Yeni transferlər ilk sınaqdan necə çıxdılar? ARAŞDIRMA
Ötən həftə Topaz Premyer Liqasında 49 günlük fasilə başa çatdı. Yeni ildə keçirilən ilk turda komandaların fasilədən hansı dərəcədə yararlandıqları üzə çıxdı. Qış fasiləsi zamanı bütün klublar heyətini gücləndirməyə çalışdı. Kimisi 6-7 oyunçunu birdən heyətinə qatdığı halda, kimisi də cəmi 1-2 keçidlə kifayətləndi. Bəs, yenilər komandaları üçün nə dərəcədə faydalıdırlar? 1 oyuna görə hansısa oyunçuya qiymət verib, onun keçidinin uğurlu alınıb-alınmamasını qəti şəkildə söyləmək çətindir. Bu səbəbdən də bu dəfə bizim əvəzimizə rəqəmlər danışacaq. Görəsən, yeni gələn oyunçular ilk turda hansı nəticəyə imza atıblar?
“İNTER”: AZ OLSUN, SAZ OLSUN
Başlayaq
çempionatın lideri olan “İnter”dən. “Bankirlər” 19-cu tur start götürənə kimi cəmi
1 futbolçunu rəsmən heyətinə qatmışdı ki, bu da Yuri Fomenkodur. Düzdür, “bankirlər”in
təkcə sabiq “Kəpəz”lini deyil, eyni zamanda daha bir braziliyalı forvardı – Robertinyonu
heyətinə qatdığı bəllidi. Lakin ilk turda həmin futbolçunun adına nə PFL-in rəsmi
saytında, nə də “Xəzər Lənkəran”la oyunun protokolunda rast gəldik. Görünür, Robertinyonun
transfer vərəqi hələ ki gəlib çıxmayıb. Fomenkoya qayıdaraq qeyd edək ki, baş məşqçi
Kaxaber Tsxadadze ukraynlı forvarda çətin Lənkəran səfərində ilk dəqiqələrdən şans
verdi. O da işinin öhdəsindən pis gəlmədi. Qol vurmasa da, Fomenko oğul Tsxadadzenin
fərqləndiyi epizodda məhsuldar ötürmə ilə yadda qaldı.
2 OYUNÇU ÜÇÜN 5 DƏQİQƏ
“Simurq”
klubu da fasilədə heyətinə az əl gəzdirən klublardan biri oldu. Zaqatala klubu cəmi
2 futbolçu ilə heyətini gücləndirdi. Komanda Bəxtiyar Soltanov və Tomislav Buşiçi
heyətinə qatdı. AZAL-a qarşı keçirilən səfər matçında “Simurq”un baş məşqçisi Goergi
Çixradze yeni transferlərdən heç birinə start heyətində şans vermədi. Hər iki futbolçu
ehtiyat oyumçular skamyasında matça başladı. Sona yaxın (85-ci dəqiqədə) Busiç meydana
daxil olsa da, Soltanov elə sonadək matçı kənardan izlədi.
YALNIZ SUBAŞİÇ “FƏRQLƏNDİ”
Fasilə dövründə
“Qarabağ” heyətini 4 futbolçu ilə gücləndirdi. Lakin Elvin Musazadə, Kristian Torres,
Branimir Subaşiç və Reynaldo dos Santosdan yalnız sonuncu ikisinin komandanı gücləndirə
biləcəyi əvvəldən də məlum idi. Elə bu səbəbdəndir ki, Ağdam klubunun baş məşqçisi
Qurban Qurbanov ilk matçda 4 futbolçudan yalnız Subaşiçin adını oyunun protokoluna
daxil etmişdi. “Banya” da “Qəbələ” ilə oyunda yalnız 78-ci dəqiqədə meydana daxil
oldu. Digər transfer Elvin Musazadə isə əvəzedici komandanın heyətində meydana çıxıb.
“NEFTÇİ” YENİLƏRƏ EHTİYAC DUYMUR?
Son iki ilin
dəyişməz çempionu “Neftçi” heyətini 3 futbolçu ilə gücləndirdi ki, onlardan da Denis
Silvanı komandaya yad futbolçu hesab etmək olmaz. Braziliyalı son iki ildə komanda
ilə birgə qızıl medallara sahib çıxıb. Yenilərin mövzusuna qayıdaraq, qeyd edək
ki, baş məşqçi Böyükağa Hacıyev qışda komandaya cəlb olunan yeni futbolçuların heç
birinə ilk oyunda şans vermədi. Hər 3 oyunçu “Kəpəz”lə matçı əvvəldən sonadək ehtiyat
oyunçular skamyasından izlədi.
MƏMMƏDOV BÜTÜN DEBÜTANTLARA ŞANS VERDİ
Qışda heyətinə
xeyli sayda futbolçu cəlb edən komandalardan biri də “Qəbələ” oldu. Ramiz Məmmədovun
komandası fasilədə 5-i əcnəbi olmaqla 7 futbolçuyla gücləndi. Özü də Məmmədov ilk
oyundaca yeni futbolçuların hamısına şans verdi. 5 futbolçu – Jinko, Pulhak, Dabo,
Emeqara və Amit Quluzadə meydana start heyətində çıxdığı halda, Valentiçlə Ceyhun
Sultanov oyuna sonradan qoşuldular. Yeni transferlərdən Jinko özünü ilk oyundaca
göstərməyi bacardı. Sloveniyalı hücumçu debütunu qolla, eləcə də sarı vərəqə ilə
qeyd etdi.
İSPANLARIN FİASKOSU
“Xəzər Lənkəran”
fasilədə heyətini 5 yeni futbolçuyla gücləndirdi. Klub rəhbərliyi baş məşqçi Karles
Bakesin istədiyi bütün oyunçuları heyətə cəlb etmək üçün bütün gücünü sərf etdi.
Lakin ispan mütəxəssisin heyətə cəlb etdiyi həmyerliləri ilk turda onun başını aşağı
etdilər. Qapıçı Doblasla, müdafiəçi Linares həddindən artıq bərbad çıxışla yadda
qaldılar. Orsuliçin gücünə gələn oyunlarda qiymət vermək daha düzgün olardı. Gənc
Uğur Pamuk isə debüt matçındaca fərqlənməyi bacardı. Türkiyəli Gökhan Güleç isə
ilk matçını əvvəldən sonadək ehtiyat oyunçular skamyasından izlədi.
AZAL “KÖHNƏ QVARDİYA”YA GÜVƏNİR
Topaz Premyer
Liqasında 19-cu tur start götürənə kimi AZAL iki futbolçunun adını sifariş ərizəsinə
daxil etmişdi. Düzdür, “təyyarəçilər” daha 2 futbolçu ilə anlaşıblar. Lakin həmin
futbolçuların transfer vərəqi gəlib çıxmadığından “Simurq”a qarşı matçda iştirak
edə bilmədilər. Digər iki oyunçu isə Saşa Yunisoğlu ilə Habil Nurəhmədovdu. Nurəhmədovun
adı “Simurq”la matçın “18-liy”inə daxil edilmədi. Yunisoğlu isə əvvəldən sonadək
ehtiyatda qaldı.
“BAKI”NI DEBÜTANT XİLAS ETDİ
Fasilədə
heyətinə ən çox oyunçu cəlb edən klublardan biri də “Bakı” oldu. Baş məşqçi Bojidar
Bandoviçin istəyinə uyğun olaraq klub rəhbərliyi bir neçə futbolçunu heyətə qatdı.
Xüsusən də yerli futbolçulardan Aqil Nəbiyev, Kamran Ağayev və Rauf Əliyevin transferi
iddialı görünürdü. Bura “Qalatasaray”da oynamış Elması, rumın Penanı da əlavə etsək,
o zaman “zolaqlılar”ın xeyli gücləndiyini görünür. Lakin “Bakı” fasilədən sonra
ilk turdaca büdrədi. “Sumqayıt”a qarşı baş tutan görüşdə Bandoviç yenilərdən Aqil,
Rauf, Rubio və Penaya start heyətində, Elmasa isə ehtiyat oyunçular skamyasında
şans vermişdi. Yeni transferlərdən yalnız rumın forvard özünü yaxşı tərəfdən göstərməyi
bacardı. Məhz Penanın qolu “Bakı”nı biabırçılıqdan xilas etdi. Rauf Əliyev daha
çox boş yerə ora-bura qaçmaqla yadda qaldığı halda, Aqil Nəbiyev aldığı qırmızı
vərəqə ilə debütunu korladı.
RAAB YALNIZ HÜSEYNPURA GÜVƏNDİ
“Sumqayıt”
fasilədə heyətini 4 futbolçu ilə gücləndirdi. Baş məşqçi Bernaard Raab yenilərdən
Mirzağa Hüseynpura “Bakı” ilə matçda start heyətində, Can Akgünə isə son 26 dəqiqədə
şans verdi. Komandaya cəlb olunan digər iki futbolçu – Tərlan Əhmədli (qapıçı) və
Eldar Cankişiyev (yarımmüdafiəçi) isə matçı kənardan izlədilər.
“RƏVAN”IN YENİ TRANSFERLƏRİNDƏN ƏLA START
2013-cü ilə
yaxşı start verən klublardan biri də “Rəvan” oldu. Komanda “Turan”ı məğlub etməklə
uzunmüddətli qələbəsizlik seriyasına son qoydu. “Rəvan”ın bu uğurunda isə, şübhəsiz
yeni futbolçuların böyük rolu oldu. “Turan”la görüşdə komandaya qələbə gətirən hər
iki qolu debütantlar vurdu. Söhbət Miloş Adamoviçlə Mindauqas Kalonasdan gedir.
Maraqlıdır ki, hər iki qolu xüsusi fərqləndirmək olar. Çünki Adamoviçin zərbəsi
möhtəşəm alınmışdısa, litvalı hücumçu meydanda daxil olduqdan bir neçə saniyə sonra
fərqləndi. Baş məşqçi Ramil Əliyev Adamoviçlə yanaşı start heyətində komandaya qışda
cəlb olunan futbolçulardan Nodar Məmmədovla Ramazan Abbasova güvənmişdi. Bayaq da
qeyd etdiyimiz kimi, Kalonas fasilədən sonra meydana daxil olduğu halda, Ramil Həşimzadə
ilə Emin Mustafayevin adı “Turan”la oyunun protokoluna daxil edilməmişdi.
TALIBOV 5 DEBÜTANTI SINADI
İlk dövrədə
elə də pis təsir bağışlamayan “Turan” fasilədə heyətinə 9 yeni futbolçu qatdı. Baş
məşqçi Əfqan Talıbov yenilərdən Kamal Bayramov, Anatoli Stukalov, Dmitro Pospelov
və Elşad Manafova “Rəvan”la görüşdə ilk “11-lik”də, David Janelidzeyə isə ikinci
yarıda şans tanıdı. Yaroslav Suxanovla Vüqar Bəybalayev matçı əvvəldən sonadək ehtiyat
oyunçular skamyasından izlədi.
YENİLƏR DƏ “KƏPƏZ”İN DƏRDİNƏ DƏRMAN OLMADI
Turnir cədvəlinin
“zirzəmi”sində qərarlaşan “Kəpəz” vəziyyəti düzəltmək üçün fasilədə heyətinə 11
futbolçu qatdı. Amma “Neftçi”yə qarşı baş tutan oyun gələcəyə nikbin baxmağa əsas
vermədi. Düzdür, komanda bacardığı qədər vuruşdu. Lakin anlaşmanın istənilən səviyyədə
olmaması yeni transferlərin də “Kəpəz”in dərdinə dərman olmayacağını göstərir. Ümumilikdə
baş məşqçi Mahmud Qurbanov çempiona qarşı oyunda yenilərdən Cəmşid Məhərrəmov, Samir
Hüseynli, Məhərrəm Müslümzadə, Pirkuli Saparov, Rahimberdı Baltiyev və Vladislav
Serebryakova ilk dəqiqələrdən şans tanıdı. Elgiz Kərəmli oyuna ikinci hissədə qoşulduğu
halda, Ramil Kərimov, Mətləb Məmmədov və Zaur Əsədov qarşılaşmanı sonadək ehtiyat
oyunçular skamyasından izlədi. Fərid
Quliyevin
adı
matçın
protokoluna
daxil
edilməmişdi.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |