"İnter"in müdafiəçisi: "Səmimi desəm, bu barədə danışmaq mənə çətindir" Müsahibə
"İnter"in xorvatiyalı müdafiəçi Matiya Şpiçiç klubun saytına müsahibə verib. Həmin müsahibəni təqdim edirik:
- “İnter”ə keçidiniz necə baş verdi?
- Mənim
“Sibir” komandasıyla qüvvədə olan müqaviləm vardı və buna görə də daha bir ili
Novosibirskdə keçirməliydim. Lakin “İnter”in baş məşqçisi Kaxaber Tsxadadze
tərəfindən təklif gəldi və etiraf edim ki, bu klubun mənimlə maraqlanmasını
öyrənmək xoş idi. Bilirdim ki, “İnter” ambisiyalı komandadır və yüksək yerlər
uğrunda mübarizə aparır və demək olar hər il avrokuboklarda iştirak edir. Bu
fakt məni çox həvəsləndirdi. Düşündüm və təklifi qəbul etdim.
- Qeyd etdiniz ki, “İnter”in kifayət qədər
ambisiyalı komanda olduğunu bilirdiniz. Deyə bilərsinizmi, bu məlumatları
haradan öyrənmişdiniz? İnternet sayəsində? Yoxsa Azərbaycanda çıxış edən
futbolçular belə bir məlumatı vermişdilər?
- Xeyr,
səmimi deyirəm ki, “İnter” haqqında heç kimdən məlumat almadım. Sadəcə
avrokuboklarda iştirak edən klublar arasında “İnter”in adına tez-tez rast
gəlirdim. Bir daha təkrar edirəm ki, “İnter” demək olar hər il avrokuboklara
qatılır. Buna görə anlayırdım ki, bu komanda hər il yerli birincilikdə yaxşı nəticələr
əldə edir.
- Yeri gəlmişkən, “Sibir”də vaxtilə “İnter”də
oynamış hücumçu Robertas Poşkus çıxış etmişdi. Ona müraciət edərək klub barədə
daha ətraflı məlumat toplamaq istəyi yaranmadı?
- Bəli, mən
onu tanıyıram, o, yaxşı oğlandır, lakin Robertas mən “Sibir”ə gələndə artıq
komandanı tərk etmişdi. Buna görə də “İnter” haqqında danışmadıq.
- Siz artıq iki aydır “İnter”in heyətində çıxış
edirsiniz. Komanda haqqında nə deyə bilərsiniz? Burada gördükləriniz
gözlədiklərinizi doğrultdumu?
- Bəli, deyə
bilərəm ki, gözlədiklərimi burada gördüm. “İnter” yaxşı təşkilatlanmış peşəkar
klubdur. Ayrıca yaxşı qəbula görə uşaqlara təşəkkür etmək istəyirəm. Onlar mənə
burada uyğunlaşmağıma kömək etdilər.
- İlk vaxtlar belə bir rəy formalaşmışdı ki, siz
məşqçinin nə tələb etdiyini sonadək başa düşmürsünüz və komandanın taktiki
sxeminə tam uyğunlaşa bilmirsiniz?
- Bəli,
əvvəllər bu, məni narahat edirdi. Axı “İnter” mənim üçün yeni komandaydı.
Burada başqa taktika, başqa məşq var və buna alışmaq üçün müəyyən vaxt tələb
olunur. İlk vaxtlar mənə bir qədər çətin oldu, lakin indi hər şey yaxşıdır.
Əsas odur ki, futbolçu yeni şəraitə, yeni komandaya tez uyğunlaşsın və o zaman hər şey yaxşı
olacaq. Bu, həmişə belə olur.
- Məlum olduğu kimi, komandamızda daha iki cinah
müdafiəçisi var, hər ikisi də yerli futbolçudur ki, legioner limitinin olduğu
halda onların start heyətində yer almaq şansları daha yüksək olur. Əsas heyətdə
yer almaq uğrunda rəqabət aparmaq üçün özünüzü mübarizəyə hazır hiss
edirsinizmi?
- Əlbəttə.
Əsas heyətdə mübarizə aparmağa özümü hazırlıqlı hiss edirəm. Hər bir oyunçunun
özünəməxsus üstünlüyü var. Hamı özünü istər oyunlarda, istərsə məşqlərdə yaxşı
tərəfdən göstərməyə çalışır. Kimin matça daha yaxşı hazır olduğuna və kimin
əsas heyətdə yer alacağına baş məşqçi qərar verir.
- Azərbaycanda həm Xorvatiyadan, həm də Balkan
ölkələrindən olan futbolçular çıxış edirlər. Bu futbolçulardan kimlərlə
ünsiyyət saxlayırsınız?
- “Xəzər-Lənkəran”da
çıxış edən Marin Orsuliçlə tanışam. Bundan başqa, vaxtilə “Sibir”də birlikdə
oynadığımız, hazırda “Qəbələ”də çıxış edən Nikola Valentiçi yaxşı tanıyıram.
“Simurq”un futbolçusu Stepan Polyakın da adını çəkə bilərəm. Bundan başqa,
digər futbolçuları da şəxsən tanışam.
- Üç turdan sonra yerli çempionat barədə sizdə
hansı rəy formalaşıb?
- Səmimi
desəm, bu barədə danışmaq mənə çətindir, axı cəmi üç tur arxada qalıb.
Düşünürəm ki, bu suala ən azı birinci dövrədən sonra cavab verə bilərəm. Onu
deyə bilərəm ki, Azərbaycan Çempionatı tərəqqi edir.
- İlk
turlarda “İnter”ə müsbət nəticələr əldə etmək müyəssər olmadı. Belə uğursuz
startın əsas səbəblərini nədə görürsünüz?
- Həmin oyunların ilk hissələrində kifayət qədər yaxşı oynadıq. Komanda qol vurdu və kifayət qədər inamlı təsir bağışladı. Lakin fasilədən sonra ssenari dəyişir. Uğursuz nəticələrin başlıca səbəblərinin nədən ibarət olduğunu bilmirəm. Biz elə bil konsentrasiyanı, oyunun ipini itiririk. Amma ümid edirəm ki, növbəti matçda hər şey bizim üçün uğurlu alınacaq və yaxşı nəticə əldə etməyi bacaracağıq.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |