"Bakı-2015": Növbəti idman elçisi müəyyənləşdi

22.04.2015 | 1954 dəfə oxunub

Bakı-2015 növbəti idman elçisinin adını açıqlayıb. Stadium.Az xəbər verir ki, polşalı dağ velosipedçisi Maya Vloşçovskanın ilin ən mötəbər tədbirinin beynəlxalq idman elçisi seçilib.

Pekin-2008 Yay Olimpiya Oyunlarında gümüş medalını, 2010-cu ildə dünya çempionu adını qazanan 31 yaşlı idmançının ilk qələbəsi 2003-cü ilə təsadüf edib. Vloşçovskanın aktivində ümumilikdə Avropa çempionatları və mundialın 22 mükafatı var.

Bakı-2015-in əməliyyatlar üzrə baş direktoru Saymon Kleq bildirib ki, Mayanın beynəlxalq idman elçisi kimi Oyunlara cəlb edilməsi yarışın əhəmiyyətinin və bu yay Bakıya gələcək idmançıların səviyyəsinin əyani göstəricisidi: “Karyerası boyunca Mayanın əldə etdiyi uğurlar onun dağ velosipedi idmanına bağlılığını nümayiş etdirir. İyunda Avropa Oyunlarında onun yarışlarda iştirakını səbirsizliklə gözləyirik.”

Bakı-2015-in idman elçiləri mübarizə apardıqları idman növünü təmsil etməklə qitədə və sosial mediada həyata keçirilən marketinq kampaniyalarında Avropa Oyunlarının təbliğatında iştirak edəcəklər.

Vloşçovskanın sözlərinə görə, Avropa Oyunlarının idman elçisi seçildiyi üçün çox həyəcanlıdı və Bakıda mübarizə aparacağı günü səbirsizliklə gözləyir: “Oyunların və dağ velosiped idmanının Avropada, eləcə də, bütün dünyada nüfuzunu artırmaq üçün əlimdən gələni etməyə hazıram”.

Polşa Milli Olimpiya Komitəsinin prezidenti Andrjey Krasniçki də Mayanın Bakı-2015-in elçi proqramı üçün əla seçim olduğunu vurğulayıb: “Onun Oyunları Polşada təbliğ etmək və bu yay idmançılarımıza dəstək olmaq üçün səylərini əsirgəməyəcəyinə əminəm”

Qeyd edək ki, Vloşçovskadan öncə almaniyalı stolüstü tennisçi Dimitri Ovçarov, yunan qılıncoynadan Vasiliki Vuqiuka, irlandiyalı boksçu Keti Teylor, britaniyalı taekvondoçu Ceyd Cons, fransalı bədii gimnast Kseniya Mustafayeva, danimarkalı avarçəkən Rene Holten Poulsen və Serbiya 3x3 basketbol komandasından Duşan Domoviç Bulut, Marko Saviç, Marko Zdero və Deyan Maystoroviç Bakı-2015-in beynəlxalq idman elçisi seçilib. Yaxın gələcəkdə daha bir neçə idmançının da bu proqrama cəlb olunması gözlənilir.

Bakı-2015-in dağ velosipedi üzrə yarışları iyunun 13-ü, şənbə günü, Dağ Velosipedi Parkında baş tutacaq. Biletləri “Park Bulvar”, “28 Mall” və “Metro Park” alış-veriş mərkəzləri də daxil olmaqla, Bakının 11 əlverişli məkanında quraşdırılmış bilet satış məntəqələrindən və www.baku2015.com/tickets saytından onlayn rejimdə almaq mümkündu.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.08.2019

19.08.2019

22:03  "Neftçi"dən xal itkisi - Yenilənib

19:40  "Neftçi" - "Sabah" -HEYƏTLƏR

18.08.2019

22:02  "Zirə" məğlubiyyətlə başladı - YENİLƏNİB

19:23  “Səbail” – “Zirə” -HEYƏTLƏR

14:34  "Arsenal" - "Burnley" 1:2 VİDEO

16.08.2019

18:20  “Keşlə” – “Qarabağ” - HEYƏTLƏR

15.08.2019

19:46  "Bney Yehuda" - "Neftçi" - HEYƏTLƏR

11:00  Günün oyunlarına necə baxaq? - TV AFİŞA

14.08.2019

12:00  Günün oyununa necə baxaq? - TV AFİŞA

13.08.2019

19:37  "Qarabağ" - APOEL - HEYƏTLƏR

11:43  Günün oyunlarına necə baxaq? - TV AFİŞA

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi