"Neftçi" iki əsas futbolçusundan məhrum oldu

Premyer Liqanın dördüncü turundan təxirə salınmış oyunda səfərdə AZAL-a 1:2 hesabıyla qalib gələn "Neftçi"yə bu qələbə çox baha başa gəldi.  Stadium.az xəbər verir ki, Nikolas Kanalesin dubl etdiyi oyunda paytaxt klubu qələbə qazanaraq "altılıq"da olacağını rəsmiləşdirdi. Bunun qarşılığında isə iki əsas futbolçusunu itirdi. Qarşılaşmanın 22-ci dəqiqəsində zədələnərək məcburən yerini Elvin Yunuszadəyə verən müdafiəçi Tərlan Quleyin zədəsi olduqca ciddidir. Bu barədə əməkdaşımıza "Neftçi" klubunun Mətbuat və İctimaiyyətlə Əlaqələr Departamentinin rəhbəri Gündüz Abbaszadə məlumat verib. Abbaszadə bildirib ki, Tərlanın ayaq bağlarından ciddi zədəsi var və onun hansı müddətə sıradan çıxmasına həkim müayinəsindən sonra aydınlıq gələcək.