Şahin Diniyev: "Məşqçi kimi belə turnirdə oynamamışam"

20.03.2016 | 3267 dəfə oxunub

"Kəpəz" Azərbaycan Premyer Liqasının 26-cı turunda səfərdə "Neftçi"yə 3:2 hesabıyla qalib gəldi. Stadium.Az xəbər verir ki, komandanın baş məşqçisi Şahin Diniyev oyundan sonra vacib qələbəni belə dəyərləndirib:

"Maraqlı oyun keçdi. Bol qollu matç keçdi. Hər iki qapıya təzyiqlər vardı. Çünki komandaların hər ikisi hücumameylli idi. Bu 3 xal bizim üçün qızıl xal kimi idi. Avropanın qapısını döymək istəyiriksə, ən azından məğlub olmamalıydıq.

Geniş heyət olmasa da, meydanda uduzduq. İlk hissənin fasiləsində dedim ki, 2:0 qələbə deyil. "Neftçi"yə qarşı 90-dan əlavə 4-5 dəqiqədə də oynamaq lazımdır. Bu qələbə bütün gəncəlilərə bayram hədiyyəsidir. Mənə elə gəlir ki, bu gün Gəncədə hər kəsin qapısına papaq atdıq və payımızı aldıq. "Neftçi"yə uğurlar arzu edirəm və inanıram ki, gələcəkdə xal qazanıb qara zolaqdan çıxacaq. Demirəm ki, səhvsiz oynadıq. Amma qələbə qazana bildik.

Fikrimcə normal idarəçilik oldu. Bu gün hakimin səhvi yox, "Kəpəz"in qələbəsi idi. Komandada oynayan futbolçuların hamısı qələbəni hiss etmir. Yəni özünə inam yoxdur. Bugünkü oyunda da məğlub ola bilərdik. Oyunun sonlarına yaxın qol buraxmağımız psixoloji amillə bağlıdır. Avropada çıxış etmək üçün güclənməyə ehtiyacımız var. Hər mövqedə daha səviyyəli futbolçu olmalıdır. İki cinah müdafiəçimiz var. bu gün geniş heyətimiz yoxdur. 3 xallıq sistemdə nəsə demək çətindir. Çünki 2-3 oyundan sonra dəyişiklik ola bilər. O demək deyil ki, biz Avropa Liqasına çıxırıq. Hələ qarşıda 30 xallıq oyun var. Bu da hər şeyi həll edə bilər. Mənim ən böyük arzum avrokuboklarda oynamaqdır. Məşqçi kimi belə turnirdə oynamamışam. Hamıdan çox bunu mən istəyirəm. Penaltilərə baxmıram. Orada bir polis əməkdaşı vardı. Üzündən nur yağırdı. Dedi ki, mənə bax, yaxşı olacaq. Düzdür ikinci penaltidə məni aldatdı.. (gülür). Dario hələ tam hazır deyil. İnanıram ki, biz arzuladığımız yerdə olanda o, bizimlə olacaq. "Kəpəz" Namiqi Azərbaycan futboluna yenidən qaytardı və milliyə futbolçu verdi. Bu da bizim 6 aylıq əziyyətimizin boşa getməməyi deməkdir. Hələ təzə adlar çox eşidəcəksiniz".



Şərh yazılmayıb
ŞƏRH YAZ
Adınız *  
E-mail    
Təhlükəsizlik kodu    
Kodu daxil edin *  



Çox oxunan xəbərlər
Son xəbərlər

12.03.2024

24.07.2023

22.07.2023

21.07.2023

20.07.2023

19.07.2023

18.07.2023

17.07.2023

16.07.2023

15.07.2023

   
  O Q H M T-f X
1. Neftçi 28 18 5 5 47-25 59  
2. Qarabağ 28 16 9 3 64-18 57  
3. Sumqayıt 28 10 9 9 30-31 39  
4. Zirə 28 8 14 6 28-28 38  
5. Sabah 28 7 8 13 28-39 29  
6. Keşlə 28 5 11 12 25-40 26  
7. Qəbələ 28 5 11 12 23-44 26  
8. Səbail 28 5 9 14 21-42 24  
08.05Səbail ---Neftçi
08.05Keşlə ---Sumqayıt
09.05Zirə ---Qəbələ
09.05Sabah ---Qarabağ
14.05Sumqayıt -Neftçi
14.05Qarabağ -Keşlə
14.05Qəbələ -Sabah
14.05Zirə -Səbail