"Xəzər Lənkəran"lı fanatlar Mübariz Mənsimova müraciət ünvanladı: Toşak getsin!
"Xəzər
Lənkəran”ın 7 fanat qrupu klubun fəxri prezidenti Mübariz Mənsimova müraciət
ünvanlayıb. Stadium.az xəbər verir ki, fəal azarkeş Vaqif Rəşidovun təşəbbüsü
ilə baş tutan müraciət “Xəzər Lənkəran”ın Moskva, “Fırtına”, “Pirates”,
“Bosman” fanklubları, “Green Gate2”, “Caspian Ultras” fanat, eləcə də “12-ci
oyunçu” azarkeş qrupları adından göndərilib. Müraciətin göndərilməsinə
komandanın son vaxtlar göstərdiyi uğursuz oyunlar səbəb olub. Fanatlar Toşakın yaxşı məşqçi olduğunu, ancaq
Visente del Boskenin “Beşiktaş”da uğursuzluğa düçar olması ilə paralel müqayisə
aparılaraq onun da ölkəmizdə işlərinin alınmaması bildirilib:
“Çox hörmətli Mübariz Mənsimov! 2004-cü ildən bəri Azərbaycan futboluna inqilabi dəyişikliklər gətirən, futbolumuza gözəllik və maraq bəxş edən, fəxri prezidenti olduğunuz “Xəzər Lənkəran”ın yaradılmasından 10 il keçir. Arxada qalan bu illər ərzində sevimli komandamız kifayət qədər uğurlara və bir çox ilklərə imza atıb. Qısa müddət kəsiyində “Xəzər Lənkəran” böyük iddialarını ortaya qoymaqla özündən söz etdirə bilib. Bu illər ərzində çoxminli azarkeş ordumuz da daim komandanın yanında olmuş, acısını paylaşmış, sevincinə şərik çıxıb. Klubumuzun 10 illik yubileyi ərəfəsində siz irəliyə doğru daha bir addım ataraq dünyaca məşhur bir çalışdırıcını ölkəmizə, sevimli klubumuzun baş məşqçi postuna dəvət etdiniz. Bu, Con Benjamin Toşak idi. Dünyanın ən böyük klublarının bir çoxunu çalışdırmış Toşak ölkəmizə gəlib-getmiş məşqçilər arasında ən tanınmış və ən təcrübəlisidir. Siz bu addımla həm də azarkeşlərimizə komandanın ifasında 10 illik yubileydə qazanıla bilinəcək uğurların sevincini yaşatmaq istədiniz. Bütün bunlara görə sizə təşəkkür edirik”.
Müraciətdə
qeyd olunub ki, idmanın müxtəlif növlərində olduğu kimi, elə futbolda da bəzən ən
yaxşılar belə hər yerdə uğur qazana bilmirlər: “Buna misal olaraq, hazırda
İspaniya millisinin baş məşqçisi Visente del Boskeni göstərmək olar. Bir neçə
il əvvəl qardaş Türkiyənin öndə gedən ən böyük klublarından olan “Beşiktaş”a
baş məşqçi gətirilən Del Boske orada qısa müddət çalışmalı oldu. Ardıcıl
uğursuzluqlar sonrası Türkiyəni tərk edən bu çalışdırıcı bir neçə il işsiz
qalmasına rəğmən, İspaniya millisinin başına keçdi. Məhz onun başçılığında İspaniya
yığması dünya və Avropa çempionu adını qazandı.
Eyni
müqayisəni də Con Toşaka da aid edib çoxlu faktları sadalamaq olar. Amma görünən
odur ki, Toşakın “Xəzər Lənkəran”dakı karyerası alınmadı. Bu nə uelsli
çalışdırıcının, nə də “Xəzər Lənkəran” komandasının zəifliyi deyildi. Yuxarıda
da qeyd etdiyimiz kimi, belə hallara dünya futbolunda çox rast gəlinir”.
Cənublu azarkeşlər Mənsimova çatdırmağa çalışıb ki, bu nəticələrlə yubileyi qeyd etmək mümkün olmayacaq və nə qədər gec deyil Toşakı göndərmək lazımdır: “Xəzər Lənkəran” komandasının son bir neçə uğursuz oyununa münasibət bildirərkən Toşak özü də etiraf edib ki, burada istədiyi komandanı hələ də yarada bilməyib. Nəzərə alsaq ki, artıq çempionat başlayıb və 5 tur arxada qalıb, sevimli komandamız isə tam formalaşa bilmədiyindən hələ də qələbə üzünə həsrətdir, deməli bu gedişlə klubumuzun 10 illik yubileyində hər hansı uğura imza atmağımız ağıla sığan deyil.
Bütün
bunları nəzərə alaraq, “Xəzər Lənkəran” azarkeşlərinin əksəriyyətinin adından
sizlərdən xahiş edirik ki, komandanın baş məşqçisi Con Toşakla yolların
ayrılması barədə düşünəsiniz. Toşaka bir insan kimi, eyni zamanda bir məşqçi
kimi böyük hörmətimiz var. Amma uğur olmayanda və konkret iş görməyin vaxtı gələndə
qətiyyətli addımların atılması zəruriləşir. Düşünürük ki, belə bir zərurət
artıq yaranıb. Azarkeşlərimiz sizdən tədbir görməyinizi səbirsizliklə gözləyir”.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |