Yığmamız Avropa Çempionatında çıxışını başa vurdu

04.05.2015 | 1983 dəfə oxunub

Çexiyanın Raçitse şəhərindəki kayak və kanoe üzrə Avropa çempionatına yekun vurulub. Stadium.Az xəbər verir ki, final mərhələsində Azərbaycan yığmasının üzvləri də çıxış edib.

Qadınlar arasında 1 nəfərlik kayak qayığı (K-1) ilə 500 metr məsafəyə əsas final (Final A) yürüşündə İnna Osipenko-Radomskaya diqqət mərkəzində olub. 33 yaşlı idmançı Azərbaycan yığmasının heyətində ilk böyük sınağında finişə 1 dəqiqə 57,512 saniyəyə çataraq, 6-cı yeri tutub. O, ukraynalı Svetlana Rımkeviç (01:58.992), portuqaliyalı Tereza Portela (01:59.408) və italiyalı İrene Burqonu (01:59.544) qabaqlayıb. Çempion adını polşalı Evelina Voynarovska 1 dəqiqə 54,522 saniyə nəticə ilə əldə edib. Almaniyalı Frantsiska Veber (01:54.968) vitse-çempion, fransalı Sara Quyo (01.55.392) isə bürünc mükafatçı olub. Sonrakı 2 yeri serbiyalı Nikolina Moldovanla (01:56.552) belaruslu Volqa Xudjenko (01:56.656) tutub.

Osipenko Radomskaya daha 2 həlledici yürüşdə çıxış edib. O, 1 nəfərlik kayak qayığı (K-1) ilə 200 metr məsafəyə əsas final (Final A) yürüşündə finişə 42,332 saniyəyə çataraq, 8-ci yeri tutub. Təmsilçimiz rəqiblərindən yalnız slovakiyalı İvana Kmetovanı (43.116) üstələyib. Fransalı Sara Quyo (40.980) qızıl, rusiyalı Natalya Podolskaya (41.340) gümüş, serbiyalı Nikolina Moldovan (41.516) bürünc medal qazanıb. Sonrakı yerləri polşalı Marta Valçıkeviç (41,556), portuqaliyalı Tereza Portela (41.996) ispaniyalı Tereza Portela (42.052) və isveçli Linnea Stensils (42.284) tutub.

Nəhayət, Osipenko-Radomskaya 1 nəfərlik kayak qayığı (K-1) ilə 5000 metr məsafəyə yürüşdə qüvvəsini sınayıb. Lakin onun cəhdi alınmayıb və finişə çata bilmədən sonuncu yeri tutub. Medalları belaruslu Marina Litvinçuk (22:19.250), italiyalı İrene Burqo (22:19.680) və irlandiyalı Cenni Eqan (22:19.900) qazanıb. Sonrakı yerləri ispaniyalı Eva Barrios (22:53.040), rumıniyalı Kamilesku Florentina (22:55.780), serbiyalı Nikolina Moldovan (23:08.140), çexiyalı Anna Kojiskova (23:09.120), rusiyalı Ancelika Çervova (23:13.060), macarıstanlı Erika Medveçki (23:14.150), ukraynalı Svetlana Rımkeviç (23:24.770), polşalı Edita Denişevska (23:29.060), bolqarıstan Berenike Faldum (23:37.920), hollandiyalı Eef Haaze (24:24.830), moldovalı Zoya Manayeva (24:29.980), türkiyəli Buse Bursalı (25:15.590) tutub.

Aleksey Kupin - Sergey Bezuqlıy dueti də 2 nəfərlik kanoe qayığı (C-2) ilə 500 metr məsafəyə əsas final (Final A) yürüşündə çıxış edib. Onlar finişə 1 dəqiqə 49,456 saniyəyə çataraq, 7-ci yeri tutublar. Bu nəticə ilə təmsilçilərimiz Azərbaycan yığmasının sabiq üzvləri, hazırda Türkiyə millisinin heyətində yer alan Nikolay Matviyçuk - Adnan Əliyev (01:50.416) və macarıstanlı Qabor Sabo - Andraş Bodonyi (01:57.664) duetlərini üstələyiblər. Rusiyalı Aleksey Korovaşkov - İvan Ştıl (01:43.848) qızıl, ukraynalı Dmitri Yançuk - Taras Mişçuk (01:45.272) gümüş, belaruslu Qleb Saladuxa - Denis Maxlay (01:46.212) dueti isə bürünc medal qazanıb. Sonrakı yerləri rumıniyalı Liviu Dumitresku - Viktor Mixalaki (01:46.416), polşalı Matyuş Kaminski - Mixal Kudla (01:47.316) və çexiyalı Yaroslav Radon - Filip Dvorak (01:47.480) duetləri tutub.

2 təmsilçimiz isə B finalında (10 - 18-ci yerlər uğrunda) mübarizə aparıb. Nikita Sablin 1 nəfərlik kanoe qayığı (C-1) ilə 200 metr məsafəyə yürüşdə finişə 44,080 saniyəyə çataraq, ümumi nəticədə 16-cı olub. O, macarıstanlı Adam Fekete (44.212) və türkiyəli Kərim Tənhanı (48:856) üstələyə bilib. Moldovalı Sergey Tarnovski (41.404) 10-cu, italiyalı Nikolae Kratsyun (41.892) 11-ci, ukraynalı Yuri Çeban (42.224) 12-ci, slovakiyalı Lyubomir Haqara (42.852) 13-cü, polşalı Viktor Qlazunov (42.864) 14-cü, böyük Britaniyalı Kristofer Kalvert (43.044) 15-ci olub. Çempion adını isə Azərbaycan millisinin sabiq üzvü, hazırda Rusiya yığmasında çıxış edən Andrey Kraytor (40.296) qazanıb. O, ən yaxın izləyicisi belaruslu Artsem Kozırı 0,120 saniyə üstələyib. Bürünc medala isə ispaniyalı Alfonso Benavides (40.636) sahib olub.

Mirnazim Cavadov isə 1 nəfərlik kayak qayığı (K-1) ilə 200 metr məsafə yürüşdə finişə 1 dəqiqə 56,292 saniyəyə çataraq, yekunda 18-ci olub. O, rumıniyalı Konstantin Mironesku (01:42.924), rusiyalı Dmitri Yekimov (01:43.256), xorvatiyalı Antun Novakoviç (01:43.256), finlandiyalı Ditrik Miika (01:43.704), türkiyəli Qabor Bojik (01:44.184), polşalı Pyotr Semyonovski (01.45.188), kiprli Andreas Diamantis (01:47.004) və isveçrəli Stefan Domeysenə (01:47.140) uduzub. Qalib adını isə finişə 1 dəqiqə 41,504 saniyəyə çatan danimarkalı Rene Poulsen qazanıb. Almaniyalı Tom Libşer (01:41.952) gümüş, serbiyalı Deyan Pajiç (01:42.168) isə bürünc medal qazanıb.

Avropa çempionatı "Bakı 2015" I Avropa Oyunları ərəfəsində qitənin kayak və kanoeçiləri üçün ən önəmli yarış olub. Onlar 14 - 16 iyunda Mingəçevirdə bir araya gələcəklər.



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

20.02.2020

19.02.2020

12:31  Günün oyunlarına necə baxaq? - TV AFİŞA

01:56  "Borussiya" - PSJ - 2:1 VİDEO

18.02.2020

00:18  Ramil Şeydayev "Sabah"da - Rəsmi

17.02.2020

14:16  "Azərbaycanda çox qalmaq istəmirəm" - Ramil Şeydayev

16.02.2020

20:50  "Neftçi" və "Səbail"dən qələbə - YENİLƏNİB

18:27  “Neftçi” - “Keşlə” - HEYƏTLƏR

15:40  “Səbail” - "Qəbələ" - HEYƏTLƏR

15.02.2020

23:30  "Amyen" - PSJ - 4:4 VİDEO

   
  O Q H M T-f X
1. Qarabağ 17 11 5 1 31-7 38  
2. Neftçi 16 7 6 3 23-12 27  
3. Keşlə 16 7 5 4 20-14 26  
4. Sumqayıt 17 6 4 7 21-23 22  
5. Zirə 17 5 5 7 20-29 20  
6. Sabah 17 5 4 8 19-23 19  
7. Səbail 17 5 3 9 14-26 18  
8. Qəbələ 17 3 4 10 18-32 13  
08.02Qarabağ 0-0Neftçi
08.02Sumqayıt 1-0Zirə
07.02Sabah 3-2Qəbələ
07.02Keşlə 0-1Səbail
15.02Zirə -Qarabağ
15.02Sumqayıt -Sabah
16.02Neftçi -Keşlə
16.02Səbail -Qəbələ