Veteran futbolçular İranda biabır oldular
Fevralın
14-dən 20-ə kimi İranın paytaxtı Tehranda veteran futbolçular və şou-biznes
nümayəndələrinin iştirakı ilə ənənvi “Art-turnir" keçirilib. Turnirdə 9 ölkə,
o cümlədən Azərbaycan da təmsil olunub. Braziliyanın son anda qatılmadığı yarışda
komandalar 2 qrupa bölünüblər. Azərbaycan Rumıniya, Yunanıstan, İsveç, Almaniya
ilə bir qrupda yer alıb. Digər qrupda isə İran, Macarıstan, Türkiyə və Yaponiya
komandaları mübarizə aparıblar. İlk oyunda İsveçə 2:3 hesabı ilə məğlub olan komandamız
2-ci oyunda eyni hesabla yunanlara uduzublar. 3-cü oyunda isə məğlubiyyətlə yanaşı
daha bir biabırçılıq yaşanıb. Belə ki, Rumıniya ilə qarşılaşmanın gedişində 1:4
hesabı ilə məğlub olan komandamız oyunu yarımçıq dayandırmaq təhlükəsi ilə üzləşib.
Buna futbolçu çatışmazlığı səbəb olub. İsveçlə oyunda Ramiz Məmmədovun, Yunanıstanla
matçda isə Kənan Kənimovun zədələnməsi, Arif Əsədovun da son oyuna zədəli halda
çıxması və oyunu yarımçıq dayandırması işləri korlayıb. Bu anda məcburiyyətdən meydana
Vüqar Vüqarlı daxil olub. Hansı ki, İrana futbolçu kimi yox, media işçisi kimi gedibmiş.
Bu azmış kimi, məhz futbolçu çatışmazlığı üzündən komandamız Almaniya ilə sonuncu
oyununa çıxmayıb.
Əldə etdiyimiz
məlumata görə, turnir başlamamışdan İrana 15 nəfərin geməsi nəzərdə tutulubmuş.
Amma ora cəmi 10 nəfər aparılıb. Onlardan 7-i - Arif Əsədov, Ədahim Niftəliyev,
Elşad Quliyev, Kənan Kərimov, Əli Abuşov, Alim Qurbanov, Ramiz Məmmədov və İlqar
Ağayev veteran futbolçulardı. Qalan 2 nəfərdən biri meyxanaçı Vüqar, digəri isə
jurnalist Vüqar Vüqarlı idi. İsveç ilə oyunda Ramiz Məmmədov, yunanlarla matçda
isə Kənan Kərimov zədələnib. 3-cü oyunun gedişində isə bayaq qeyd etdiyimiz kimi
Arif Əsədov sıradan çıxıb və 6 nəfərlə qalan komanda oyunu yarımçıq dayandırmalı
olub.
Bu da
son deyil. Komanda İrana gedərkən aeroportda təşkilatçıların İlqar Ağayevə bilet
ayırmadığı məlum olub. Şəxsi hesabına bilet alan Ağayev qayıdarkən də eyni problemlə
üzləşib. Pulu olmayan veteran futbolçuya bu dəfə yol yoldaşlarından biri kömək əlini
uzadıb. Bununla bağlı Azərbaycan tərəfindən turnirlə əlaqələndirici şəxs, Azərbaycan
Futbol Veteranları Birliyinin prezidenti Oqtay Abdullayevlə əlaqə saxladıq və baş
verən biabırçılıqlara münasibətini öyrəndik. Oqtay müəllimin sözlərinə görə, iştirakla
bağlı onlara dəvət turnirin başlamasından xeyli əvvəl gəlib. Bütün xərclər, o cümlədən,
yol, otel, qidalanma və s. məsrəfləri təşkilatçılar qarşılamalı idilər: “Turnirin
başlamasına cəmi 1 gün qalmış bizə biletlərin hazır olduğunu bildirdilər. O da axşam.
Əvvəlcədən turnirə 15-ə yaxın nümayəndənin gedəcəyi planlaşdırılmışdı. Belə bir
vəziyyətdə onlardan bir neçəsi işləri ilə əlaqədar səfərdən imtina etdilər. 9 nəfəri
güclə yığdıq".
İlqar
Ağayevin qarşılaşdığı bilet probləminə də münasibət bildirən Oqtay müəllim bildirdi
ki, turnirə əvvəlcədən qapıçı kimi Hüseyn Məhəmmədovun getməsi nəzərdə tutulubmuş.
Lakin Hüseynin anası dünyasını dəyişdiyindən, qısa zaman ərzində başqa qapıçı tapmalı
olublar. İlqar Ağayevin adının son anda siyahıya salınmasü üzündən bilet problemi
yaşanıb.
İran tərəfinin
hörmətsizliyinə cavab olaraq turnirdən imtina etmək olmazdımı? Axı, normal mübarizə
apara bilməyən komandanı ora yollamaqla Azərbaycan futbolunun adına ləkə gəldi.
Şəxsi işləri ilə əlaqədər İrana gedə bilmədiyini deyən Oqtay Abdullayev suala belə
cavab verdi: “İmtina edə bilərdik. Futbolçularla məsləhətləşdikdən sonra getmək
qərarı verildi. Bəziləri turnirdə iştirak etmək istəyirdilər. Amma indən belə bir
daha həmin turnirdə iştirak etməyəcəyik".
“Het-trik
news”qəzeti
Şərh yazılmayıb
|
ŞƏRH YAZ
|
"Qalatasaray"ın 3 müdafiəçisi Super Liqa matçında oynamayacaq
“Mançester Siti” Fodenin müqaviləsini uzadacaq
“Mən də azərbaycanlıyam, millidə oynamaq istəyirəm” – “Araz Naxçıvan”ın hücumçusu
MY-in maraqlandığı “Everton”lular
Pep belçikalı oyunçusu barədə danışıb
Moyesin oğlu onunla bərabər çalışacaq
“Mançester Siti” qolkiperini itirdi
"Fənərbaxça"da itki
"Arda Gülerin böyük gələcəyi var"
"Qarabağ" azarkeşlərə müraciət etdi
Rahilin komandası səfərdə qalib gəldi
"Araz-Naxçıvan" "Qarabağ"ın yetirməsini transfer etdi
"Trabzonspor"dan ayrılıb sabiq klubuna qayıtdı
Qara Qarayev "Neftçi"də - RƏSMİ
12.03.2024
24.07.2023
22.07.2023
21.07.2023
20.07.2023
19.07.2023
18.07.2023
17.07.2023
16.07.2023
15.07.2023
O | Q | H | M | T-f | X | |||
1. | Neftçi | 28 | 18 | 5 | 5 | 47-25 | 59 | |
2. | Qarabağ | 28 | 16 | 9 | 3 | 64-18 | 57 | |
3. | Sumqayıt | 28 | 10 | 9 | 9 | 30-31 | 39 | |
4. | Zirə | 28 | 8 | 14 | 6 | 28-28 | 38 | |
5. | Sabah | 28 | 7 | 8 | 13 | 28-39 | 29 | |
6. | Keşlə | 28 | 5 | 11 | 12 | 25-40 | 26 | |
7. | Qəbələ | 28 | 5 | 11 | 12 | 23-44 | 26 | |
8. | Səbail | 28 | 5 | 9 | 14 | 21-42 | 24 | |
08.05 | Səbail | --- | Neftçi |
08.05 | Keşlə | --- | Sumqayıt |
09.05 | Zirə | --- | Qəbələ |
09.05 | Sabah | --- | Qarabağ |
14.05 | Sumqayıt | - | Neftçi |
14.05 | Qarabağ | - | Keşlə |
14.05 | Qəbələ | - | Sabah |
14.05 | Zirə | - | Səbail |