Ruslan Abışov: "Xəzər Lənkəran" məni buraxmaq istəmirdi" Müsahibə
Milli komandamızın müdafiəçisi,
Rusiyanın "Rubin" klubunun formasını geyən Ruslan Abışov Kazan təmsilçisinin
rəsmi saytına müsahibə verib. Stadium.az xəbər verir ki, Abışov müsahibəsində
karyerasından, uşaqlığından, qazandığı uğurlardan danışıb.
- Bakıda doğulmuşam və orda da boya-başa
çatmışam. Böyük qardaşlarımla birgə yerli idman məktəbində məşq etmişəm. Ancaq
peşəkar futbola yalnız mən gəlmişəm. Valideynlərimin verdiyi tərbiyə hazırda mənə
çox kömək edir. Böyüklərə hörmət, məsuliyyət, əməksevərlik, özünü apara bilmək
– bunların hamısı ailə bazasından irəli gəlir.
- Bu keyfiyyətlərinə görə yekunda doğma “Neftçi”ndə çıxış etdin?
- Eynilə. Ancaq “Neftçi”nin əsas heyətinə yol mənim üçün birbaşa olmadı. Əvvəlcə
gücümü Türkiyədə sınadım. Qardaşlarımdan biri məni Bakı klubunun futbol bölməsinə
gətirdi. Hücumameylli oyunçu funksiyasında sol cinah müdafiəçisi kimi çıxış etməyə
başladım. Tez-tez irəliyə cinahla qoşulurdum, sol ayağımla yaxşı oynayırdım.
Daha sonra müdafiənin mərkəzində oynadım. Ancaq indi mənim sevimli mövqeyim
dayaq yarımmüdafiəsidir. Uşaq yaşlarımdan “Neftçi”nin əfsanələrini izləmək və
onlarla ünsiyyət qurmaq imkanım olub. Buna qədər İsgəndər Cavadov və Mircəlal
Qasımovla görüşmüşəm. Mən uşaq olarkən Nazim Süleymanov Türkiyə çempionatında
oynayırdı (əslində isə Süleymanov Rusiyada oynayıb - red.).
- Niyə nəticədə Türkiyədən evə qayıtdın?
- Hazırda birinci dəstədə çıxış edən “Dənizlispor”da bir neçə ay keçirdim. İş
burasında idi ki, Türkiyədə gənc oyunçuların peşəkar futbol komandasında
oynaması üçün yerli vətəndaşlığı olmalıydı. Məhz bu üzdən vətənə qayıtmalı
oldum. 14 yaşımda qərar verdim ki, futbol həyatımda əsas yeri tutacaq. 17
yaşında “Neftçi”nin əvəzedici komandasında çıxış edirdim. Artıq 18-dən 24 yaşa
kimi isə əsas komandada oynadım.
- Bakıda olanda yeniyetmə yaşında çempionluğun ləzzətini hiss etdin...
- Bəli, 2 dəfə “Neftçi”nin heyətində Azərbaycan çempionu oldum. Ancaq bu yolun
başlanğıcı çox ağır oldu. Məşqçiləri tez-tez dəyişirdilər. Həmin illərdə mən 9
çalışdırıcının rəhbərliyi altında oynadım! Sonra kluba yeni prezident rəhbərlik
etməyə başladı, idarəçilik dəyişdirildi, başqa baş məşqçini gətirdilər və beləcə
üzərimizdən qara buludlar çəkildi. “Neftçi”də çıxış etdiyim 3 il ərzində biz 2
titul qazandıq.
- Matçlardan hansını xüsusilə xatırlayırsan?
- Çempionlar Liqasının təsnifat mərhələsində Zaqreb “Dinamo”suna qarşı oyun
maraqlı alınmışdı. Təəssüf ki, bizə növbəti mərhələyə keçmək qismət olmadı.
Amma bizə ən güclü zərbə digər məğlubiyyət oldu. Belə ki, buna qədər Azərbaycan
Kubokunun finalında məğlub olmuşduq. Bu, bizim ikinci çempionluğu qeyd etdikdən
sonra aldığımız acınacaqlı məğlubiyyət idi. Mən şokda idim və elə narahat
olmuşdum ki, uğursuzluğu başımdan çıxara bilmirdim. Zəfərə yaxın idik, ancaq
kuboku başımız üzərinə qaldırmaq bizə qismət olmadı.
- Ola bilərmi ki, həmin məğlubiyyət sənin “Neftçi”dən getmək, daha sonra isə
Rusiyaya gəlmək qərarına təsir edib?
- Mən Bakıdan Lənkərana getmişəm. Hansı ki son illərdə həmin şəhərdə iddialı
klub və məşq prosesi üçün əla şərait var. Ancaq uşaq yaşlarımdan televizordan
Rusiya çempionatına baxmışam və burda oynamağı arzulamışam. Hələ ötən ilin
yayında mən Kazan komandası ilə birgə toplanış keçmişdim, ancaq onda “Xəzər Lənkəran”
məni buraxmaq istəməmişdi. Onlar Kazana getməyimə qadağa qoymuşdu. Mənim üçün
ikiqat o ağır oldu ki, payızda Avropa Liqasında “Rubin” və “Neftçi” bir qrupda
mübarizə aparırdı. “Rubin”ə yayda keçmiş olsaydım, sabiq klubuma qarşı oynaya
biləcəkdim! Mənə yalnız televizordan bu maraqlı görüşləri izləmək qalırdı.
- Bu illərdə sənin uşaqlıq arzun yerinə yetdi və sən Rusiya çempionatında
oynayırsan. Düzdür, debütünü asan adlandırmaq olmaz...
- “Amkar”a qarşı matç çətin keçdi. Başlanğıcda biz yaxşı oynayırdıq, qələbəyə
yaxın idik. Ancaq sonda oyunumuz pozuldu. Debüt üçün yaxşı matç deyildi. Ancaq
ümid edirəm ki, inkişaf edəcəm və “Rubin”ə daha böyük xeyirlər verəcəm.
- Meydana çıxdıqdan sonra Rusiya futbolu haqda nə deyə bilərsən?
- Əlbəttə, kənardan oyunu qiymətləndirməklə meydandan oyunu dəyərləndirmək
arasında böyük fərqlər var. Öz təcrübəmə əsasən əmin oldum ki, Rusiya
çempionatı əla inkişaf edir və yüksək səviyyədədir. İndi mən istəyirəm ki,
Rusiyada əlimdən gələni edim ki, burda ən yaxşı futbolumu göstərim.
- “Rubin” tezliklə yeni gözəl stadionunda oynayacaq.
- Bəli, mən televizor və fotolar vasitəsilə yeni “Kazan-Arena”nı görmüşəm. Mərkəzi
stadion tezliklə keçmişdə qalacaq. İstərdik ki, artıq yeni mövsümdə yeni rahat
arenamıza köçək.
- Ümumiyyətlə, Kazana necə uyğunlaşdız?
- Şəhər çox xoşuma gəlir. Hərçənd indi burda tikililər üzündən çoxlu tıxaca
rast gəlmək olar. Ancaq iyulda Universiada ilə əlaqədar olan inşaat işləri
tezliklə başa çatacaq və Kazanda sakitçilik olacaq. Ümumiyyətlə, Tatarıstan
paytaxtında idmançıya yaşamaq rahatdır. Yeni idman obyektlərində isə beynəlxalq
yarışları və Rusiya yığmasının matçlarını qəbul etmək olar.
- Yeri gəlmişkən, Rusiya və Azərbaycan yığmaları dünya çempionatının seçmə mərhələsində
bir qrupa düşüb.
- Qrupumuz çox güclüdür və Rusiya millisi hazırda aşkar favoritdir. Fikrimcə,
ruslar irlandları səfərdə məğlub edəcək. Ancaq onlara Portuqaliyada çətin
olacaq. Fikrimcə, rusları ən çətin matç Azərbaycanda gözləyir. Yadınızdadırsa,
bir neçə il öncə yığmalarımız Bakıda oynadı və həmin vaxt 1:1 hesabı qeydə
alındı.
- Azərbaycan yığmasında artıq bir neçə ildir ki, Berti Foqtsun rəhbərliyi
altında oynayırsız. Ölkənin əsas komandasında debütün və alman mütəxəssisin işi
haqda danışardın.
- Hazırda yığmada 32 oyunum var, debütüm isə 2009-cu ildə Finlandiyaya qarşı
olub. Gənc futbolçunun inkişafı üçün belə beynəlxalq təcrübə çox lazımdır. Axı
mən digər ölkələrdə yeni stadionlar, yüksək səviyyəli futbolçular və azarkeşlər
görmüşəm. Bütün bunlar dünya görünüşümü artırdı və mənə inkişaf etməyə imkan
verdi. Top yığmalarla matçlar isə mənə lazımi təcrübə qazandırdı. Baş məşqçi mənəbir
neçə dəfə kapitan sarğısını etibar etdi. Berti Foqts yığmamızı yeni səviyyəyə
çıxartdı. Alman mütəxəssis bizə daha çox öz üzərimizdə fərdi qaydada işləməyi,
güclü çempionatlarda oynamağı tövsiyə edir. Foqts hesab edir ki, yığma
legionerlərin və onların beynəlxalq təcrübəsi hesabına inkişaf edə bilər. Mən də
sonda onun məsləhətinə qulaq asaraq Rusiyada çıxış etməyə yollandım.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |