"Sizin futbolçular özlərindən razıdırlar"
Türkiyəli futbol mütəxəssisi Eyüp Demirçinin müsahibəsi
- Ölkəmizə gəlişinizin səfəri nə ilə bağlıdır?
- Azərbaycan klublarından biri ilə anlaşıb, uşaq komandasında çalışmaq istəyirəm.
- Bu istək sizdə haradandır?
- Azərbaycana tez-tez gəlib-gedirəm. Dəfələrlə uşaq komandalarınızın oyunlarını, məşqini izləmişəm. Gənc və yeniyetmələrdə nə qədər potensialın olduğunu gördüm. Amma nədənsə bu potensial böyüklərin yarışlarında hiss olunmur.
- Sizcə, bu nə ilə bağlıdır?
- Fikrimcə, sizin futbolçular çox ərköyünləşib. Yüksək nəticələri olmasa da, qazandıqlarının müqabilində özlərindən razıdırlar. Söhbət sırf futbolçu kimi razılıqdan gedir. İnsan kimi isə bəzilərini tanıyıram. Çox yaxşı insanlardır.
- Bəs inkişafa nail olmaq olarmı?
- Azərbaycan Türkiyə yığmasını məğlub edən komandadır. Bu isə o deməkdir ki, futbolçularda da potensial var. Xüsusilə, uşaq futbolunda. Sadəcə, bu sahədə işi düzgün qurmaq lazımdır.
- Siz bu sahədə nə dərəcədə təcrübəyə maliksiniz?
- Son illər Türkiyənin həvəskar komandalarının uşaqları ilə çalışmışam. İstanbul təmsilçilərindən biri ilə işləyirdim. Eyni zamanda, “Beşiktaş”la əməkdaşlıq edirdim.
- Məşhur İstanbul təmsilçisinin uşaq komandasında çalışırdınız?
- Xeyr. Sizdə o qədər yayılmasa da, Avropada futbol skautları var. Onlar böyük klubların uşaq-gənclər komandalarına istedad axtarmaqla məşğuldur. Mən də “Beşiktaş”la belə çalışırdım. Rəsmən oranın işçisi deyildim, çünki həmin vaxt bank məmuru idim.
- Skaut kimi kəşf etdiyiniz tanınmış futbolçular olub?
- Türkiyə səviyyəsində tanınanlar olub ki, onlar da artıq karyeralarını bitiriblər. Biri “Fənərbaxça”ya keçmişdi, amma avtomobil qəzasına düşdü, digərisə ən yaxşı halda “Bakirköyspor”da çıxış edib.
- Yəqin ki, məşqçiliyə qədər futbolçu olmusunuz?
- Futbolçu karyeram 1970-ci ildə başlayıb. O vaxt “Qalatasaray”ın gənclərdən ibarət komandasında oynayırdım. Ardınca “Sarıyer” klubuna transfer olundum. Hərbi xidmətdən sonra isə həvəskar komandalarda çıxış etdim. 1988-ci ildə karyeramı bitirdikdən cəmi 3 il sonra həvəskar komandada işə başladım. 1994-cü ildə məşqçilik üzrə B kateqoriyasına yiyələndim. 1 ay əvvəl isə Pro kateqoriyası aldım.
- Belə zəngin təcrübəyə malik olduğunuz halda, niyə Türkiyəyə deyil, Azərbaycana kömək etmək istəyirsiniz?
- Mən “Neftçi” və “Qarabağ”ın uşaq komandalarını izləmişəm. Hətta “Neftçi”nin məşqçisi mənə yaxınlaşıb məsləhətlərimi aldı, ona təcrübəmdən nəsə öyrətməyi də xahiş etdi. Bu uşaqların arasında o qədər istedad gördüm ki, onların üzə çıxarılması üçün çalışmağa qərar verdim. Çünki ölkənizdə bu sahədə yüksək səviyyəli mütəxəssis çatışmazlığı var.
- Dediklərinizi aradan qaldırmaq üçün nə məsləhət görürsünüz?
- Burda gördüm ki, klub rəhbərləri az qala bütün vəsaiti əsas komandaya yönəldirlər. Bu başadüşüləndir. Axı klubu tanıdan, üzünü ağ edən əsas komandadır. Lakin uşaq futboluna da kifayət qədər fikir vermək lazımdır. Üstəlik, uşaq məşqçilərinin düşüncəsi dəyişməlidir.
- Nəyi nəzərdə tutursunuz?
- 10-16 yaşında uşaqları qələbə üçün oynatmağı, nəticə istəməyi düzgün saymıram. Bütün dünyada belədir ki, uşağa əvvəl oynamağı, meydanda topla necə rəftarı öyrədirlər. Bütün bunları bildikdən sonra, 16 yaşından sonra nəticə haqda düşünmək olar. Sizdə isə belə deyil.
- Azərbaycan klubları ilə bu haqda danışıqlarınız olubmu?
- “Xəzər Lənkəran” və “Bakı” rəsmiləri ilə görüşlərimiz olub. Təkliflərimi onlara demişəm. Lakin tam anlaşa bilməmişik. İndi də klublarınızdan təklif gözləyirəm.
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |