Ramiz Məmmədov: "Həmin məğlubiyyəti uzun illər unutmayacağıq" Müsahibə
"Qəbələ"nin baş məşqçisi Ramiz Məmmədov Futbolxeber.az saytına müsahibə verib. Stadium.az həmin müsahibəni təqdim edir:
- Artıq bir neçə gündür ki, komandanız məşqlərə
başlayıb. Hazırlıq prosesi necə keçir?
- Ayın
19-dan etibarən məşqlərə başlamışıq. Bildiyiniz kimi, 5 futbolçumuz milli
komandaların düşərgəsinə yollanıb. Onların yoxluğunda məşqlərimizi davam
etdiririk. Bu fasilə bir qədər də xeyrimizə oldu. Çünki bu müddət ərzində zədəli
futbolçularımız bərpa olunub, sıraya dönüblər. Gündə 2 dəfə, normal şəkildə məşqlərimizi
edir, bayram əhval-ruhiyyəsində qarşıdakı oyunlara hazırlaşırıq.
- Özünüz də qeyd etdiniz ki, 5 futbolçunuz müxtəlif
milli komandaların düşərgəsinə yollanıblar. Həmin oyunçuların hazırda hazırlıq
prosesindən kənarda qalmaları qarşıdakı oyunlarda çıxışınıza mənfi təsir göstərə
bilərmi?
- Təbii
ki, hər bir məşqçi istər ki, tam heyətlə məşq keçsin, bütün futbolçuları əlinin
altında olsun. Yığmamız da hazırlığa bir qədər erkən başlamışdı. Yəni, komandanı
əvvəldən yığmışdılar. Əlimizdən nə gəlir ki? Dözməliyik. Amma bu haqda
narazılıq etməyimiz yersizdi. Çünki hər birimiz Azərbaycan futbolunun inkişafı
üçün çalışırıq. Bizim əsas məqsədimiz də odur ki, milli komandamız daha da
inkişaf edib, yaxşı nəticələr qazansın.
- Dejan Kelharı əvəzedici heyətə göndərdiyiniz
doğrudur?
- Bəli,
Kelharı əvəzedici heyətə göndərmişəm. Son turda zəif çıxış etdiyinə görə bu qərarı
qəbul etdim. İndi o əvəzedici heyətdə məşq edir.
- Kelharı hansı müddətə əsas komandadan kənarlaşdırmısınız?
- İndidən
bu haqda dəqiq bir söz deyə bilmərəm. Onun komandaya qayıdıb-qayıtmayacağına
sonra baxacağıq.
- Son turlar "Qəbələ" uğursuzluğa düçar
oldu. Ardıcıl 2 yenilginin səbəbini nədə görürsünüz?
-
Millinin oyunları ilə əlaqədar olaraq çox sıx qrafikdə oynadıq. 3-4 gündən bir
vacib oyunlara çıxdıq. Eyni zamanda əsas problemimiz qol epizodlarından
faydalana bilməməyimizdir. Hər oyun ən azı 5-6 qol epizodu yaxalasaq da, bundan
faydalana bilmirik.
- Qarşıda komandanızı "Qarabağ"la çətin oyun
gözləyir. Yəqin ki, qarşıdakı oyunda uğursuzluğa son qoymaqla yanaşı, həm də
kubokdakı yenilginin əvəzini çıxmağa çalışacaqsınız?
-
"Qarabağ"la oyuna çox ciddi şəkildə hazırlaşırıq. "Qarabağ"
çox güclü komandadır. Bizə qarşı da yaxşı oynanıyırlar. Amma bizim artıq geriyə
yolumuz yoxdur. Bu oyunda uğursuzluğa son qoymalıyıq. Kubokda bəxtimiz gətirmədi.
Ev oyununda qapımızda qol buraxıb, qələbəni əldən verdik. Səfər oyununda isə rəqibdən
daha yaxşı oynadıq, daha çox hücum etdik, lakin heç cür son nöqtəni qoya bilmədik.
- Təsnifat mərhələsinin son turunda komandanız gözlənilmədən
AZAL-a böyükhesabla uduzdu. Ola bilərmi ki, komanda hələ də 1:6-lıq yenilginin
şokunu üzərindən atmayıb?
- Nə qədər
desəm ki, həmin oyunu unutmuşuq, yalan olar. AZAL-la oyundan sonra əlimizdən gələni
etdik ki, komandanı psixoloji gərginlikdən çıxaraq. "Qarabağ"a qarşı
keçirdiyimiz oyun da göstərdi ki, müəyyən dərəcədə buna nail olmuşuq. Həmin gün
komanda haradasa 60-70 faiz yenilgini unutmuşdu. İndinin özündə də uşaqlarla
söhbət edəndə bildirirəm ki, o məğlubiyyət artıq keçmişdə qaldı. İndi nəyisə dəyişə
bilmərik. İrəliyə baxıb, gələcəyi düşünməliyik. Amma klubda çalışan hər kəs, eləcə
də biz məşqçilər həmin məğlubiyyəti uzun illər unuda bilməyəcəyik. İstəsək də,
bu, mümkün deyil.
- Dünən milli komandamız Lüksemburqla səfərdə
qolsuz heç-heçə etdi. Bu oyun haqda da fikirlərinizi bilmək maraqlı olardı.
- İlk növbədə komandanı təbrik edirəm, səfərdə 1 xal qazandıq. Təbii ki, hər kəs istərdi ki, millimiz vətənə qələbə ilə dönsün. Məncə, millimiz Lüksemburqu məğlub etməliydi. Dünən reytinqdə bizdən aşağıda olan komandaların əksəri məğlub oldu. Biz də qələbə qazansaydıq, yaxşı olardı. Lakin qələbə qazana bilməməyimizə baxmayaraq, düşünmürəm ki, uşaqlar pis oynadılar. Onlar Foqtsun verdiyi tapşırıqları yerinə yetirdilər. Qarşıda bizi Portuqaliya ilə çətin oyun gözləyir. Ümid edirəm ki, həmin oyunda komandamız uğur qazanacaq. Öz növbəmdə milli komandaya Portuqaliya ilə oyunda uğurlar arzulayıram.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |