"Millimizin qarşısına Avro 2016-ya vəsiqə qazanmaq vəzifəsi qoyulmalıdı"

18.10.2013 | 4319 dəfə oxunub

İdman Araşdırmalar Mərkəzi Azərbaycan milli komandasının DÇ-2014-ün seçmə mərhələsi çərçivəsindəki çıxışı barədə rəy hazırlayıb. Stadium.az xəbər verir ki, rəydə millimizin seçmə mərhələsindəki çıxışından başqa, baş məşqçi Berti Foqtsun komandada qalıb-qalmayacağı ilə bağlı məsələlərə toxunulub.

2014-cü il dünya çempionatının seçmə qrup mərhələsində Azərbaycan milli komandasının topladığı xallar baxımından əvvəlki seçmə mərhələlərə nəzərən müsbət dinamika oldu. Baş məşqçi Berti Foqtsun rəhbərliyi ilə Azərbaycan milli komandası üst-üstə 3 seçmə mərhələdə xal sayını 5-dən 7-yə, 7-dən 9-a olmaqla ədədi silsilə ilə artırdı. Nəticədə 10 oyundan 9 xal toplayan millimiz rekord göstəriciyə imza atdı. Digər müsbət məqam əvvəlki seçmə seçmə mərhələlərdən fərqli olaraq, səfərdə nisbətən güclü rəqiblərlə oyunlarda xalların qazanılması ilə bağlıdır.

9 xaldan 3-ü İsrail, Şimali İrlandiya və Lüksemburqla səfər qarşılaşmalarında əldə olundu. Cəmi 3 oyunda yenilməsi, o cümlədən yalnız 1 dəfə böyük hesabla uduzması, Rusiya ilə son oyunda azlıqda qaldığı halda qol vurmağı bacarması kimi amilləri də yığmamızın aktivinə yazmaq olar.

Bunlarla yanaşı, ötən tsikldə 2 qələbə qazanmış millimizin bu dəfə 1 qələbə ilə kifayətlənməsi heç də yaxşı hal deyil. Yığmamızın Portuqaliya və Rusiya kimi güclü rəqiblərlə oyunlarda ultra-müdafiə futbolu sərgiləyərək, sırf az qol buraxmaq və ya bəxtə arxayın olub heç buraxmamaq üçün oynaması da təqdir edilə bilməz. Ən əsası, komandamız İsrail, Şimali İrlandiya və Lüksemburq millilərinin qeyri-sabit çıxışlarından daha yaxşı yararlanaraq, 3-cü yeri tutmağa çalışmalı, heç olmasa, özündən əvvəlki İsraillə xal fərqinin 5-ə çatmasına imkan verməməli idi.

İstənilən halda, toplanılan 9 xal, qrupda 4-cü yer və seçmə mərhələnin yekunundan sonra açıqlanan FİFA reytinqində 88-ci pillə 2016-cı il Avropa çempionatının seçmə qrup mərhələsinin püşkatması zamanı Azərbaycanın daha yüksək reytinqli komandalarla eyni səbətdə yer almasına imkan verəcək. Bu isə növbəti seçmə seçmə mərhələdə nisbətən zəif reytinqli komandalarla eyni qrupa düşərək, daha çox xal toplamağa şərait yarada bilər. Hazırkı heyətdəki futbolçuların yaş dövrü və növbəti qitə çempionatının final mərhələsində 16 deyil, 24 komandanın mübarizə aparacağı faktı millimizin seçmə qrupda ilk “3-lüy”ə düşərək, Fransaya vəsiqə şanslarını artırır.

İdman Araşdırmalar Mərkəzi hesab edir ki, Azərbaycan millisinin növbəti seçmə mərhələdə hədəfi dəyişilməli, komandamızın qarşısına təkcə daha çox xal toplamaq yox, Avropa çempionatının final mərhələsinə vəsiqə qazanmaq vəzifəsi qoyulmalıdır. Yalnız bu vəzifənin öhdəsindən gəlməyə özünü hazır sayacağı halda, Berti Foqtsla müqavilə uzadıla bilər.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.02.2020

19.02.2020

12:31  Günün oyunlarına necə baxaq? - TV AFİŞA

01:56  "Borussiya" - PSJ - 2:1 VİDEO

18.02.2020

00:18  Ramil Şeydayev "Sabah"da - Rəsmi

17.02.2020

14:16  "Azərbaycanda çox qalmaq istəmirəm" - Ramil Şeydayev

16.02.2020

20:50  "Neftçi" və "Səbail"dən qələbə - YENİLƏNİB

18:27  “Neftçi” - “Keşlə” - HEYƏTLƏR

15:40  “Səbail” - "Qəbələ" - HEYƏTLƏR

15.02.2020

23:30  "Amyen" - PSJ - 4:4 VİDEO

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ