Azərbaycanlı güləşçiyə ağır cəza verildi

17.03.2016 | 1677 dəfə oxunub

Azərbaycanın gənc sərbəst güləşçisi Turxan Qurbanov 4 il müddətinə bütün yarışlardan kənarlaşdırılıb. Stadium.Az xəbər verir ki, bu barədə Dünya Güləş Birliyi qərar qəbul edib.

Qərara 20 yaşlı pəhləvanın 2015-ci ilin iyununda Türkiyənin İstanbul şəhərində 96 kq çəki dərəcəsində 5-ci yeri tutduğu gənclər arasında Avropa çempionatında dopinq-testdən imtinası səbəb olub. 

Xəbəri Gənclər və İdman Nazirliyinin Dopinqə qarşı mübarizə sektorunun müdiri İradə Rüstəmzadə də təsdiqləyib. O bildirib ki, hazırda cəzanın yüngülləşdirilməsi istiqamətində danışıqlar aparılır.

Güləşçinin atası Sənani Qurbanov isə hadisənin anlaşılmazlıq üzündən baş verdiyini açıqlayıb: "Avropa çempionatında oğlum 5 görüş keçirib. Həm yarımfinal, həm də bürünc medal uğrunda görüşdə uduzduqdan sonra türkiyəli dopinq zabitləri ona yaxınlaşaraq, dopinq-testə dəvət ediblər. Turxan isə xeyli tər axıtdığını və yorğun olduğunu deyib və dopinq-testin ertəsi gün götürülməsini xahiş edib. Razılaşıblar ki, yoxlama səhəri günə təxirə salınsın. Lakin vəd olunduğu vaxt oğluma bildiriblər ki, sən dopinq-testdən imtina etmisən və buna görə iş aktlaşdırılıb. Bir ay sonra isə ona 4 illik cəza gəlib".

S.Qurbanovun sözlərinə görə, oğlu gənclər millisinin heyətində yuxarı çəki dərəcələrində yer alanlar arasında yeganə azərbaycanlı güləşçidir və 2020-ci il Tokio Yay Olimpiya Oyunlarında çıxış etməyə əsas namizədlərdən sayılır. Bu səbəbdən, o, T.Qurbanovun cəzasına yenidən baxılması üçün Gənclər və İdman Nazirliyi ilə Azərbaycan Güləş Federasiyasının dəstəyinə ümid edir.

Qeyd edək ki, Turxan Qurbanov ölkədaxili və beynəlxalq turnirlərdəki nailiyyətləri ilə yanaşı, 2014-cü il dünya çempionatının bürünc mükafatçısı olub. (report)



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

18.08.2019

22:02  "Zirə" məğlubiyyətlə başladı - YENİLƏNİB

19:23  “Səbail” – “Zirə” -HEYƏTLƏR

14:34  "Arsenal" - "Burnley" 1:2 VİDEO

16.08.2019

18:20  “Keşlə” – “Qarabağ” - HEYƏTLƏR

15.08.2019

19:46  "Bney Yehuda" - "Neftçi" - HEYƏTLƏR

11:00  Günün oyunlarına necə baxaq? - TV AFİŞA

14.08.2019

12:00  Günün oyununa necə baxaq? - TV AFİŞA

13.08.2019

19:37  "Qarabağ" - APOEL - HEYƏTLƏR

11:43  Günün oyunlarına necə baxaq? - TV AFİŞA

12.08.2019

23:57  "Qarabağ"ın son məşqi - FOTOLAR

   
  O Q H M T-f X
1. Neftçi 26 16 7 3 59-19 60  
2. Qarabağ 26 18 6 2 47-22 55  
3. Səbail 26 12 5 9 33-29 41  
4. Qəbələ 26 9 9 8 30-29 36  
5. Sabah 26 7 6 13 20-37 27  
6. Zirə 26 6 7 13 24-39 25  
7. Sumqayıt 26 6 5 15 22-42 23  
8. Keşlə 26 5 5 16 24-41 20  
11.11Sumqayıt ---Keşlə
11.11Qəbələ ---Qarabağ
10.11Səbail ---Sabah
10.11Neftçi ---Zirə
24.11Qarabağ -Sabah
24.11Keşlə -Qəbələ
25.11Zirə -Sumqayıt
25.11Səbail -Neftçi