Admir Teli: "Çətinlik çəkdiyim oyunçu yoxdur" Müsahibə

17.06.2013 | 4378 dəfə oxunub

"Qarabağ"ın müdafiəçisi Admir Teli “İmarət” fanklubunun Facebook səhifəsinə müsahibə verib. Stadium.az həmin müsahibəni edir:

- Admir, geridə qalan mövsüm barədə nə deyə bilərsən?
- Daha yaxşı oynaya bilərdik. Düşünürəm ki, mövsümün ikinci yarısında oyunumuz yaxşı alındı. Belə fikirləşəndə, mövsüm uğurlu bir çıxış kimi yadımda qalıb.

- Sən klubda əsas müdafiəçisən. Son oyunlar oynamadığın üçün çempionluq yarışında zəiflədik. Sən də düşünürsənmi ki, əvəzedənin yoxdur?
- Xeyr, heç belə fikrim olmayıb. Biz yaxşı komandayıq. Yaxşı komandada da əvəzedici yaxşı olmalıdır. Fikrimcə, digər oyunçularımız da layiqli performans sərgilədi.

- Son mövsümdə sənin üçün ən çətin hücumçu kim oldu?
- Mənim üçün qarşısında xüsusən çətinlik çəkdiyim oyunçu yoxdur. Ancaq “Qəbələ”yə qarşı oyunlarda daha çox çətinlik çəkmişəm. Bu da onların oyunçularının fiziki cəhətdən yüksək səviyyədə olmaları ilə bağlı idi.

- Komandadan bu il 8-9 oyunçu getdi. Səncə, hansı futbolçu daha yaxşı idi?
- Hamısının komandaya köməkliyi oldu. Mənim bu barədə fikrim önəmli deyil. Əsas olan baş məşqçimizin seçimi idi ki, o da seçimini edib.

- Avroliqaya ötən mövsümlərə nisbətən zəif heyətlə getdiyinizi düşünürsənmi?
- Komandanın o vaxta nisbətən daha zəif və ya daha güclü olduğunu deyə bilmərəm. Ancaq onda daha sıx bir yerdə olurduq. İndi gəlib-gedənlər çoxdur. Münasibətlərin istiləşməyi bir az vaxt aparır.

- Ev oyunlarını Ağdamda oynamaq məsələsinə necə baxırsan?
- Azarkeşlərimizin qarşısında oynamaq əla idi. Rəqib komandalara da basqı olurdu. Ancaq bundan əvvəl bizim hazırlıqlarımız var idi. Bütün çempionat oyunlarını şəraitsiz yerdə keçirmək bizə çətin olurdu.

- Sonda azarkeşlərə sözün varmı?
- Biz istəyərik ki, azarkeşlərimiz daha çox olsun. Buna görə onları stadionlara səsləyirəm.
 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

19.01.2020

12:00  Günün oyunlarına necə baxaq? - TV AFİŞA

01:03  "Real" - "Seviliya" - 2:1 VİDEO

18.01.2020

11:24  Günün oyunlarına necə baxaq? - TV AFİŞA

17.01.2020

10:43  Günün oyunlarına necə baxaq? - TV AFİŞA

16.01.2020

03:18  "Monako" - PSJ - 1:4 VİDEO

02:07  "Milan" - "Spal" - 3:0 VİDEO

15.01.2020

14.01.2020

   
  O Q H M T-f X
1. Qarabağ 14 9 4 1 24-7 30  
2. Keşlə 14 6 5 2 18-12 23  
3. Neftçi 13 6 4 3 20-11 22  
4. Sumqayıt 13 5 2 6 17-19 17  
5. Zirə 13 3 5 5 14-21 14  
6. Sabah 13 3 4 6 14-16 13  
7. Səbail 13 3 3 7 9-20 12  
8. Qəbələ 13 3 3 7 13-23 12  
08.12Sabah ---Neftçi
08.12Zirə ---Səbail
08.12Sumqayıt ---Qəbələ
06.12Qarabağ 2-2Keşlə
01.02Zirə -Sabah
01.02Neftçi -Sumqayıt
02.02Səbail -Qarabağ
02.02Qəbələ -Keşlə