"Ola bilsin, "Rəvan”dakı futbolçularla hələ bir-birimizi tam başa düşmürük"

03.08.2013 | 3397 dəfə oxunub

"Bildiyiniz kimi, elə bu yay "Bakı”ya keçmişdim. Amma Avstriyaya toplanışından sonra baş məşqçi ilə hərtərəfli söhbətimiz oldu. Çox futbolçu transfer etdiyini dedi və "sənin kimi futbolçunu ehtiyatda saxlaya bilmərəm. Ya ehtiyatda qalıb şansını gözləməlisən, ya da başqa kluba keçməlisən” söylədi. Mən də ikincini seçdim". Stadium.az xəbər verir ki, bu sözləri "Bakı"nı "Rəvan"a dəyişən Rəşad Abdullayev deyib.

Yeni klubunun rəsmi saytına müsahibə verən təcrübəli futbolçu "Rəvan"a keçidi haqda bunları deyib: "Elə oldu ki, "Rəvan”la söhbətimiz və razılaşmamız baş tutdu. "Rəvan”la danışıb, karyeramı burda davam etdirmək qərarına gəldim. Karyeramda özüm üçün yeni səhifə açdım. Çünki mən həmişə oynamış futbolçu olmuşam. "Rəvan” Bakını təmsil etdiyindən bura keçməyi üstün tutdum. Həm də baxdım ki, bu komandanın perspektivi var, onların şərtləri də məni qane etdi. Komandanın heyətinə baxmışam, yaxşı uşaqlar var. Perspektiv gördüm deyə bura gəldim”.

Abdullayev mövsümün sonunda "Rəvan”da qalmaq variantına da toxundu: "Çempionat uzun olacaq. Çalışacağam ki, burada özümü yaxşı tərəfdən göstərim və hamıya həmin Rəşadın ölmədiyini göstərim. Hələ 31 yaşım var. Özümdə 35 yaşa qədər oynamağa güc hiss edirəm. Bütün təcrübəmi ortaya qoyacam. Mən çox komanda dəyişən futbolçu deyiləm. Mövsüm mənim üçün uğurlu olsa, nəyə görə də "Rəvan”da qalmayım?! Hər şeyi zaman göstərəcək. İşlərim yaxşı getsə, hər şey məni qane elesə, burda qalaram”.

"27” nömrə "Rəvan”ın iddiaları haqda da danışdı: "Rəvan” cari mövsüm ən yüksək yerlər uğrunda oynayacaq. Rəhbərliklə söhbətimiz zamanı da hər şeyin ciddi olduğunu hiss etdim. Məqsəd məncə, ilk "5-liy”ə düşməkdir. Amma bunun üçün startdan uğurlu başlamaq lazımdır. Lap elə "Simurq” ilə oyundan. Onlar keçən il sürpriz elədi, əsas iddiaçıların başı avrokuboklara qarışdığından zaqatalalılar hamını təəccübləndirdi. Sonradan da ilk "6-lığ”a düşdülər. Belə uğura "Rəvan" da imza ata bilər. Sadəcə, özünəinamı artırmaq və bir az soyuqqanlı olmaq lazımdır”.

Sonda Rəşad elə ilk turdan oynamağa hazır olduğunu söylədi: "Bakı” ilə hazırlıqlarda iştirak etmişəm.Yaxşı forma yığmışam. Sadəcə, ola bilsin, "Rəvan”dakı futbolçularla hələ bir-birimizi tam başa düşmürük. Axı komandaya 2-3 gündür qoşulmuşam. Amma tədricən bu problem də həll olunacaq. Vaxt keçdikcə hər şey düzələcək inşallah. Qəbələyə qələbə dalınca gəlmişik. Hər iki tərəf üçün neytral meydandır. Amma məmin üçün tanış məkandır. Axı ötən mövsüm "Qəbələ”də oynamışam. Bəlkə də bunun özü bir işarədir. Məşqçi şans versə, çıxıb öz bacarığımı tam ortaya qoymağa çalışacam”.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

05.06.2020

18:39  Günün oyunlarına necə baxaq? - TV AFİŞA

03.06.2020

02.06.2020

01.06.2020

12:12  Günün oyunlarına necə baxaq? - TV AFİŞA

30.05.2020

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ