Yuran: “Azərbaycanlılar yeri “gəmirəcəklər” Müsahibə

14.10.2013 | 3667 dəfə oxunub

“Simurq”un keçmişbaş məşqçisi Sergey Yuran Rusiya mətbuatına müsahibə verib. Stadium.az xəbər verir ki, Yuran müsahibəsindəsabah  DÇ-2014-ün seçmə mərhələsi çərçivəsində keçiriləcək Azərbaycan - Rusiya matçı haqda danışıb. Həmin müsahibəni təqdim edirik:

- Rusiyalı futbolçular Bakıya qələbə üçün getdiklərini deyir. Sizcə komandanı qane edən heç-heçə futbolçuların fikrində ola bilər? 
- Həqiqətən də düşüncələrdə belə fikir olacaq. Bununla heç nə etmək olmaz.

- Bəs bu amil bizimlə pis zarafat edə bilər? 
- Düşünmürəm ki, oyuna köklənə bilməyək. Hamı dərk edir ki, son oyunumuzdur və DÇ-2014-ə 1 addım qalıb. Sadəcə futbolçularımız ağır, sərt oyuna hazır olmalıdır. Azərbaycanlılar yeri “gəmirəcəklər”. Bir az dözmək lazımdır. Braziliyaya səfərədək cəmi 90 dəqiqəmiz qalıb. Uduzacağımızı düşünmürəm.

– Bakıdakı heç-heçə azarkeşləri qane edəcək? 
– Bilirsiz, mən oyuna məşqçi kimi baxacam. Hər məşqçi üçün də vacib olan qarşıya qoyulan məqsədə çatmaqdır. Heç-heçə bizə 1-ci olmaq və Braziliyaya yollanmaq imkanı verəcək. Yekun nəticə hər şeydən öndədir.

– Belə çıxır ki, Azərbaycanda 1 xal qazanmağımıza üzülməyəcəksiz? 
– Əlbəttə. Belə vəziyyətdə heç-heçə “iy vermir”. Qrupda 1-ci olub Portuqaliyadan öndə qərarlaşmaqla, Braziliyaya gediriksə niyə üzülməliyik? Heç-heçə olacağı halda güclü olmayan rəqibi uda bilmədiyi üçün millini tənqid edənləri başa düşməyəcəyəm. Bunlar nəyə lazımdır? Mənim üçün indi vacib olan nəticədir, gözəl oyun yox.

– Şimali İrlandiya ilə qələbə üçün verilən mükafat meydan sahibləri üçün ciddi stimul olacaq? 
– Azərbaycanlıların motivasiyası çox yüksək olacaq. “Böyük qardaş”ı udmaq həmişə fəxrdir. Rusiya sabiq sovet respublikaları üçün böyük qıcıq mənbəyidir. Yüksək mükafatı da unutmayaq. Bu da tutarlı amildir.

– Azərbaycan yığmasının üzvlərindən “Simurq”da rəhbərliyiniz altında oynayanı var? 
– Mərkəz müdafiəçisi Rasim Ramaldanov rəhbərliyim altında oynayıb. Sonra isə yığmaya da düşdü. Rasim indi də mənə zəng vurub ona güvənib heyətdə yer verdiyim üçün təşəkkür edir. Yaxşı müdafiəçidir, “ikinci mərtəbədə” effektli oynayır. Arada mövqe səhvləri buraxır. Lakin istək və əzmkarlıqda ona irad olmayıb.

– Çoxları hesab edir ki, Azərbaycan yığmasının ən böyük təhlükəsi baş məşqçi Berti Foqtsdur... 
– Alman mütəxəssis bu komandaya praqmatik üslub aşılayır. Qarşıdakı matçdakı rəqibimiz qapalı futbol oynayacaq. Onlar standart vəziyyətlərə və əks-hücumlara üstünlük verəcək. Foqts mərkəzi dolduracaq. Biz isə yaxşı ifaçılarımızın olduğu cinahlarda daha fəal olmalıyıq. Bir sözlə isə bizə qarşı çox yaxşı qurulmuş komanda oynayacaq.

– Azərbaycan yığmasında kimisə digərlərindən fərqləndirə bilərsiz? 
– Deməzdim ki, kimsə fərqlənir. Parlaq fərdləri olmayan bərabər səviyyəli oyunçulardan qurulmuş komandadır. Foqtsun rəhbərliyi altında 11 oyunçunun hamısı müdafiədə də çalışır. Hansısa lider görmürəm.

– Azərbaycan Şimali İrlandiya ilə iyuna zəif başladı. Bu amili nəzərə alaraq Kapello erkən qol planı qura bilər? 
– Bilmirəm. Şimali İrlandiya və Rusiya ilə oyunlar arasında paralellər aparmaq olmaz. Azərbaycanlılar bizim əvvəlki rəqibdən daha səviyyəli olduğumuzu nəzərə alıb matça fərqli hazırlaşacaq, başqa taktika seçəcək.

– Proqnoz verə bilərsiniz? 
– Mənə elə gəlir ki, 1 top fərqi ilə qalib gələcəyik. 1:0 və ya 2:1 olacaq. Azərbaycanda oynamaq həmişə çətindir. Azarkeşlər tərəfindən meydan sahiblərinin dəstəyi tam təmin olunacaq.
 



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

24.08.2019

18:19  “Sumqayıt” “Səbail” - HEYƏTLƏR

12:00  Günün oyunlarına necə baxaq? - TV AFİŞA

23.08.2019

22.08.2019

21:26  "Linfild" - "Qarabağ" - HEYƏTLƏR

11:10  Azərbaycanın mövqeyi dəyişməz qaldı - UEFA reytinq cədvəli

03:09  Messi sağalıb

21.08.2019

20.08.2019

19.08.2019

22:03  "Neftçi"dən xal itkisi - YENİLƏNİB

19:40  "Neftçi" - "Sabah" -HEYƏTLƏR

18.08.2019

22:02  "Zirə" məğlubiyyətlə başladı - YENİLƏNİB

19:23  “Səbail” – “Zirə” -HEYƏTLƏR

14:34  "Arsenal" - "Burnley" 1:2 VİDEO

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi