Nasimov: "Çox qol vurmaq istəyirəm, amma..." Müsahibə

18.10.2013 | 3916 dəfə oxunub

“Neftçi” PFK-nın hücumçusu Bahodir Nasimov klubun rəsmi saytına müsahibə verib. Stadium.az xəbər verir ki, Azərbaycan Premyer Liqasında yaranmış fasilə müddətində Özbəkistan millisinin düşərgəsinə cəlb edilmiş futbolçu yığma komandadakı durumu və “Neftçi”dəki oyunu barədə danışıb:

- Əvvəlcə milli komandanızın qələbə qazanması münasibətilə səni təbrik edirəm. Bununla Özbəkistan yığması qrupdakı vəziyyətini də yaxşılaşdırmış oldu.

- İlk olaraq onu deyim ki, Asiya Kuboku qitə miqyaslı yarışdır və burada bütün komandalar mümkün qədər irəli getmək və çempion olmaq istəyir. Biz qrupdakı 3-cü matçımızda Vyetnam yığmasını 3-1 hesabı ilə məğlub edib 2-ci pilləyə yüksəldik. Bu oyunda 70 dəqiqə oynadım və komandamızın qələbəsində pay sahibi oldum. Ümumiyyətlə “Neftçi”də oynadığım müddətdə milli komandanın demək olar ki, hər oyununa çağırılıram. “Neftçi”də olduğu kimi yığma komandada da uğur qazanmaq üçün əlimdən gələni edirəm.

- Premyer Liqanın VII turu “Sumqayıt” klubu ilə oyunda zədələnmişdin. Hazırda özünü necə hiss edirsən?

- “Sumqayıt”la oyunda aldığım zədə səbəbindən “Qarabağ” və “Qəbələ” ilə oyunları buraxmalı oldum. Hər bir futbolçu kimi mənə də komandamızın oyununu kənardan izləmək çətindir. Kömək etmək istəyirsən amma səhhətin buna imkan vermir. Amma artıq müalicəmi tam olaraq bitirmişəm və komanda ilə birgə məşq edirəm. Əgər “Rəvan”la oyunda məşqçilər heyəti mənə şans versə var, qüvvəmlə oynamağa hazıram.

- “Rəvan”la oyundan söz düşmüşkən. İlk oyundakı səfər qələbəsində 2 dəfə fərqlənmişdin.

- Hər oyun fərqli olur. Bəzən ələ düşən şanslardan maksimum yararlana bilirsən. Elə də olur ki, sanki bəxt üz döndərir. Hər halda həmin qarşılaşmada qələbə qazanmışdıq və ən vacibi də budur. Fərqlənməyə gəldikdə isə mən hücumçuyam və işim qol vurmaqdır.

- Yenə də deyim ki, “Neftçi” azarkeşləri Bahodiri bombardirlər siyahısının ilk pilləsində görmək istəyir.

- Mən “Neftçi”də oynadığım ilk mövsümdə bombardir olmuşdum. Bilirəm ki, azarkeşlər məndən ən azı həmin nəticəni gözləyir. Biz futbolu onlar üçün oynayırıq. Əlbəttə ki, çox qol vurmaq istəyirəm amma yenə də əsas komandanın nailiyyətidir.

- Çempionluq yolunda hansı rəqiblər daha iddialı görünür?

- Azərbaycan çempionatının səviyyəsi ildən-ilə yüksəlir. Artıq asan oyun, zəif rəqib anlayışı yoxdur. Var qüvvə ilə oynamadığın hər oyunda xal itirə bilərsən. Nəticədə çempion olmaq üçün yalnız bir-iki komandanı udmaq kifayət etmir. Bunun üçün maksimum miqdarda xal yığmaq lazımdır. Hələ çempionatda mübarizə yenicə qızışır. Əvvəldən nəsə demək çətindir. Təkcə onu söyləyə bilərəm ki, bizim niyyətimiz çempionluqdur və buna görə də hər qarşılaşmaya son oyun kimi çıxmalıyıq.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Последние новости

24.09.2019

05.08.2019

24.12.2014

12.01.2013

11.01.2013

10.01.2013

09.01.2013

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ