bu iki futbolçuya həsr etdiyini açıqlayıb.
Alternativi:
Andreal Pirlo ("Yuventus")
Klaudio
Markizio ("Yuventus")
Cari mövsümdə Andrea Pirlo ötənilki kimi yaxşı oyun sərgiləməsə də, onun
komanda və mövqe yoldaşı Markizio inkişaf edərək, özünü ən yaxşı tərəfdən
göstərməyi bacarır. Markizionu "Qoca Sinyora"nın kemiş üzvü Marko
Tardelli ilə müqayisə edirlər. Tardelli özü isə dəfələrlə bu müqayisədən artıq
təngə gəldiyini qeyd edib.
Cari mövsümdə Markizionun ən yaxşı oyunu "Torino" ilə matçda - Derby
della Moleda olub. Həmin matçda dubl edən Markizio qarşılaşmadan sonra belə
demişdi: "Bu, mənim derbidəki ilk dublum deyil. Amma ən vacibidir. Çünki
"Milan"a uduzduqdan sonra bu qələbə bizə çox lazım idi.
Alternativ:
David Pizarro ("Fiorentina")
HÜCUM
Françesko Totti ("Roma")
Zdenek Zemanın
"Roma"ya qayıdışı komandanın kapitanı olan Tottinin oyununa böyük
təsir göstərdi. Totti indi ötənilkindən də inamlı təsir bağışlayır. Əfsanəvi
kapitan geridə qalan illər ərzində yaşlaşsa da, hələ ki gözəl təsir bağışlayır.
Bir neçə il əvvəl "İmperator" haqda deyirdilər ki, o özü-özü üçün
oynayır. Amma bugünkü gündə tənqidçilər susmağa məcburdurlar. Karlo Matsone
Totti haqda deyir: "Mən Françeskoya görə çox şadam. Müəyyən vaxtlarda belə
təəssürat yaranırdı ki, onun ulduz vaxtı artıq geridə qalıb. Amma indiki
məqamda o öz oyunu ilə hamını susmağa vadar edir. Totti qeyri-adidir: həm
futbolçu, həm də insan kimi".
Alternativi: Stevan Yovetiç ("Fiorentina")
Miroslav Kloze: ("Latsio")
"Komanda Klozeyə işləyir, o da komandaya"
- bu sözləri "Latsio"nun çalışdırıcısı Vladimit Petkoviç
təkrarlamaqdan yorulmur. Roma klubu alman hücumçudan nə qədər asılıdır? İndi bu
suala dəqiq cavab vermək çətindir. Bunun yekun cavabını Kloze komandadan gedəndən
sonra biləcəyik. Yaşının çoxluğuna baxmayaraq, Kloze əvvəlki kimi enerjilidir.
Təısadüfi deyil ki, o daim meydandan bir yerdə durmur, dayanmadan hərəkət edir,
boş zona axtarır, müdafiəçilərlkə sonadək mübarizə aparır. Payızda isə Kloze
bütün Avropanın diqqət mərkəzinə düşdü. Axı vurduğu qolun "təmiz"
olmadığını etiraf etmək heç də hər futbolçunun işi deyil. Amma Kloze
"Napoli"yə vurduğu qolun qaydalar çərçivəsində olmadığını matçdan
dərhal sonra açıq şəkildə bəyan etdi. Bəlkə də buna görə Tanrı alma forvardı
"İnter"lə oyunda mükafatlıandırdı. Məhz Klozenin ikinci yarıda
vurduğu yeganə qol komandasına mühüm qələbə qazandırdı.
Alternativi: Edinson Kavani ("Napoli")
Stefan Əl-Şəravi ("Milan")
Cari mövsümün "kəşf"i hazırda
"Milan"lı azarkeşlərin yeganə qürur mənbəyidir. Yarı italyan, yarı
misirli olan gənc istedadın inamlı çıxışı "Skuadra Adzurra"nın
çalışdırıcısı Çezare Prandellini də
sevindirməyə bilməz. Əl-Şəravi təkcə vurduğu qollarla deyil, həm də işinə ciddi
yanaşması ilə sevilir. O dayandan məşq edir, çalışır. Kənardan baxnada belə
təəssürat yaranır ki, Setafn qarşısına dünyanın ən yaxşı futbolçusu olmağı
məqsəd qoyub.
Bir vaxtlar "Milan"ın "döyünən
ürəyi" olan Andrey Şevçenko sabiq klubunun hazırkı lideri haqda deyir:
"Bir neçə ay əvvəl mən onun haqda demək olar ki, heç nə eşitməmişdim. Mən
Əl-Şəravinin oyununu ilk dəfə "Napoli" ilə görüşdə tam diqqətlə
izlədim və vurduğu qolları gördüm. Qollar sadəcə möhtəşəm idi. Stefabn çox
cəld, sürətli hücumçudur. O mövcüd durumda hansı mövqedə qərarlaşmağı gpzəl
bilir. Özü də Əl-Şəravi müdafiədə də yaxşı təsir bağışlayır". Yəqin ki, bu
sözləri eşitdikdən sonra Stefan Şeva kimi "Milan"ın əfsanəsinə
çevrilmək üçün daha səylə çalışacaq.
Alternativi: Erik Lamela ("Roma")
Məşqçi
Vladimir
Petkoviç ("Latsio")
Yayda "Latsio"
ardıcıllıqla hamıya uduzan, İtaliya paytaxtında insanlar Petkoviçin hansı turda
komandadan qovulacağı barədə mərc edirdilər. Lakin əvvəllər "Syon" və
"Samsunspor"u çalışdıran Xorvatiya əsilli, İsveçrə pasportuna malik
olan bosniyalı mütəxəssis olan yavaş, lakin dəqiq şəkildə sübut etdi ki, yaxşı
məşqçilər təkcə Appenində dünyaya göz açırlar. Bir müddətdən sonra Petkoviç
anladı ki, onun komandası üçün ən ideal sistem 4-1-4-1-dir. Az sonra təcrübəli
mütəxəssis futbolçuları ilə də əla ünsiyyət qurmağı bacardı. Yekunda bütün
bunlar "Latsio"nun inamlı çıxışına gətirib çıxardı. Payızda
"Latsio" yaxşı günlər keçirməsə də, ilin sonuna yaxın paytaxt
təmsilçisi uğurlu qrafik cızdı. Son 7 oyunun 5-də qalib gələn və 1 dəfə də
olsun uduzmayan "Latsio" ili üçüncü pillədə başa vurdu. Bu nəticə isə
Vlado Petkoviçin is metodunun yalnış olmamadığını göstəricisidir.
Alternativi: Vinçenso Montella
("Fiorentina")
"Het-trik news" qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |