“Sevdiyim qızı ataram, amma heç vaxt futboldan əl çəkmərəm”

“Sevdiyim qızı ataram, amma heç vaxt futboldan əl çəkmərəm” Müsahibə

15.01.2013 | 5082 dəfə oxunub

“Het-trik news” qəzeti ənənəsinə sadiq qalaraq uşaq futboluna bu dəfə də yer ayırdı. “Bakı”nın aşağı yaş qrupu komandalarında bir çox istedadlı oyunçular var ki, onlardan biri də Məhəmmədəli Zeynalovdur. Mövsümün sonunda “Bakı”dan “Atletiko”ya gedəcək uşaqlar arasında olan Məhəmmədəli ilə söhbətimiz də onun dünyasından oldu.

- Məhəmmədəli, futbola necə gəlmisən, necə alındı gəlişin?

- Futbola marağım çox idi, buna görə də lap balacalıqdan oynayırdım. Elə bununla da futbola öz istəyimlə gəldim.

- Neçə yaşından başladın?

- Lap balacalığımdan futbol oynayıram, amma kluba ötən ildən gəlmişəm.

- Bəs buna kimi harada oynayırdın?

- Ona kimi ancaq öz dostlarımla oynayırdım.

- Bəs kluba kimlə getdin, “Bakı”ya səni kim apardı?

- Heç kim. Əvvəlcə seçimlərə getdim, orada özümü yaxşı tərəfdən göstərdim deyə, məni komandaya götürdülər.

- Bəs niyə “Bakı”nı seçdin?

- Mənim fikrimcə “Bakı” daha yaxşıdır.

- Niyə?

- Yaxşıdır da. Bu komandada hər şey var. Bizə çox yaxşı baxırlar, əla şərait var.

- Sən Tovuzdansan?

- Hə, elədir.

- Nə yaxşı “Turan”ı yox, “Bakı”nı seçmisən?

- Mən Bakıda yaşayıram, ona görə də “Bakı”nı seçdim. Bəlkə də Tovuzda qalsaydım, onda “Turan”ı seçərdim.

- Heç düşünürsən ki, böyük futbolçu olanda “Turan”da da oynayasan?

- Hə, ola bilər.

- Böyüyəndə hansı futbolçuya oxşamaq istəyrsən?

- Əslinə qalanda mənim ən çox xoşladığım futbolçu Messidir. O, həqiqətən də dünyanın ən yaxşı futbolçusudur. Amma inanmıram ki, onun kimi futbolçu olum. Ancaq baxıram ki, oyun tərzim Ronaldoya daha çox bənzəyir.

- Öz oyunundan razısan?

- Bəli, hələlik razıyam.

- Azərbaycanda hansı futbolçu kimi olmaq istəyirsən?

- Burada isə daha çox Rauf Əliyevin çıxışını bəyənirəm.

- Hansı kluba və milliyə azarkeşlik edirsən?

- Mən futbola baxmağa başlayandan elə “Barselona” və İspaniya millisinə azarkeşlik edirəm.

- Ailən sənin futbol həyatına mane olmur?

- Yox, onlar da istəyirlər yaxşı futbolçu olum.

- Axı valideyinlər həmişə övladlarının dərs oxumasını üstün tuturlar...

- Onlar da istəyirlər mən dərslərimi yaxşı oxuyum, amma mən hər ikisini necə lazımdırsa yerinə yetirirəm. Həm futbolumu oynayıram, həm də dərslərimi yaxşı oxuyuram.

- Futbolun dərsinə mane olmur?

- Yox, hələlik mane olmur. Gələcəkdə universitetə hazırlaşanda əlavə hazırlıqlara gedəcəm, ola bilsin ki, onda mane ola bilər.

- Dərs yaxşıdır, yoxsa futbol?

- Mənə görə futbol.

- Nə üçün?

- Çünki futbolu daha çox sevirəm, dərslə aram yoxdur.

- Ağır məşqləri dərs oxumaqdan üstün sayırsan?

- Hə, futbola olan marağım sonsuzdur.

- Gələcəkdə hansı komandada oynamaq istəyirsən?

- Elə “Bakı”da qalmaq istəyirəm.

- Xarici klublardan?

- Xarici ölkələrdən İtaliya, İspaniya, İngiltərə çempionatlarında oynamaq hər bir futbolçu kimi mənim də arzumdur. Onda özümü əsil futbolçu sayaram.

- Milli komanda arzuların necədir?

- Mən də hamı kimi millidə oynamağı arzu edirəm.

- Ailən sənə çox dəstək olur futbolda?

- Hə, hər cür kömək edirlər mənə.

- Sən “Bakı”dan “Atletiko”ya gedəcək uşaqlar arasındasan, elədir?

- Düzdür. İnşallah bu mövsümün sonunda gedəcəyik.

- Səni seçdilər, yoxsa özün istədin?

- Seçdilər.

- “Barselona” olsa, necə olardı?

- Əlbəttə, “Atletiko”ya yox, “Barselona”ya getsəm əla olardı. İndi ora gedirik də, neyləyək.

- “Atletiko”da sevdiyin futbolçu var?

- Hə, Radamel Falkao xoşuma gəlir. Çox yaxşı hücumçudur.

- Bəs Arda Turan?

- O da xoşuma gəlir, yaxşı oyunçudur, amma Falkao daha yaxşıdır.

- Tutaq ki, getdin “Atletiko”ya. Bu səfər sənə nə qazandıracaq?

- Orada böyük təcrübə qazanacam. Çünki onlarda futbol bizimkindən həm fərqli, həm də üstündür.

- Səni futboldan nə ayıra bilər?

- Heç nə.

- Birdən sevdiyin qız futbolçu olmağına etiraz etsə?

- Onu razı salaram, amma futbolu atmaram.

- Qızı atarsan?

- Yox, bir çarə taparam da.

- Birdən qız razılaşmadı?

- Onda sevdiyim qızı yola salaram, amma heç vaxt futboldan əl çəkmərəm.

Moyesin oğlu onunla bərabər çalışacaq	Rahilin komandası səfərdə qalib gəldi	Azərbaycanın 4 boksçusu Avropa birinciliyinə qələbə ilə başladı
Fransa klubu NBA-dan oyunçu gətirdi	PSJ Verrattini satır	"Turan Tovuz" "Adana Demirspor"a məğlub oldu
Şeydayevin "Buriram Yunayted" nə vaxt debüt edəcəyi dəqiqləşdi	Azərbaycan klubu İngiltərə yığmasının sabiq üzvü ilə anlaşdı	Lənkəranda yeni komanda yaradıldı- Federasiyanın dəstəyi ilə
Millimiz Litvaya qarşı	Millimizin qapıçısı komandasında qaldı	"Neftçi" Niderland millisini məğlub etdi

		O	Q	H	M	T-f	X

1.	Neftçi	28	18	5	5	47-25	59
2.	Qarabağ	28	16	9	3	64-18	57
3.	Sumqayıt	28	10	9	9	30-31	39
4.	Zirə	28	8	14	6	28-28	38
5.	Sabah	28	7	8	13	28-39	29
6.	Keşlə	28	5	11	12	25-40	26
7.	Qəbələ	28	5	11	12	23-44	26
8.	Səbail	28	5	9	14	21-42	24

08.05	Səbail	---	Neftçi
08.05	Keşlə	---	Sumqayıt
09.05	Zirə	---	Qəbələ
09.05	Sabah	---	Qarabağ

14.05	Sumqayıt	-	Neftçi
14.05	Qarabağ	-	Keşlə
14.05	Qəbələ	-	Sabah
14.05	Zirə	-	Səbail

“Sevdiyim qızı ataram, amma heç vaxt futboldan əl çəkmərəm” Müsahibə

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023