Süni stadion, süni səmimiyyət və süni qərar
Ötən həftənin maraqlı məqamlarından biri də, AFFA və PFL-in klub rəhbərlərini assosiasiyanın rəsmi binasında bir araya gətirməsi oldu. Bu məsələnin müzakirəsinə keçmədən əvvəl mətbuata qapalı olan görüş barədə PFL-in rəsmi saytında yer alan xəbəri olduğu kimi diqqətinizə çatdırırıq: “Bu gün AFFA-nın inzibati binasında Peşəkar Futbol Liqasının prezidenti Ramin Musayev və baş katib Elxan Məmmədovun Topaz Premyer Liqasında çıxış edən klubların rəhbərliyi ilə görüşü keçirilib. Tədbirdə “Simurq”un prezidenti Anar Bəkirov, “İnter” PİK-in prezidenti Georgi Nikolov, “Qarabağ” klubunun direktoru Emrah Çelikel, “Neftçi” Peşəkar Futbol Klubunun vitse-prezidenti Tahir Süleymanov, “Qəbələ”nin vitse-prezidenti Fariz Nəcəfov, “Xəzər Lənkəran” FK-nın vitse-prezidenti Tuyqun Nadirov, AZAL PFK-nın vitse-prezidenti Fikrət Hüseynov, “Sumqayıt” klubunun prezidenti Kamran Quliyev, “Turan”ın vitse-prezidenti Namiq Məstanov, “Bakı” FK-nın icraçı-direktoru Yaşar Seyidov, “Rəvan” klubunun vitse-prezidenti Bəhruz Şirəliyev və “Kəpəz” PFK-nın vitse-prezidenti Kamran Hüseynov iştirak ediblər. Görüş zamanı ölkəmizdə futbolun inkişafı ilə bağlı müxtəlif məsələlər ətraflı müzakirə olunub. Klub nümayəndələri təklif irəli sürüb ki, uşaq futbolunun inkişafı üçün UEFA tərəfindən hər il hər bir kluba ayrılan vəsait qarşıdakı iki il ərzində AFFA tərəfindən onların büdcəsinə ödənilməsin və həmin pul vəsaiti hesabına Tovuz və Gəncə şəhər stadionlarının ot örtüyü yeni süni ot örtüyü ilə əvəzlənsin. 2013-cü ilin mart-aprel ayları ərzində klubların nəzdindəki U-19 komandaları arasında kubok yarışının keçirilməsi barədə razılıq əldə olunub və vurğulanıb ki, bu turnirdə iştirak etmək məcburi deyil. Legionerlərin sifarişi üçün ödənilən vəsait, legioner limiti, eyni zamanda sifariş ərizəsində legioner futbolçuların ümumi limitinin tətbiqi ilə bağlı məsələlərin İcraiyyə Komitəsinin növbəti iclasında müzakirə olunması təklifi səsləndirilib. Müzakirə olunan digər məsələ Topaz Premyer Liqasının keçirilmə sistemi olub və əksər klublar hazırkı “6-lıq” sistemindən razılığını bildirib və təklif olunub ki, növbəti mövsümdən etibarən çempionatın təsnifat mərhələsi qış fasiləsinə qədər başa çatsın. Klub rəhbərlərinə tövsiyə olunub ki, UEFA-nın tələblərinə uyğun olaraq, lisenziyalaşdırma prosesinə, xüsusilə maliyyə meyarı məsələsinə daha diqqət və həssaslıqla yanaşılsın. Klub nümayəndələri görüşün təşkili ilə bağlı PFL və AFFA rəhbərliyinə minnətdarlıq edib. Sonda klublara iştirak etdikləri turnirlərdə uğurlar arzulanıb”. Xəbərdə tünd hərflərlə verilmiş hissəyə diqqət yetirin. Guya klub nümayəndələri təklif irəli sürüblər ki, UEFA tərəfindən hər il hər bir kluba ayrılan vəsait qarşıdakı iki il ərzində AFFA tərəfindən onların büdcəsinə ödənilməsin və həmin pul vəsaiti hesabına Tovuz və Gəncə şəhər stadionlarının ot örtüyü yeni süni ot örtüyü ilə əvəzlənsin. Bu, heç bir klubun yox, ancaq Ramin Musayev və Elxan Məmmədov – daha çox da ikincinin olmayan futbol biliyinin “məhsulu” ola bilər. Sizin üçün təkcə bir məqamı nəzərinizə çatdırım ki, 12 klubun bu toplantının keçirilməsindən xəbəri olmayıb. Məhz bu qərar qəbul olunandan sonra 12 klubdan 9-u ilə əlaqə saxladıq və onların hamısından eyni cavabı aldıq ki, təşəbbüs onların yox, məhz onları bu toplantıya yığanların olub. Budur Ramin Musayev və Elxan Məmmədovun Azərbaycan futbolu üçün gördüyü məhsuldar iş? Budur sizin işiniz ki, uşaq futbolu üçün ayrılan pulları uşaq futbolunu şikəst edən süni meydanların yaradılmasına sərf edirsiz? Süni meydançaların nəinki uşaqları, hətta böyük futbolçuları hansı günə salmasını bilmirsiz? Yoxsa sizin inkişaf strategiyanız ancaq süni stadionların çoxaldılmasından aslıdır? Sizin bütün işləribiz elə sünidir, ona görə də, süni stadionlara meyliniz bu qədər yüksəkdir. Süni işlərdən əl çəkin, yoxsa bir də görəcəksiniz ki, aldığınız havanı da sizə süni verirlər.
“Het-trik news” qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |